Skólavarðan - 01.12.2015, Side 13

MIKILVÆGT AÐ KENNARAR ENDURSPEGLI BÆÐI KYNIN
Þorgerður Katrín Gunnarsdóttir, forstöðumaður mennta- og nýsköpunarsviðs Samtaka
atvinnulífsins
Hver er þín skoðun á kynjaþróun í kennarastétt?
Ákjósanlegast er að kynjahlutföllin í kennarastéttinni séu sem jöfnust.
Kennarar eru burðarstoðin í námsferli hvers nemenda, allt
frá leikskóla til háskóla. Í því ljósi er mikilvægt að þeir
sem sinna fræðslu og miðlun þekkingar til barna og
unglinga endurspegli bæði kynin.
Þarf að gera eitthvað vegna stöðunnar?
Já. Stóra myndin er að gera kennaramenntunina
og -starfið aðlaðandi fyrir einstaklinga er huga að
háskólanámi og eigin starfsferli. Ef þróunin heldur áfram
eins og umliðin ár þarf tvímælalaust að skoða ákveðna þætti, bæði til að laða
að fólk í kennaranám og vinna gegn þeim kynjahalla sem við nú stöndum
frammi fyrir. Það fer saman.
Fara þarf vel yfir kennaramenntunina, inntak hennar og aukinn þátt
starfsnáms, skoða þarf vinnuumhverfi og auka kennslumat og endurgjöf
til kennara. Jafnframt þarf að stuðla að vandaðri umræðu um kennslu og
uppeldisstörf, aðferðafræði við gerð kjarasaminga þarf að breyta og síðast en
ekki síst er brýnt að auka sveigjanleika innan og á milli skólastiga. Þar eru
kerfisbreytingar ekki undanskildar.
KARLAR TÖKUM ÞÁTT!
Andri Rafn Ottesen kennaranemi
Staðan eins og hún er
í dag veldur mér
áhyggjum, og ekki
bætir úr að sjá þessa
framtíðarspá. Ég
sé ekki betur en að
hefja þurfi vinnu
við að kortleggja hvar
„vandinn“ liggi. Sú hugsun
að hlutfall karla færist sífellt nær 10% finnst
mér gefa alveg nógu sterka ástæðu fyrir því
að eitthvað þurfi að gera í þessu.
Það skiptir kannski ekki meginmáli
hvort kennarinn sé karl eða kona svo lengi
sem einstaklingurinn nær að miðla efninu
til nemenda sinna, en mér finnst aftur á
móti mjög brýnt að drengir hafi karlkyns
fyrirmyndir í kennslu og innan skólastof-
unnar. Ég er stoltur af því að vera í kennara-
námi með öllu því frábæra fólki sem þar er.
Menntun skiptir máli, karlar tökum þátt!
SKÓLAVARÐAN
ER KOMIN Í
APP STORE &
GOOGLE PLAY
SÆKTU APPIÐ
STRAX Í DAG
etwinning.is
eTwinning.is

• einfalt skólasamstarf gegnum netið
• góð leið til að virkja nemendur og auka
vægi upplýsingatækni
• aðgangur að rafrænum verkfærum
• netöryggi
• endurmenntun kennara
• kostar ekkert
RAFRÆNT
SKÓLASAMFÉLAG
Í EVRÓPU