Tímarit hjúkrunarfræðinga - 01.02.2012, Blaðsíða 23

Tímarit hjúkrunarfræ›inga – 1. tbl. 88. árg. 2012 19
(reiknað á sama verðlagi). Komum til sérfræðilækna fjölgaði
hins vegar um 65,2% á sama árabili. Á sama tíma og þessi
mikla útgjaldaaukning til sérfræðilækna kemur fram hafa hrein
útgjöld hins opinbera vegna þjónustu sjúkrastofnana á hvern
einstakling aðeins hækkað um 2,6% frá árinu 1998. Síðustu
fimm árin hafa þessi gjöld meira að segja lækkað! Útgjöld til
sjúkrastofnana hafa haldist tiltölulega stöðug frá 2007 en höfðu
þá lækkað frá árunum 2002 og 2003. Útgjöld vegna hjúkrunar­
og endurhæfingarstofnana hafa einnig haldist nokkuð stöðug,
en lækkuðu þó á árinu 2010 og er það umhugsunarefni í ljósi
fjölgunar aldraðra og aukinnar þjónustuþarfar þeirra.
Ansi áhugaverðar staðreyndir koma í ljós þegar hlutfall launa
af heilbrigðisútgjöldum hins opinbera er skoðað. Árið 2009
voru laun 50,6% af heildarútgjöldunum og höfðu lækkað úr
53,9% árið 2008. Árið 2009 voru 2.686 hjúkrunarfræðingar
starfandi hjá opinberum stofnunum. Heildarlaun þessara
hjúkrunarfræðinga voru 34% af heildarlaunum í heilbrigðis­
þjónustu. Starfandi læknar voru 1.190 árið 2009 eða rúmlega
helmingi færri en starfandi hjúkrunarfræðingar. Engu að síður
var hlutur lækna af heildarlaunum í heilbrigðisþjónustunni hærri
en hjúkrunarfræðinga eða 34,6%!
Þessar tölulegu upplýsingar varpa ljósi á þróun í heilbrigðis­
þjónustunni sem ég þori að fullyrða að er ekki í samræmi
við stefnu stjórnvalda. Ég hef í öllu falli ekki orðið vör við að
stjórnvöld hafi sérstaklega stefnt að auknum einkarekstri
sérfræðilækna. Þá sker í augu sá mikli munur sem er á launum
hjúkrunarfræðinga og lækna. Spyrja má hvort þessi mikli munur
endurspegli mat hins opinbera á virði starfa þessara tveggja
stétta?
Elsa B. Friðfinnsdóttir er formaður Félags íslenskra hjúkrunarfræðinga.
Skipting heildarlauna heilbrigðisstarfsfólks 2010.
Heimild: Hagtíðindi 2011:6.
Læknar/Doctors
34,6%Hjúkrunarfræðingar/Nurses
34,0%
Aðrar stéttir í heilbrigðisþjónustunni/
Other health­care personnel
18,7%
Sjúkraliðar/Practical nurses
12,7%
Lesendur eru hvattir til að skrifa stutta pistla sem gætu
hentað undir fyrirsögninni Til umhugsunar. Pistlar þessir
koma ekki í staðinn fyrir þankastrikin en í þeim skorar
höfundur á þann næsta.
Fr
ét
ta
pu
nk
tu
r
Aðalfundur Félags íslenskra hjúkrunarfræðinga
verður haldinn 24. maí. Allir félagsmenn geta setið
fundinn en til þess að fá atkvæðisrétt á fundinum
þurfa félags menn að hafa skráð sig með viku
fyrirvara.
• Ársskýrslur fag- og svæðisdeilda skulu
berast sviðstjórum fyrir 29. mars
• Ársskýrslur sjóða og nefnda skulu berast
stjórn fyrir 26. apríl
• Tillögur til lagabreytinga þurfa að berast
stjórn fyrir 26. apríl
• Málefni, sem óskast tekin fyrir á fundinum,
þurfa að berast stjórn fyrir 26. apríl
• Félagsmenn fá skriflegt fundarboð í síðasta
lagi 10. maí
• Fundargögn verða birt á vefsvæði FÍH í
síðasta lagi 17. maí
• Síðasti skráningardagur til að fá atkvæðisrétt
á aðalfundinn er 17. maí
• Aðalfundur Félags íslenskra hjúkrunarfræðinga
verður haldinn á Grand hóteli 24. maí
Athugið að senda þarf inn tillögur til lagabreytinga
og óskir um fundarefni undir liðnum önnur mál fyrir
26. apríl. Dagskrá aðalfundar er að mestu ákveðin
í lögum félagsins og flestöll fundargögn koma frá
stjórn félagsins. Aðalfundur er tækifæri félagsmanna
til að hafa áhrif á efni fundarins og þar með
starfsemi félagsins.
Mikilvægar dagsetningar
fyrir aðalfund 2012
Aðalfundurinn tekur heilan dag og alltaf eru góðar
veitingar í hádeginu.