Skólavarðan - 01.12.2015, Blaðsíða 38

38 DESEMBER 2015
aldrei að koma nálægt mat. Þessu er hægt að
breyta og gera námið praktískara og um leið
áhugaverðara.“
Ingibergur er ekki sáttur við ákvörðun
menntayfirvalda um að takmarka aðgang
25 ára og eldri að framhaldsskólum. „Þau
eru óteljandi dæmin sem ég hef séð um
ungmenni sem hafa dottið út úr skóla á
ákveðnu tímabili en síðan fundið sína fjöl og
komið aftur í nám. Þetta fólk hefur orðið að
mjög færum iðnaðarmönnum.“
Það verður að bjóða eitthvað annað í
staðinn, segir Ingibergur. „Við höfum staðið
fyrir raunfærnimati hér í Iðunni fræðslusetri
og hefur það gefið góða raun. Þá er kannski
einhver sem byrjar sem sópari á bílaverk-
stæði en tekur svo að sér fleiri störf. Svo
kannski klárar hann nokkra áfanga í íslensku
og stærðfræði í skóla en gufar svo upp í
fáein ár. Líður svo tíminn og nemandinn
kemur hingað og fær þjónustu námsráðgjafa,
skoðað er hvar hann er staddur og svo hefst
vegferðin. Með þessum breytingum á fram-
haldsskólakerfinu lokast hins vegar margar
dyr og er eiginlega óskiljanlegt að menn fari
þessa leið; ég hefði haldið að það væri rós í
hnappagatið að bjóða fólki að mennta sig og
verða betri samfélagsþegnar.
Fólk á að fá að vinna hafi það
heilsu til
Félagsmálin hafa alltaf verið stór þáttur í
lífi Ingibergs þótt hann segist nú hættur
öllu slíku. „Já, ég var mikið í félagsstörfum
og hóf ferilinn í Félagi bifvélavirkja meðan
ég starfaði í iðngreininni, auðvitað í stjórn,
og svo þegar ég fór að kenna í Sambandi
sérskóla sem svo hét, en innan vébanda þess
voru kennarar í verknáms- og iðnskólum. Ég
náði að verða formaður félagsins undir lokin
eftir að hafa setið í stjórn þess mörg tímabil.
Félagið breytti um nafn í ljósi breytinga á
starfsvettvangi félagsmanna sinns og tók
sér nafnið Félag framhaldsskólakennara og
þannig rann það inn í nýtt Kennarasam-
band. Fyrir sameiningu var þetta FF, lítið
félag með um 300 félaga, en eftir samein-
inguna varð það myndarlegt stéttarfélag
eins og allir sjá í dag.“
Ingibergur sat í stjórn gamla Kennara-
sambandsins síðustu árin sem það starfaði
og í stjórn þess nýja sem fulltrúi FF. Þá
eru ótalin störf í samninganefndum,
samstarfsnefndum og norrænu starfi fyrir
framhaldsskólakennara. Hann er eins og
fyrr segir ekki hættur að vinna þótt hann sé
genginn í eftirlaunafélag kennara. Ingiberg-
ur er gagnrýninn á fyrirkomulag starfsloka
í kennarastétt. „Ég var kallaður á fund
skólameistara þegar ég varð sjötugur og sagt
að nú yrði ég að hætta; ég hafði þá verið í
hálfu starfi í þrjú ár. Það má víst ekki hafa
fólk eldra en sjötíu ára.“
Hann var ekki tilbúinn að setjast í
helgan stein og fór að vinna við þýðingar
en slík vinna hefur alltaf legið vel fyrir
Ingibergi. Hann hefur meðal annars setið í
orðanefnd um íðorðasafn bíliðna á vegum
íslenskrar málnefndar. „Manni býðst að
fara í 49 prósent starf en er um leið bannað
að vinna stjórnunarstörf,“ segir Ingibergur
og bætir við að hann hafi stokkið til þegar
forsvarsmenn Iðunnar höfðu samband
í byrjun árs og buðu honum að koma til
starfa. „Mér finnst þetta hallærislegt, ef fólk
hefur vit og getu þá á það að fá að vinna,“
segir Ingibergur sem mun áfram vinna að
framgangi bíliðna í landinu auk þess að
þýða tæknitexta yfir á okkar ástkæru ylhýru
íslensku.
Öryggisbelti í öllum
bílum og yfir 800 sæti
með þriggja punkta
beltum.
Umhverfisvænar rútur
Árlegt öryggisnámskeið
fyrir bílstjóra
Vorferðir
Fræðsluferðir
Gönguferðir
Fjöruferðir
Sveitaheimsóknir
Heimsókn í Álfa-, trölla
og norðurljósasafnið
eða Draugasetrið
Bjóðum ódýra gistingu
fyrir hópa
Dæmi um skólaferð: létt fjallganga, Álfa-, trölla-
og norðurljósasafnið eða Draugasetrið og sund.
Guðmundur Tyrfingsson ehf

Sími 482 1210
gt@gtbus.is
www.gtyrfingsson.is
„Þau eru óteljandi dæmin sem ég hef séð um ungmenni sem hafa dottið út úr skóla á ákveðnu tímabili
en síðan fundið sína fjöl og komið aftur í nám,“ segir Ingibergur.