Morgunblaðið - Sunnudagur - 29.11.2015, Síða 13

29.11. 2015 MORGUNBLAÐIÐ SUNNUDAGUR 13
„Mér fannst upplagt að hætta á af-
mælisdaginn,“ segir Magnús Kol-
beinsson, varðstjóri í lögreglunni á
Selfossi, í samtali við Sunnudags-
blað Morgunblaðsins, en hann
kvaddi starfsfélaganna á stöðinni í
vikunni. Magnús fagnaði þá 65 ára
afmælinu og má ekki vinna lengur.
„Ég hætti formlega um næstu mán-
aðamót en á inni nokkra frídaga
sem ég tek þangað til.“
Magnús hóf störf í lögreglunni á
Selfossi 1. maí árið 1973. „Það má
segja að ég hafi farið óvart í lög-
regluna. Ég var ungur og ætlaði að
koma mér fyrir í heiminum; var
kominn með konu og við ætluðum
að fara að byggja. Það var heil-
mikla vinnu að hafa og maður hafði
ágætt upp úr þessu; menn
voru taldir aumingjar ef þeir
stóðu ekki 120-150 tíma í aukavinnu
á mánuði á þessum árum. Heild-
arlaunin voru því mjög góð en fyrir
rosalega mikla vinna. Maður var
aldrei heima hjá sér. Það breyttist
reyndar síðar og starfið varð fjöl-
skylduvænna.“
Magnús er ættaður úr Grindavík
en kynntist konu sinni á Selfossi.
„Við ákváðum að byggja okkur hús
og vera þar á meðan við áttuðum
okkur á því hvar við vildum vera.
Þar höfum við verið síðan og maður
er allt í einu kominn á eftirlaun!“
Honum finnst gott að búa á Sel-
fossi, stutt sé til Reykjavíkur eigi
menn erindi þangað og líka stutt út
í sveitirnar.
Hann játar að starfið hafi breyst
töluvert. „Í grunninn snýst það
reyndar um sömu hlutina en nú er
miklu meira hugsað um starfsfólkið;
maður þekkir þetta varla fyrir
sama vinnustað og í gamla daga.
En það þýðir ekkert að velta sér
upp úr því, tíðarandinn var bara
allt annar.“
Sonur hans, Ívar Bjarki, fetaði í
fótspor föðurins og gekk í lögregl-
una. Starfar nú í rannsóknardeild-
inni á Suðurlandi. „Hann laumaði
sér alveg sjálfur inn í lögguna! Ég
kom ekkert að því og frétti eftir á
að hann væri búinn að sækja um í
skólanum.“
Magnús segir næsta mál á dag-
skrá að skila af sér öllu því sem til-
heyri lögregluembættinu. „Ég skila
meðal annars af mér kylfunni
minni, ónotaðri. Stundum munaði
litlu að ég þyrfti að grípa til hennar
en blessunarlega tókst alltaf að
leysa málin áður en til þess kom.
Hún var í sérstökum vasa, ég stakk
hendinni stundum í buxnavasann til
að geta verið snöggur að ná í hana
en alltaf tókst að tala menn til í
tíma.“
Lögregluvarðstjórinn, nú nýorð-
inn fyrrverandi, tekur þannig til
orða að hann hafi líklega ekki alltaf
verið skemmtilegur heima fyrir.
Hafi reynt að láta erfiðleika í starfi
ekki bitna á sínum nánustu en óvíst
að það hafi alltaf tekist. „Maður
reyndi en það gat verið erfitt. Nú
eru fundir sem þeir kalla áfalla-
hjálp. Áður komust menn bara yfir
flest, sumt situr þó í manni ennþá
en er ekki til umræðu.“
Hann hættir sáttur. „Auðvitað er
eftirsjá; maður átti hálf bágt með
að kveðja félagana síðasta daginn
en það var tekið fram að ég væri
velkominn í heimsókn. Ég varð
bara að muna að ég ræð engu leng-
ur.“
SELFOSS
Lögreglufeðgarnir á Selfossi, Magnús Kolbeinsson og Ívar Bjarki Magnússon.
Morgunblaðið/Sigurður Bogi
Skila kylfunni
alveg ónotaðri
Magnús Kolbeinsson í fullum skrúða.
MAGNÚS KOLBEINSSON VARÐSTJÓRI HÆTTI Í LÖGREGL-
UNNI Á SELFOSSI Í VIKUNNI EFTIR 42 ÁR Í STARFI.
