Skólavarðan - 01.12.2015, Blaðsíða 14
14 DESEMBER 2015
SÖMU VANDAMÁLIN Á
ÖLLUM NORÐURLÖNDUNUM
Norrænu kennarasamtökin
(NLS) eru samstarfsvettvangur
norrænna stéttarfélaga kennara
á öllum skólastigum. Átján
stéttarfélög með alls um 600.000
félaga í Danmörku, Færeyjum,
Íslandi, Finnlandi, Grænlandi,
Noregi og Svíþjóð eiga aðild að
samtökunum. Eitt meginhlutverk
samtakanna er að stuðla að þróun
skólamála og auka vegsemd
kennarastarfsins í samfélaginu.
Útsendari Skólavörðunnar settist á dögunum
niður með Anders Rusk, framkvæmdastjóra
Norrænu kennarasamtakanna (NLS) og
ræddi við hann um starfsemina, helstu verk-
efni og mikilvægi þess að stéttarfélög kennara
á Norðurlöndum eigi með sér samstarf.
„Ég tel afar mikilvægt að Kennarasam-
bandið taki þátt í alþjóðlegu samstarfi á borð
við það sem fer fram innan NLS, því það
tryggir að KÍ er betur í stakk búið til að gæta
hagsmuna félagsmanna sinna. Ástæðan er
að í þeirri alþjóðavæðingu sem við erum
að sjá í heiminum standa menn alls staðar
frammi fyrir sambærilegum áskorunum.
Það er því mikilvægt fyrir samtök á borð við
KÍ að fylgjast með umræðunni og þróuninni
og hlusta á rökin í einstökum málum,“ segir
Anders Rusk, framkvæmdastjóri NLS,
spurður um gildi þess að samtök á borð
við KÍ taki þátt í því samstarfi sem fram fer
innan norrænu kennarasamtakanna. Hann
bendir á að atvinnurekendur fylgist vel með
alþjóðlegri umræðu og fái þar hugmyndir að
breytingum og finni aðferðir við að innleiða
þær.
Skortur á trausti
Rusk segir það sameiginlegt áhyggjuefni
allra kennarasamtakanna á Norðurlöndum
að stjórnmálamenn hafi síaukna tilhneig-
ingu til að innleiða breytingar á kennslu og
starfsháttum kennara. „Stjórnmálamenn
eru stöðugt að hugsa um endurkjör sem
þýðir að þeir vilja breytingar sem hægt er
að framkvæma á stuttum tíma, t.d. þremur
eða fjórum árum. Kennarar hafa engan hag
af slíku. Þeir vilja breytingar en að þær séu
gerðar á allt öðrum forsendum og þannig
að hæfni þeirra og þekking nýtist sem best
bæði við breytingarnar og að þeim loknum.
Vandinn við leið stjórnmálamannanna
er að menn laga ekkert á fáeinum árum í
skólakerfinu, þvert á móti þarftu að hugsa
til mun lengri tíma því ef þú ætlar að breyta
einhverju þarftu að breyta menningunni
í skólunum og innleiða nýja þekkingu í
skólakerfið. Það þarf að breyta gildunum og
gera það með lýðræðislegum hætti. Ef vel á
að vera þarf að framkvæma slíkar breytingar
Ísland hefur heilmikið fram að færa í norrænu samstarfi, segir Anders Rusk, framkvæmdastjóri
Norrænu kennarasamtakanna.