Morgunblaðið - Sunnudagur - 15.11.2015, Side 35

15.11. 2015 MORGUNBLAÐIÐ SUNNUDAGUR 35
S
máhesturinn á í mikilli
innri baráttu þessa
dagana. Hann veltir
því fyrir sér hvort það
sé bæði hægt að vera að tryll-
ast yfir pallíettum (sem hann
verður að eignast) og á sama
tíma velta fyrir sér hvernig
hann geti verið örlítið míni-
malískari í öllum glundroð-
anum. Pallíettur og kampavín
passa nefnilega ekki inn í
4.000 króna regluna sem smá-
hesturinn reynir að lifa eftir.
Mögulega er þessi innri
barátta bara mannleg en hún getur valdið togstreitu og
þegar togstreitan kemur þarf að skoða hana ofan í kjöl-
inn. Rýna hana til gagns… eða eitthvað. Í síðustu viku
var smáhesturinn mjög upptekinn af því að vera
nægjusamur og var meira að segja byrjaður að
pakka inn jólagjöfum sem hann keypti í sumar.
Hann eldaði mat úr afgöngum og fór eins lítið út
í búð og hann gat. Hann var bara alsæll í núinu
og hlustaði á rás 1.
Svo kom helgi.
Þá þurfti hann nauðsynlega að fara í sænska
móðurskipið IKEA að kaupa blöndunartæki og bað-
vask og um leið og hann steig fæti inn í verslunina
yfirtók jólavíman hans innra sjálf. Hann varð stjórn-
laus og áður en hann vissi af var hann farinn að gúffa í
sig smákökum eins og enginn væri morgundagurinn.
Allar pælingar um mínimalískan lífsstíl fuku út í veður
og vind og hann steingleymdi því líka alveg að hann
væri nú eiginlega í sykurbindindi.
Þegar hann kom að kassanum var hann ekki bara
með baðvask og blöndunartæki heldur nýjar glærar
krúsir (fyrir möndlur og hampfræ og CHIA-FRÆ)
og rauð kerti. Það er náttúrlega ekki hægt að taka á
móti desember nema tendra smá jólaljós á heimilinu
– kommon.
Það að heimsækja móðurskipið, sem smáhesturinn elskar, gerði það
að verkum að hann þurfti aðeins að kíkja meira í búðir – FATABÚÐIR.
Áður en hann vissi af var hann kominn í pallíettutopp sem hann hrein-
lega varð að eignast og svo þurfti hann líka að eignast eitthvað fleira
sem ekki verður talið upp hér.
Vondu fréttirnar eru að þetta er alls ekki að gerast í fyrsta skipti. Á
þessum árstíma missir smáhesturinn alltaf stjórnina og langar í pallí-
ettur. Í raun þyrfti að binda hann kirfilega niður á þessum árstíma ef
vel ætti að vera. Þetta hefur nefnilega gerst á hverju einasta ári síðasta
áratuginn eða svo. Þess vegna á hann eitt og annað í fataskápnum sem
einungis er notað í skammdeginu. Stundum þurfa fötin bara að búa yfir
þeim eiginleikum að geta keyrt upp stemninguna.
Hinar vondu fréttirnar eru að hann er nú ekki sá eini sem fékk þessa
pallíettuhugmynd. Ættmóðir Kardashian- og Jenner-klansins hélt upp
á 60 ára afmælið sitt á svipuðum tíma og smáhesturinn var í IKEA. Og
þar var sko ekki verið að spara peninga og pallíettur heldur var allt
klanið klætt í stíl. Great Gatsby-þema var í afmælinu og var afmælis-
barnið sjálft í hvítum síðkjól með perlufestar og loðskinn en dæturnar
tóku kampavínspallíetturnar alla leið. Það fylgdi reyndar ekki sögunni
hvort það hafi verið gaman í þessu 260 milljóna teiti en við gefum okkur
það. Hver er óhamingjusamur í pallíettum? martamaria@mbl.is
Kris Jenner fagnaði því innilega að ná
þeim áfanga að verða sextug.
Kris Jenner og afkvæmi hennar.
Hver er óham-
ingjusamur
í pallíettum?
Þessi kjóll er frá
Moschino.
...með nútíma
svalalokunum
og sólstofum
Skútuvogur 10b, 104 Reykjavík, sími 517 1417, glerogbrautir.is
Opið alla virka daga frá 9-17 og á föstudögum frá 9-16
• Svalalokanir
• Glerveggir
• Gler
• Felliveggir
• Garðskálar
• Handrið
Við færumþér logn & blíðu
Stórhöfða 17 | Sími 577 5555 | veggsport.is
SKVASS
Frábær íþrótt fyrir alla
Hringdu og bókaðu tíma
577 5555
Fjölbreytt hreyfing,mikil brennsla
Persónuleg þjónusta – vinalegt umhverfi
Nánar á veggsport.is
Nú geta allir fengið iPad-áskrift
Skráðu þig í iPad-áskrift á www.mbl.is/mogginn/ipad/