Skólavarðan - 01.12.2015, Síða 49
DESEMBER 2015 49
FÉLAGINN RÓSA INGVARSDOTTIR (51 ÁRS)
KLÚBBARNIR GLEÐJA HUG, HJARTA
OG MAGA
Rósa Ingvarsdóttir hefur í mörg horn að
líta í félagsmálum; svo sem að taka þátt í
skipulagningu næstu kjaraviðræðna FG.
Þegar vinnu sleppir nýtur Rósa lífsins gjarna
í vinaklúbbum, fjallgöngum og leikhúsi.
HVER: Formaður Kennarafélags Reykja-
víkur, stjórnarmaður í Félagi grunnskóla-
kennara og umsjónarkennari í Rimaskóla.
Hvað er á döfinni í Rimaskóla? „Skólar
landsins eru þessa dagana að innleiða nýja
starfshætti og námsmat samkvæmt nýrri
aðalnámskrá og Rimaskóli er þar engin
undantekning. Svo er það bara stóra verk-
efnið að leita stöðugt leiða til að kenna
þannig að öllum nemendum sé mætt þar
sem þeir eru staddir og einnig þannig að
áhugi þeirra og forvitni séu virkjuð.“
Hvaða mál eru stærst hjá Kennara
félaginu og Félagi grunnskólakennara um
þessar mundir? Félag grunnskólakennara
er þessa dagana að skoða hvernig fram-
kvæmdin á vinnumatinu hefur gengið
í skólum landsins. Þá er framundan að
skipuleggja kjaraviðræður en kjarasamn-
ingur FG rennur út í lok maí 2016.
Hjá Kennarafélagi Reykjavíkur er ýmis-
legt á döfinni. Eftir áramót er ætlunin að
standa fyrir kynningum á sjóðum KÍ og
FG. Annað sem stendur til að skoða er að
fara í samstarf við önnur kennarafélög
í Reykjavík um samstarf við að búa til
skemmtilega hátíðardagskrá á Alþjóða-
degi kennara í október á næsta ári. Fljót-
lega verður farið af stað með samkeppni
meðal kennara og annarra áhugasamra
um nýtt logo félagsins. Á vordögum verð-
ur svo farið í hina árlegu gönguferð en sú
ferð hefur mælst vel fyrir. Ferðirnar efla
tengslanet kennara í Reykjavík og oft hafa
skapast skemmtilegar skólamálaumræður
í þessum ferðum.“
Hvaða bók er á náttborðinu?„Ég er að lesa
Hefndargyðjuna eftir hina dönsku Söru
Blædel.“
Hvaða leiksýningu langar þig að sjá í
vetur? „Ég er á leiðinni að sjá leikverkið
Garðabær 90210 í Þjóðleikhúsinu. Mig
langar líka mikið að sjá sýningarnar
Mávinn í Borgarleikhúsinu og Í hjarta
Hróa hattar í Þjóðleikhúsinu.“
Í hvaða félögum og klúbbum ertu? „Ég
er auðvitað í Félagi grunnskólakennara
en einnig í ýmsum klúbbum með fólki
sem ég hef átt samleið með á ýmsum
stöðum. Markmið klúbbanna er að búa til
skemmtilegar samverustundir sem gleðja
hug, hjarta og maga.“
Hvaða plata er oftast á fóninum núna?
„Ég á ekki plötuspilara og geislaspilarinn
er bilaður en ef ég ætti að velja eitthvað á
annarra manna fón þá væri það klárlega
eitthvað gott með U2.“
Hvert var uppáhaldsfagið í skóla? „Stærð-
fræði, ótrúlega áhugavert fag.“
Hver er uppáhaldsstaðurinn í Reykja
vík? „Það eru allir staðir þar sem ég hitti
skemmtilegt fólk.“
Áttu gæludýr? „Nei, ekki nema börnin
mín teljist til gæludýra.“
Hvernig færðu útrás? „Með því að fara í
fjallgöngu með áhugaverðu fólki.“
Hvað gerirðu á laugardagsmorgnum?
„Les fjölmiðlana í ræmur þar sem sjaldn-
ast er tími til þess á öðrum dögum.“
Hvaða þekktu persónu hefðirðu viljað
hafa sem kennara? „Ég hefði verið til í
að sitja í kennslustund hjá Pýþagórasi og
heyra hans pælingar í stærðfræði.“
Ef þú mættir taka íslensku þjóðina í eina
kennslustund, hvað myndirðu kenna? „Ég
myndi vilja kenna umburðarlyndi í garð
fólks með ólíkar skoðanir. Mig myndi
langa að kenna fólki með ólíkar skoðanir
að hlusta, virða og reyna að skilja hvert
annað þótt það sé ekki sammála og geti
mögulega aldrei orðið það.“
Facebook eða Twitter? „Ég er meira á
Facebook en er að læra á Twitter – svo
kannski kemur hann sterkur inn á næst-
unni.“