Skólavarðan - 01.12.2015, Blaðsíða 12
STJÓRNVÖLD HLUTAST EKKI TIL UM HVAÐA KENNARAR VELJAST TIL STARFA
Illugi Gunnarsson, mennta- og menningarmálaráðherra
Lög um skóla og stjórnvöld á
hverjum tíma hafa það að
meginmarkmiði að við skóla
landsins starfi hæft og vel
menntað starfsfólk sem hefur
þarfir nemenda að leiðarljósi
og stuðlar að „alhliða þroska,
velferð og menntun“ þeirra, eins
og segir í lögum um grunnskóla. Það er
í raun skólanna sjálfra að sjá til þess að þeir
sem eru ráðnir til starfa uppfylli kröfur um
menntun og hafi til að bera þá hæfni og eig-
inleika sem eru líklegir til að mæta þörfum
nemenda eins og þeim er lýst í lögunum.
Það er ekki hlutverk stjórnvalda að
setja sérstaka stefnu um það hvernig sam-
setning kennarahópsins innan hvers skóla
eigi að vera. Skólar hafa fyrst og fremst að
leiðarljósi menntun kennara sem sækja um
störf, en önnur sjónarmið geta þar ráðið
einhverju, svo sem aldur, reynsla og kyn.
Það er eðlilegt að búast við því að skólar
ráði til starfa fjölbreyttan hóp
starfsfólks og leitist við að hafa
hann ekki of einhæfan. Þannig
verður betur tryggt að skólinn
geti mætt nemendum sem eru
eins ólíkir og þeir eru margir
og á þeirra eigin forsendum.
Þessi sjónarmið sem skólastjórn-
endur þurfa að hafa í huga má heimfæra
á allt skólakerfið upp að ákveðnu marki. Ef
stór hluti kennara í íslensku skólakerfi er
á þröngu aldursbili má velta fyrir sér hvort
ekki sé ástæða til að breikka þann hóp til
að endurspegla ólíka sýn og reynslu þeirra
sem eru yngri í bland við þeirra sem hafa
langa reynslu. Það sama getur gilt um kyn
kennarahópsins. Þótt allur kennarahópur
skóla sé af sama kyni þá er ekkert sem
mælir á móti því að hann geti ekki verið
fyllilega hæfur til að sinna sínum störfum af
kostgæfni. Aftur á móti er ekki óeðlilegt að
það sjónarmið komi upp að heppilegra sé að
hafa hæfilega blöndun kynja í kennarahópi
innan skólanna, bæði vegna nemenda en
einnig vegna kennaranna sjálfra sem þurfa
að starfa saman að því að mennta nemenda-
hópinn.
Stjórnvöld geta sýnt því sjónarmiði
skilning að það sé ekki heppilegt að körlum
í kennarastétt fari fækkandi, en það er
ekki á stefnu stjórnvalda að hlutast til um
það hvaða kennarar veljast til starfa svo
framarlega sem þeir uppfylla markmið
laga um kennaramenntun. Aftur á móti má
vænta þess að kennaramenntunarstofnanir
og skólastjórnendur leiti leiða til að tryggja
fjölbreyttan hóp kennara sem endurspegli
ólík svið íslensks samfélags og búi að
fjölbreyttri reynslu. Þannig verður best
tryggt að kennarar og nemendur geti saman
stefnt að „alhliða þroska allra nemenda og
þátttöku þeirra í lýðræðisþjóðfélagi sem er í
sífelldri þróun“ eins og segir í markmiðum
laga um grunnskóla.
SKÓLAVARÐAN
ER KOMIN Í
APP STORE &
GOOGLE PLAY
SÆKTU APPIÐ
STRAX Í DAG
etwinning.is
eTwinning.is
• einfalt skólasamstarf gegnum netið
• góð leið til að virkja nemendur og auka
vægi upplýsingatækni
• aðgangur að rafrænum verkfærum
• netöryggi
• endurmenntun kennara
• kostar ekkert
RAFRÆNT
SKÓLASAMFÉLAG
Í EVRÓPU