Morgunblaðið - Sunnudagur - 15.11.2015, Qupperneq 2

Í fókus
2 MORGUNBLAÐIÐ SUNNUDAGUR 15.11. 2015
Ég er búin að kaupa einhverjar. Ég dreifi jóla-
gjafakaupunum á nóvember og desember.
Áslaug Friðriksdóttir
Ég er búin að kaupa margar jólagjafir. Ég byrj-
aði í september.
Lilja Garðarsdóttir
Ég kaupi yfirleitt jólagjafirnar 22. desember.
Maður reddar sér.
Erna Dögg Úlfhéðinsdóttir
Ég er ekki búinn að kaupa neitt. Ég er dæmi-
gerður Íslendingur og kaupi allt tveimur dög-
um fyrir jól.
Aron Páll Gylfason
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
SPURNING VIKUNNAR ERT ÞÚ BÚIN/N AÐ KAUPA EINHVERJAR JÓLAGJAFIR?
Ítalski ljósmyndarinn
Gianluca Colla myndar
fyrir nokkur þekktustu
tímarit og dagblöð heims.
Hann segist hafa lært hvað
mest af því að mynda
glaðlynt gamalt fólk sem
er raunar það langlífasta í
heiminum. Ísland er
draumalandið hans. 46
Í BLAÐINU CHARLOTTE BØVING
SITUR FYRIR SVÖRUM
Forsíðumynd tók Ragnar
Axelsson, eldri mynd tók
Þorkell Þorkelsson.
Í kuldanum er mikilvægt
að huga að húð og hári
sem á það til að verða
þurrt á veturna. Ýmis
vandamál geta kviknað
hvað varðar húð og hár í
veðurbreytingunum og
þá er gott að geta gripið í
rétta efnið. Tíska 36
Í nýrri og veglegri bók með skissum, rissum og pári
Jóhannesar S. Kjarvals, má kynnast athyglisverðri hlið á
sköpun listamannsins sem skrifaði einskonar stefnuskrá
sem hljómar svo: starfa, starfa, starfa … Menning 48
Þegar Ingibjörg Hjart-
ardóttir var barn sagði
besta vinkona hennar
henni sögu af voðaat-
burði sem hafði svo mikil
áhrif á Ingibjörgu að hún
einsetti sér að koma
henni á bók. Sú bók er nú
komin út, mörgum ára-
tugum síðar, og heitir
Fjallkonan. Bækur 50
Er mikill munur á því að leikstýra verki fyrir
börn og verki fyrir fullorðna?
Sjálf leikstjórnin er sú sama fyrir barna- og fullorðinssýn-
ingar. Það sem þarf að hafa í huga er eftirfarandi: 1. Um
hvað á sýningin að vera? Er þetta saga, gamanleikur, harm-
leikur eða annað? 2. Hvernig á að segja söguna; með hverj-
um og hverju? T.d. er Lífið útskýrt með skuggamyndum,
jarðvegi og leikurum. 3. Fyrir hvern er sýningin? Full-
orðna eða börn? Svo hefst vinnan og hlutverk leikstjórans
er að fá alla þætti leikhússins til að vinna saman, ljós,
hljóð, leikarana, leikmynd og halda tímaáætlun svo að
hægt sé að frumsýna á réttum tíma.
Sýningin verður auðvitað að vera aðgengileg fyrir áhorf-
endur og það er munur á því hverju börn og fullorðnir hafa
áhuga á. Það er líklega helsti munurinn.
Nú er unnið með mold í sýningunni, hvernig
hefur það gengið?
Mold er spennandi efniviður sem við þekkjum öll og vitum að ef
maður blandar henni við vatn verður til drulla. Við þekkjum öll
drullumall; hvort sem okkur þykir skemmtilegt að hoppa í drull-
unni, búa til drullukökur eða finnst hún ógeðsleg og eitthvað sem við
viljum þvo strax í burtu.
Þegar leikararnir í sýningunni setja mold upp í sig, bregðast bæði börn
og fullorðnir í salnum umsvifalaust við. Þegar leikaranir fara í leðjuslag
hlæja börnin og finnst það spennandi.
Ég held að flest börn geti hugsað sér að leika í drullu en annaðhvort þora
þau það ekki eða fullorðnir hafa bannað þeim að skíta sig út. Það er heil-
mikið mál að þrífa eftir hverja sýningu en það hefur verið spennandi að
leika sér með mold og drullu í leikhúsinu.
Er lífið sjálft drullumall?
Nei, mér finnst lífið ekki bara blautt og brúnt.
Það er ekki fyrr en í lok sýningarinnar Lífsins að moldin breytist í drullu.
Nú hefur sýningin unnið til verðlauna, hver hafa við-
brögð barnanna verið?
Upplifun mín er að börnin elski sýninguna og lifi sig mjög inn í hana. Það
er margt í sýningunni sem kemur þeim á óvart. Og það skemmtilega er
að bæði fullorðnir og börn virðast hafa gaman af sýningunni og hafa
margt að tala um á eftir.
Hvað er síðan framundan hjá þér?
Ég er á leiðinni til Danmerkur til að kenna leiklistarnemum í leiklist-
arskólanum í Árósum en verð komin heim fyrir jólin. Á næsta ári leik-
stýri ég hópnum Ratatam í verkinu Heimilisofbeldi. Svo tek ég þátt í
dansleikhúsverkinu „To perform or not“ með Unni Elísabetu dansara
en ég verð á sviðinu að dansa og leika. Svo vonast ég til þess að fá
fjármagn til þess að skrifa verk um dauðann, sem ég myndi setja upp
bæði í Danmörku og á Íslandi með dönskum leikstjóra.
Morgunblaðið/Eva Björk
Við þekkjum
öll drullumall
Charlotte Bøving leikstýrir verkinu Lífið sem vann Grímuverðlaunin
á síðasta leikári, „Barnasýning ársins“ 2015 og „Sproti ársins“ 2015.
Verkið er sýnt í Tjarnarbíói á sunnudaginn kl. 13.