Þjóðmál - 01.12.2012, Side 23

22 Þjóðmál VETUR 2012
Styrmir Gunnarsson
Geir Hallgrímsson
og arfleifð hans
Kafli úr bókinni Sjálfstæðisflokkurinn — átök og uppgjör
Íminnispunktum mínum um samtal við Geir Hallgrímsson hinn 1 . desember
1989 segir:
Við Matthías áttum fund með Geir
Hallgrímssyni kl . 15:30 þennan dag . Þegar
ég kom á skrifstofu Geirs brá mér mjög .
Ég hafði ekki séð hann frá því snemma
í október, þótt ég hefði talað við hann í
síma . Hallgrímur sonur hans hafði að vísu
sagt mér að hann hefði létzt mjög og væri
ekki nema rúmlega 60 kíló . Við símann sat
maður sem hafði elzt um 20 ár frá því að
ég sá hann nokkrum vikum áður .
Við settumst inn í setustofu bankastjóra
og M . kom skömmu síðar . Í upphafi
samtalsins hafði Geir orð á því að hann
hefði lofað mér því að svekkja mig svolítið
með Víkverja, sem ég hafði skrifað fyrr í
vikunni, og kom í ljós að hann átti bágt með
að þola frásögn af Albert Guðmundssyni
í París og taldi að ég hefði komið með
stjörnur í augunum af fundi hans . Ég bar
hönd fyrir höfuð mér og bætti því við að
ég hefði hitt Albert nokkrum sinnum í
París og heildarrisnukostnaður hans af
mínum völdum væri tveir kaffibollar .
Síðan var þráðurinn tekinn upp frá nótt-
inni í nóvember 1977 . Í minnispunkt um
mínum segir:
Í þessu samtali sagði Geir við okkur M . að
engir tveir menn hefðu staðið jafn fast við
bakið á sér á „niðurlægingartíma sínum“
eins og hann orðaði það, en bætti því við að
þrátt fyrir þessi orð tæki hann ekkert aftur
af því sem hann hefði sagt við okkur um
nóttina . Þetta var í fyrsta skipti sem Geir
nefndi þetta samtal við okkur M . Þessa
nótt var hann stjórnlaus af reiði og sakaði
okkur um að bera ábyrgð á óförum sínum í
prófkjörinu, þar sem við hefðum lyft Albert
upp með því að hampa honum of mikið í
blaðinu . Frá þessari nóttu og til þessa dags
hafði Geir aldrei nefnt þetta samtal og
aðeins brosað þegar við höfðum orð á því .
Við héldum að hann hefði ekki vitað hvað
hann sagði en það kom í ljós í þessu samtali
1 . desember að hann mundi hvert orð af því
sem hann sagði við okkur um nóttina .
Síðan barst talið að Morgunblaðinu:
Þegar hér var komið sögu vék Geir að