Morgunblaðið - 26.09.2015, Side 9
FRÉTTIR 9Innlent
MORGUNBLAÐIÐ LAUGARDAGUR 26. SEPTEMBER 2015
Háskólinn á Bifröst hefur brugðist
við athugasemdum sem komu fram í
stofnanaúttekt Gæðaráðs íslenskra
háskóla. Úttektinni er nú lokið. Hún
var liður í skipulegu eftirliti gæða-
ráðsins með gæðum háskólanna.
„Meginniðurstaða Gæðaráðsins er
sú að það ber traust til Háskólans á
Bifröst varðandi námsumhverfi
nemenda, en takmarkað traust að
hluta til varðandi möguleika skólans
til að tryggja gæði prófgráða sem
skólinn veitir og snýr það að núver-
andi stöðu skólans en ekki að fram-
tíðarstöðu hans,“ segir í tilkynningu
frá Háskólanum á Bifröst. „Gæða-
ráðið tekur fram að það bindi vonir
við að uppfæra megi matið svo lýst
verði trausti á skólann. Áætlun um
umbætur var gerð og kynnt. Sumt
hefur þegar verið framkvæmt en allt
annað er í eðlilegum farvegi og
vinnuhópar að störfum. Starfi að
gæðamálum lýkur aldrei en vonir
standa til þess að nauðsynlegum
áföngum verði náð innan fárra mán-
aða þannig að mat Gæðaráðs upp-
færist.“
Í tilkynningunni segir m.a. að at-
hugasemdir sem gerðar voru vegna
núverandi stöðu skólans til að
tryggja gæði prófgráða hafi verið
þess eðlis að skólinn hafi getað
brugðist hratt og örugglega við
þeim. Þær lutu m.a. að takmarkaðri
notkun á tölfræðilegum upplýs-
ingum til að undirbyggja mat og
áætlanagerð; lítilli viðleitni til að
nota upplýsingar frá samanburð-
arháskólum; skorti á formlegri áætl-
anagerð; þörf á endurskoðun á
stjórnsýslu háskólans sem hafi ekki
haldist í hendur við þróun hans;
skorti á upplýsingum um vinnu
brautskráðra nemenda; litlum
tengslum milli kennslu og rann-
sókna; skorti á akademísku starfs-
fólki með doktorsgráður og skorti á
formlegum aðferðum við ráðningu
kennara og annars akademísks
starfsfólks.
Bifröst fær hrós fyrir þætti sem
snúa að námi og kennslu. Gæðaráðið
nefnir m.a. sem styrkleika nýjungar
í kennsluaðferðum og kennslutækni;
verkefnamiðaða kennslu sem ein-
kennist af hópavinnu nemenda;
tengsl milli kennslu og reynslu í at-
vinnulífinu, reglubundið samstarf
nemenda og kennara og virka þátt-
töku nemenda til að hafa áhrif á
stjórnun háskólans.
gudni@mbl.is
Gæðaúttekt á
Bifröst er lokið
Morgunblaðið/Árni Sæberg
Háskólinn á Bifröst Gæðaráð ís-
lenskra háskóla tók skólann út.
Gæðaráð vonar að uppfæra megi matið
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
• www.hjahrafnhildi.is
Vertu vinur okkar á Facebook
Vandaðir gaberdin
frakkar frá ERICH FEND
Tveir litir, tvö snið, stærðir 36-54
Opið 10-16 í dag
Bæjarlind 6, sími 554 7030
Við erum á facebook
Renndir jakkar
Verð 8.900 kr.
