Tímarit hjúkrunarfræðinga - 01.10.2012, Page 34

Tímarit hjúkrunarfræðinga – 4. tbl. 88. árg. 201230
Stefanía Birna Arnardóttir, stefar@hi.is
AÐ LEGGJA AF STAÐ
Í NÁMSFERÐ
Framhaldsnám í hjúkrun hefur aðdrag­
anda, sennilega lengri og ómeð vitaðri
heldur en maður gerir sér grein fyrir.
Að minnsta kosti er það upplifun mín
að ég hafi, fyrir rúmum tíu árum, lagt
upp í námsferð sem ekki var fyrirséð
hvar endaði. Sem hjúkrunarfræðingur í
heilsugæslu til margra ára fann ég vaxandi
löngun til að skoða betur hvernig við
hjúkrunarfræðingar beitum forvörnum og
komum að heilsueflingu. Ég hafði þá unnið
við ungbarnavernd, skólaheilsugæslu,
hjúkrunarmóttöku og símaráðgjöf
auk heimahjúkrun aldraðra þegar sú
þjónusta var tengd heilsugæslustöðvum.
Skólaheilsugæslan heillaði mig og lagði
ég metnað minn í að finna verkfæri til að
vinna með líðan skólabarna. Ég undirbjó
og kom af stað geðræktarverkefni og
heilsueflingu í mismunandi árgöngum. Ég
vann út frá hugtakinu 6­H heilsunnar sem
Margrét Héðinsdóttir samstarfskona mín
hafði sett fram. Ég hafði líka tekið þátt
í meðferðarrannsókn dr. Mörgu Thome
og Eyglóar Ingadóttur, þá meistaranema,
á vanlíðan kvenna eftir fæðingu. Ég var
svo heppin að heilsugæsla Árbæjar var
valin ein af rannsóknarstöðvunum. Okkur
hjúkrunarfræðingunum var boðin þátttaka
í endurmenntunarnámskeiðinu Geðvernd
eftir fæðingu og átti það að efla þekkingu
okkar á að veita stuðningsmeðferð fyrir
konur sem höfðu lýst vanlíðan sinni í
ungbarnavernd 9 vikum eftir fæðingu. Á
sama tíma og námskeiðið fór fram var ég
líka skólahjúkrunarfræðingur og notaði þá
þekkingu sem ég öðlaðist á námskeiðinu til
að bjóða foreldrum skólabarna, sem komu
til umræðu á nemendaverndarfundum,
stuðningssamtöl. Á þessum tíma voru
skólahjúkrunarfræðingar farnir að sitja þá
Stefanía Birna Arnardóttir er sérfræðingur í fjölskylduhjúkrun á sviði heilsuverndar. Hún starfar hjá
Miðstöð foreldra og barna, sjálfstæðu heilbrigðisfyrirtæki sem sinnir meðferð við geðheilsu­ og
tengslavanda á meðgöngu og eftir fæðingu að 1 árs aldri barns.
Margir hjúkrunar fræðingar hafa lokið meistara námi undanfarin ár og enn fleiri stunda
nú nám eða íhuga að skrá sig til náms. Spyrja má hverju slíkt nám breytir. Stefanía
Birna Arnardóttir segir hér frá sinni reynslu.