Skapti Hallgrímsson skapti@mbl.is
Þröstur Friðfinnsson, sveitarstjóri
Grýtubakkahrepps, er ekki ánægð-
ur með þjónustu Póstsins, og er þá
líklega vægt til orða tekið. Hann
segir hluta af þjónustu fyrirtæk-
isins hafa hrakað mjög síðustu ár.
„Ef ég sendi t.d. bréf frá Grýtu-
bakkahreppi til Sparisjóðs Höfð-
hverfinga með pósti er leiðin þann-
ig: Ég fer með bréfið til umboðs-
manns Póstsins, í Jónsabúð (sem
er hér í sama húsi). Þótt Jón gæti
sem best komið því rakleiðis í
Sparisjóðinn (sem er raunar hér í
sama húsi einnig) má hann ekki
lengur veita slíka þjónustu fyrir
Póstinn, þótt sjálfur sé þjónustu-
sinnaður!“ segir sveitarstjórinn í
opnu bréfi til stjórnarformanns
Póstsins, sem birt er á heimasíðu
hreppsins.
Hann segir: „Komi ég eftir há-
degi skal bréfið fara með póstbíl
inn á Akureyri daginn eftir. Hafi
ég keypt mér „hraðþjónustu“ A-
pósts er bréfið flokkað á Akureyri
og sent aftur út á Grenivík daginn
þar á eftir þar sem Jón ber það út
samdægurs. Berst það þá í spari-
sjóðinn á þriðja degi og telst besti
kostur hjá Póstinum í dag.
Sendi ég bréfið með B-pósti, þá
fer það sömu leið inn á Akureyri
en er þar flokkað og sent til
Reykjavíkur til frekari flokkunar í
stóru flokkunarvélinni! Síðan er
það sent norður á Akureyri aftur
og enn er það forfært og fer svo
áfram með póstbílnum til Grenivík-
ur. Þar tekur Jón við því og ber út
samdægurs. Þá fær sparisjóðurinn
bréfið á fjórða til sjötta degi eftir
því hvernig stendur á helgi.“
Þröstur spyr stjórnarformanninn
hvort hann vilji breyta fyrirkomu-
laginu til fyrra horfs en biður hann
vinsamlegast að ræða alls ekki um
hagræðingu í þessu sambandi.
„Ég hef ekki fengið nein svör frá
Póstinum en hef hins vegar fengið
viðbrögð frá mörgum öðrum,“ segir
Þröstur í samtali við Morgunblaðið.
„Þessi lýsing gæti átti við nánast
hvert einasta smáþorp á landinu.“
Þröstur segir að eftir að Póst-
urinn varð opinbert hlutafélag
megi ekki vera tap á rekstrinum.
„Þeir kvarta undan því að erfitt sé
og dýrt að sinna skylduhlutverkinu
sem felst í einkaleyfi, en þar sem
er samkeppni er staðan önnur. Við
þurftum í vikunni að kaupa tæki á
eina stofnun sveitarfélagsins, pönt-
uðum það úr Reykjavík og það var
komið daginn eftir – með Póst-
inum. Ef ekki væri boðið upp á
skipulegar ferðir daglega myndu
menn auðvitað leita annarra leiða
til að flytja vöruna norður.“
GRENIVÍK
Bréf í langferð áður en
borið er út innanbæjar
Horft yfir Grenivík við Eyjafjörð.
Morgunblaðið/Sigurður Bogi
Í viðhorfskönnun kemur fram að 69% íbúa Raufarhafnar eru al-
gjörlega ósátt við tillögu um að komið verði upp heitum potti við
sundlaugina og laugarkarið lokað yfir veturinn. 5% leist ekki vel á, 4%
var sama, 4% leist vel á tillöguna og 18% leist mjög vel á þessa tillögu
Viltu heitan pott eða opna laug?
Unnið er að hljóðmælingu í íþróttahúsum á Akureyri að
ósk íþróttaráðs, að sögn Vikudags. Hávaði í íþróttahúsum
var nýlega til umræðu meðal kennara grunnskóla og for-
eldra en margir hafa áhyggjur af því að hávaði sé of mikill.
Of mikill hávaði í íþróttahúsum?
Sylvía G.Walthersdóttir
Löggiltur fasteignasali. sylvia@fr.is
Brynjólfur Þorkelsson
Sölufulltrúi
FRÍTT VERÐMAT
ENGAR SKULDBINDINGAR
HRINGDUNÚNA
8208081
www.fr.is