Str. M-XXXL
Litir: Svart, blátt
gisting.dk
499 20 40 (Íslenskur sími) 32 55 20 44 (Danskur sími)
Herbergi frá Dkk 300 Íbúðir frá Dkk 900
Kaupmannahöfn
Skoðið laxdal.is
Laugavegi 63 • S: 551 4422
20%
afsláttur
ALLRAVEÐRA-
KÁPUR
Vind- og vatnsþéttar
St. 38-52
Sigurður Ingi Jóhannsson, sjávar-
útvegs- og landbúnaðarráðherra,
undirritaði í gær reglugerð sem
heimilar innflutning á djúpfrystu
erfðaefni holdanautgripa frá við-
urkenndri sæðingarstöð í Noregi.
Heimilt verður að flytja inn sæði og
fósturvísa úr heilbrigðum holda-
nautgripum. Einnig nær reglugerð-
in til leyfisveitinga til reksturs ein-
angrunarstöðva. Nýja erfðaefnið
má einungis nota á viðurkenndum
einangrunarstöðvum.
„Tilgangurinn er að efla innlenda
framleiðslu á nautakjöti, en Land-
samband kúabænda hefur þrýst
mjög á að innflutningurinn verði
heimilaður,“ segir í fréttatilkynn-
ingu atvinnuvega- og nýsköpunar-
ráðuneytisins. „Framleiðsla á nauta-
kjöti innanlands hefur undanfarin
ár ekki náð að anna eftirspurn og
nam innflutningur á nautakjöti
rúmum 1.000 tonnum í fyrra. Stefn-
ir í að meira þurfi að flytja inn til að
mæta sífellt meiri eftirspurn. Ekki
síst vegna fjölgunar erlendra ferða-
manna.“
Vitnað er í Sigurð Inga landbún-
aðarráðherra sem segir að nýtt
erfðaefni sé forsenda fyrir aukinni
framleiðslu á nautakjöti hér á landi.
„Spurn eftir nautakjöti hefur aukist
stórlega á undanförnum árum og
ákvörðunin er í samræmi við stjórn-
arsáttmálann þar sem segir að rík-
isstjórnin muni gera íslenskum
landbúnaði kleift að nýta þau sókn-
artækifæri sem greinin standi
frammi fyrir,“ sagði Sigurður Ingi.
Seinfarin og dýr leið
„Landssamband kúabænda lýsir
ánægju með að reglugerðin skuli
vera komin fram, hún er varða á
langri leið til að efla nautakjöts-
framleiðslu hér á landi,“ segir í frétt
frá Landssambandi kúabænda. Það
segir á heimasíðu sinni að reglu-
gerðin byggist á breytingu á lögum
um innflutning dýra, sem samþykkt
var á Alþingi síðastliðið sumar.
„Í reglugerðinni er gert ráð fyrir
að fluttir verði inn fósturvísar og
þeim komið fyrir í fósturmæðrum í
einangrunarstöð. Kálfa sem vaxa
upp af innfluttum fósturvísum, má
síðan flytja úr einangrunarstöð þeg-
ar þeir ná 9 mánaða aldri, uppfylli
þeir allar heilbrigðiskröfur. Það
skal einnig áréttað að sú leið sem
Alþingi ákvað að farin skyldi í þess-
um efnum er seinfarin og gríð-
arlega kostnaðarsöm og verður því
ekki farin án utanaðkomandi stuðn-
ings við greinina.“
Einhver ár líða áður en kjöt af
nýjum stofni holdanauta kemst á
diska landsmanna. gudni@mbl.is
Nýtt erfðaefni holdanauta
Morgunblaðið/Atli Vigfússon
Holdanaut Galloway-naut hafa verið ræktuð í Árbót í Aðaldal í þrjá áratugi.
Forsenda þess að efla innlenda framleiðslu á nautakjöti
Ekkert fyrirtæki fer yfir mörk um
eigu aflahlutdeilda í heild eða í ein-
stökum tegundum á nýju fiskveiði-
ári. Samkvæmt lögum um stjórn
fiskveiða má heildaraflahlutdeild
fiskiskipa í eigu einstakra eða
tengdra aðila ekki fara yfir 12% af
samanlögðu heildarverðmæti afla-
hlutdeilda allra tegunda. Þá má afla-
hlutdeild í þorski ekki fara yfir 12%.
