Morgunblaðið - 27.11.2015, Side 36

36 DÆGRADVÖL
MORGUNBLAÐIÐ FÖSTUDAGUR 27. NÓVEMBER 2015
Stjörnuspá
21. mars - 19. apríl 
Hrútur Farðu vel yfir öll smáatriði í vinnunni í
dag. Enginn er með stjörnustæla og allir
sammála um að klára það sem fyrir liggur.
20. apríl - 20. maí 
Naut Það er eitt og annað heima fyrir sem þú
hefur látið sitja á hakanum. Bjartsýni þín
smitar út frá sér.
21. maí - 20. júní 
Tvíburar Það sem þú veist ekki getur ekki
skaðað þig, en það gæti sóað tíma þínum.
Láttu til skarar skríða svo vandinn verði úr
sögunni.
21. júní - 22. júlí 
Krabbi Aðlaðandi framkoma þín kann að
vekja upp afbrýði hjá einhverjum. Gagnrýni er
góð til síns brúks, en hvatning ennþá betri,
var haft eftir Göthe.
23. júlí - 22. ágúst 
Ljón Maður veit að einhver er raunverulegur
vinur manns, ef ekki þarf að skýra hvert ein-
asta smáatriði en samt skilur maður allt.
Leggðu samt þitt af mörkum.
23. ágúst - 22. sept. 
Meyja Þú gætir verið hafður fyrir rangri rök
en hefur hreina samvisku. Frelsið krefst þess
að þú víkir þér fimlega undan manneskjunni
sem er að reyna að stjórna þér.
23. sept. - 22. okt. 
Vog Það er eitt og annað sem þér finnst ógna
öryggi þínu og þinna. Maki þinn eykur tekjur
sínar (ef það á við). Njóttu daðurs og ást-
arsambanda í dag, það veit á gott!
23. okt. - 21. nóv.
Sporðdreki Passaðu upp á það að setja af-
þreyingu og skemmtun inn á verkefnalistann.
Ef þú átt sjö valmöguleika skaltu fækka þeim
í þrjá.
22. nóv. - 21. des.

Bogmaður Þú þarft á allri þinni einbeitingu
að halda til þess að geta leyst persónulegt
vandamál. Látið ekkert dreifa athyglinni eða
trufla ykkur.
22. des. - 19. janúar 
Steingeit Það er eitt og annað sem þú hefur
látið sitja á hakanum, en verður nú að ganga
frá. Reyndu frekar að koma honum í fram-
kvæmd því það er auðveldara en þú hyggur.
Það er það oftast.
20. jan. - 18. febr. 
Vatnsberi Það eru miklir umbreytingatímar
og þú færð tækifæri til að öðlast mikla
reynslu ef þú heldur rétt á spilunum. Vertu
óhrædd(ur) því málin munu ganga upp á
endanum.
19. feb. - 20. mars

