Tímarit hjúkrunarfræðinga - 01.10.2012, Qupperneq 30

Tímarit hjúkrunarfræðinga – 4. tbl. 88. árg. 201226
Ragnheiður Árnadóttir
Fáir þekkja líklega núorðið sögu Sjúkrahússins á Akureyri, en það er eitt
af aðalsjúkrahúsum landsins. Það var tekið í gagnið í desember 1953
en eftirfarandi greinarkorn birtist í 2. tbl. Hjúkrunarkvennablaðsins 1954.
Nýlega var fæðingardeildin endurnýjuð og fer vel á því að rifja upp opnun
hennar en hún tók til starfa í janúar 1954.
Ljósmynd: Gunnlaugur P. Kristinsson/Minjasafnið á Akureyri.
Hornsteinnin að Fjórðungssjúkrahúsinu
var lagður 18. ágúst 1946 svo að eðlilegt
var að margur væri orðinn langeygður
eftir að smíði væri lokið og starfræksla
hafin þar. Svo sem flestum er kunnungt
tafði fjárskortur mjög framkvæmdir,
því þótt almenningur gæfi stórfé og
sýndi með því góðan hug og vilja á að
byggingin kæmist sem fyrst í not var
það sem dropi í hafið, kostnaður var svo
gífurlegur. Lauslega áætlað eru nú 11
milljónir komnar í stofnkostnað.
Sjúkrahúsið er utan sem innan mjög
glæsileg bygging. Það stendur hátt
á fallegum stað og útsýni er með
eindæmum fagurt. Stór lóð, slétt og grasi
gróin, er í kring. Þar er fyrirhuguð trjá­ og
blómarækt.
Stærð sjúkrahússins er 925 fermetrar
í flatarmál og nær 14.000 fermetrar.
Herbergi, þar með talin öll smáherbergi,
útskot og gangar, eru 242 að tölu,
þar af 38 sjúkraherbergi. Húsið er þrjár
hæðir og kjallari og neðri kjallari er undir
nokkrum hluta þess.
Á fyrstu hæð er lyflæknisdeild og
röntgendeild, á miðhæð handlæknisdeild
og skurðstofur og á þriðju hæð er
blönduð deild fyrir bæði kir. og med.
sjúklinga og fæðingardeild.
Sjúkradeildirnar taka hver 33­38 sjúklinga
en fæðingardeildin 8 konur. Stofur eru
flestar þriggja manna og sex manna en
Gamlar perlur
Fjórðungssjúkrahúsið
á Akureyri