Skólavarðan - 01.12.2015, Page 21

stjórnendum við að taka slík viðtöl. Það
sé ekki síður mikilvægt að henda til hliðar
öllum þeim staðalímyndum sem fólk hafi af
eldri starfsmönnum, því margar þeirra séu
einfaldlega rangar.
„Eins og við ræddum áðan þá er
ímyndin sú að eldri starfsmenn eigi erfitt
með að tileinka sér nýja hluti og hafi jafnvel
ekki áhuga á því. Það er einfaldlega ekki
rétt, því rannsóknir gefa til kynna að færni
starfsmanna aukist með árunum, meðal
annars til ákvarðanatöku og til að leysa
vandamál. Viljinn til að læra nýja hluti og
taka þátt í þjálfunar- og fræðsluprógrömm-
um er einnig til staðar. Sömu rannsóknir
gefa síðan vísbendingar um að eldri
starfsmenn sitji eftir í þessum málum, og
fái ekki tækifæri til náms og þjálfunar til að
mæta nýjum verkefnum, nýjum aðstæðum
og nýjum vinnuaðferðum. Það leiði síðan til
þess að þeir dragist aftur úr.“
Ekki líta fram hjá reynsluboltum
Við vinnslu ritgerðarinnar ræddi Jóna Val-
borg við átta starfsmenn á aldrinum 50 til
63 ára. Í þeim hópi voru bæði starfsmenn
sem upplifðu að þeim væri sinnt og þeir
fengju tækifæri í störfum sínum, og starfs-
menn sem voru í verri stöðu. Einn var sem
dæmi nánast afskiptur í sínu starfi.
„Ég hef lært að starfsfólk er einstaklingar
en ekki ímyndir eða táknmyndir hópa. Þegar
við sýnum það í verki að starfsfólkið okkar
er verðmætt og eftirsóknarvert, þá hefur það
jákvæð áhrif á alla. Gefum reynsluboltunum
tækifæri til að fara á námskeið eða ráðstefnur
ef þeir hafa áhuga á því.
Það getur síðan verið jákvætt að fá
reynslumikið starfsfólk til að miðla þeirri
þekkingu sem það sækir sér til yngri og
reynsluminni starfsmanna. Þannig slá
stjórnendur tvær flugur í einu höggi. Skila-
boðin eru: ég hef miklar mætur á þér og ég
veit að þú ert frábær í þínu starfi. Þetta er
augljóslega mjög hvetjandi. Við megum ekki
gleyma að það felast verðmæti í hverjum
einasta starfsmanni, og það blasir við að
starfsmaður sem hefur til dæmis unnið á
sama vinnustað í marga áratugi býr yfir
verðmætri þekkingu. Það er því allra hagur
að hann sé bæði virkur og áhugasamur,“
segir Jóna Valborg.
„Við verðum að vera vakandi fyrir
þessum hópi og mér finnst stjórnendur vera
að vakna til vitundar um það. Hættan er að
ef þeir geri það ekki missi eldri starfsmenn
áhugann. Einn viðmælandi minn, 56 ára
gömul kona, sagðist til dæmis í gegnum
tíðina oft hafa farið á námskeið og ráðstefn-
ur en hún væri hætt því í dag. Í staðinn
væri hún farin að sinna áhugamálunum af
auknum krafti, til dæmis með því að fara
á námskeið í hannyrðum og sköpun. Hún
var búin að ákveða að hætta og farin að
eyða orkunni og tímanum í að undirbúa
eftirlaunaárin.“
„Rannsóknir gefa til
kynna að færni starfs-
manna aukist með
árunum, meðal annars
til ákvarðanatöku“
ÆFUM LESTURINN SAMAN
Við bjóðum mikið úrval
kennslugagna fyrir lestur og
stærðfræði. Fagmannleg
ráðgjöf og reynsla í 10 ár
Hafðu samband við okkur í
Ísey & ABC í síma 588 0077 eða
á netfangið iseyabc@iseyabc.is
Einnig hlökkum við til að taka á
móti ykkur að Stangarhyl 5.
Stangarhyl 5 - 110 Reykjavík - Sími 588 0077 - www. isey.is - iseyab  vc@iseyabc.is