Fiskar Þú heldur þér upptekinni (upp-
teknum) við eitt og annað til þess að losna
við að takast á við þau mál sem skipta öllu.
Einbeittu þér málum heimilisins.
Ragnar Ingi Aðalsteinsson yrkir áBoðnarmiði og hefur ráð undir
rifi hverju:
Sífellt ég sjálfum mér lofa
í sálar- og hugþreytudofa
að séns hvern sem fæst
ég nýti mér næst
og nú er ég farinn að sofa.
Aðalheiður Hallgrímsdóttir skrif-
ar á Boðnarmjöð: Mig langar að
setja hér eina vísu þó að hún sé ekki
alveg ný, í tilefni þess að hann
frændi minn Þórður Halldórsson frá
Dagverðará, refaskytta með meiru,
var fæddur þennan dag.
Enga hættu er að sjá,
um eilífð skyttan sefur.
Greni sínu gaggar hjá
gamall fjallarefur.
Þórður var 97 ára er hann lést í
janúar 2003 . Hann var kallaður
„lífskúnstner, skáld og náttúrubarn“
í minningargreinum og gat verið tví-
ræður í tilsvörum en „seint mun þó
manninum þeim frýjað vits“:
Það er frægasta fíflið
og fellur síðast í gleymsku
sem iðkar loddarans leiki
og lifir á fjöldans heimsku.
Jón B. Guðlaugsson segir í minn-
ingargrein, að hann hafi verið
„gangandi þjóðfræði, lífsgleði, lífs-
kraftur og lífsnautn. Síðasta galdra-
mann undir Jökli kveð ég með hans
eigin orðum er hann orti eftir for-
vera sinn í embætti refaskyttu,
Kristján Jónsson í Lóni – sem hvað
best eiga þó við hann sjálfan:
Um heiðar, fjöll og hraun þín lágu spor
er helgar vættir efldu þöglan seið,
þín ganga þar er öll en vængjað vor
og víðáttan þín bíður, ljós og heið.
Þar ljómar sól um tinda og hamrahöll
– í heiði jökul ber við gullið ský –
því syni fjalla er gangan aldrei öll
og eilíf þögnin kallar hann á ný.
Og Margrét Th. Friðriksdóttir
segir í niðurlagi minningargreinar
sinnar: „Ég kveð í dag Dodda minn,
sagnaþul og refaskyttu sem mér
þykir svo vænt um, hann gaf mér
gildismat sem ég bý enn þá að. Six-
pensari, grátt hár, skegg og London
Docks, gamall rauður scout og þekk-
ing fyrri alda voru hans einkenni,
manngæska, hlýja, hjálpsemi og
óeigingirni. Ég kveð hann með hans
eigin orðum.
Fátt er hraustum manni um megn,
magnaður lífsins galdur,
ellina klár ég komst í gegn,
kominn á besta aldur.“
Halldór Blöndal
halldorblondal@simnet.is
Vísnahorn
Af síðasta galdramann-
inum undir Jökli
Í klípu
„AF HVERJU GETUR FÓLK EKKI
BARA SMELLT? ÞAÐ ER DÓNALEGT
AÐ BENDA OG SMELLA.“
eftir Mike Baldwin eftir Jim Unger
„TIL HAMINGJU! HANN VIRÐIST
VERA FLUGGÁFAÐUR.“
Hermann
Ferdinand
Hrólfur hræðilegi
Grettir
... óaðskiljanleg.
FÆÐINGARDEILD
HÆ,
PABBI
SJÁIÐ
ODDA
HANN ER SVO…
SVO ODDA-LEGUR
AÐ MINNSTA KOSTI ER ÞAÐ
EITTHVAÐ SEM HANN ER GÓÐUR Í
BRÓÐIR HRÓLFUR, LEGGÐU
NIÐUR SVERÐ ÞITT OG TAKTU
ÞÉR PENNA Í HÖND!
PENNINN ER
MÁTTUGRI EN
SVERÐIÐ! Í ALVÖRU?
ER BLEKIÐ EITRAÐ?
Margar perlur eru í bókaflóðinuum þessar mundir. Þar á meðal
er handbókin Vasapési partíljónsins,
sem Pétur Bjarnason hefur tekið
saman með veislustjóra og aðra sem
vilja skemmta sér og öðrum í sam-
kvæmum í huga.
x x x
Í kverinu er safn af limrum, brönd-urum, vísum og sögum. Meðal
annars þessi limra eftir Jónas Árna-
son:
Þybbna stúlkan þaddnana
sem etur eplakjaddnana
engum var þýð
hér áður á tíð
en nú er sko sem sé heldur en ekki
aldeilis
búið að baddnana.
x x x
Og þessi eftir Hrólf Sveinsson ogþess getið að hann hafi átt í ill-
vígum deilum við Helga Hálfdanar-
son í Morgunblaðinu!
Eftir stundarhlé
mælti Stefán G:
Jakki
er ekki frakki
nema síður sé.
x x x
Og einnig þessi:
Hún Indíra gamla Gandí
við gigtinni drekkur brandí,
og til þess að betur
það bragðist þá setur
hún heilagra kúa hland í.
x x x
Nokkrar eru eftir Hermann Jóhannesson:
Að hreykja sér hátt, það er siður,
sem hér má oft sjá, því er miður.
Það er glæsilegt oft
er menn gnæfa við loft
þó er slæmt ef þeir ná ekki niður.
x x x
Brandarar og sögur eru af ýmsutagi, heilræði og eldhúsreglur.
Allt til þess að létta lund. Brotið
þvælist ekki fyrir enda miðast það
við að pésinn komist fyrir í venjuleg-
um vasa. víkverji@mbl.is
Víkverji
Ég er góði hirðirinn. Góði hirðirinn
leggur líf sitt í sölurnar fyrir sauðina.
Jóh. 10:11