Í ýsu, ufsa, grálúðu, steinbít, síld og
loðnu má hún ekki fara yfir 20% og í
karfa ekki yfir 35%.
Frá þessu er greint á heimasíðu
Fiskistofu, en fyrirtækið birti í gær
stöðu aflaheimilda þeirra 100 út-
gerða sem ráða yfir mestum afla-
hlutdeildum í upphafi nýs fiskveiði-
árs eftir úthlutun á aflaheimildum.
Sambærilegar upplýsingar koma
einnig fram um þær 50 útgerðir sem
ráða yfir mestum krókaaflahlut-
deildum.
Breytingar á milli ára
Nokkrar breytingar eru á því
hvaða fyrirtæki eru í efstu sætunum
frá því sams konar upplýsingar voru
birtar í febrúar sl. í kjölfar úthlut-
unar á aflamarki í deilistofnum, en
það á sér stað við upphaf almanaks-
árs. Þannig stekkur Þorbjörn hf úr
sjötta í þriðja sæti og FISK-Seafood
ehf úr áttunda sæti í það fjórða.
Eins og undanfarin ár eru HB
Grandi og Samherji í tveimur efstu
sætunum. HB Grandi er nú með um
10,9% af úthlutuðu aflamarki en
Samherji er með 6,2%. Samanlagt
ráða þessi tvö stærstu útgerðarfyr-
irtæki landsins yfir 17,1% af afla-
heimildunum samanborið við 18,8% í
upphafi þessa árs.
Líkleg skýring á þessum breyt-
ingum liggur í því að við upphaf fisk-
veiðiársins var ekki úthlutað afla-
marki í loðnu og litlu í öðrum
uppsjávartegundum. Fyrir vikið
breytist hlutur útgerða innbyrðis
vegna mismunandi tegundasamsetn-
ingar á hlutdeildum, segir á vef
Fiskistofu.
HB Grandi og
Samherji með
mestar heimildir
Ekkert fyrirtæki er með heimildir
umfram viðmiðunarmörk í aflamarki
Morgunblaðið/RAX
„Menn eru mjög
áhyggjufullir í
alifugla-, svína-
og nautakjöts-
rækt,“ sagði
Sindri Sigur-
geirsson, formað-
ur Bændasamtak-
anna eftir fund
Bændasamtak-
anna og
búgreina-
sambanda með landbúnaðarráð-
herra í gær um þá stöðu sem er uppi
í ljósi nýrra tollasamninga við ESB.
Sindri sagði áhyggjur bænda þó
ekki einskorðaðar við þær greinar.
Samningurinn hafi áhrif á kjötmark-
aðinn í heild og þegar verð einstakra
tegunda breytist hafi það áhrif á
kauphegðun gagnvart öðrum teg-
undum. Hann sagði gæta nokkurrar
svartsýni meðal bænda gagnvart
samningnum vegna þess.
„Það kom fram í máli ráðherra að
næsta skref er að hraða vinnu við
búvörusamninga. Þar væri hægt að
milda áhrif samningsins, sér-
staklega á þær búgreinar sem fara
verr út á innlendum markaði.“
Sindri sagði samt sem áður mikil
tækifæri felast í auknu markaðs-
aðgengi fyrir þær vörur sem njóta
tollaniðurfellingar.
„Menn eru mjög ánægðir með það
að það hafi verið gerður tvíhliða
samningur um tolla en ekki einhliða
eins og sumir hafa talað fyrir. Þó
hefði mátt taka tillit til þess hve hlut-
fallsleg stærð íslenska markaðarins
er lítil en ráðherra tók það skýrt
fram að vilji ESB í slíkum samn-
ingum sé að tonn komi á móti tonni
og króna á móti krónu.“ bso@mbl.is
Hraði gerð nýrra
búvörusamninga
Sindri
Sigurgeirsson