Morgunblaðið - Sunnudagur - 29.11.2015, Side 18

M
iami Vice, CSI: Miami,
Scarface, The Bird-
cage – bara það
hversu oft Miami
Beach er valin sem sögusvið kvik-
mynda og sjónvarpsþátta segir
mikið um þennan spennandi
áfangastað.
Stór-Miami svæðið er mikið
flæmi með byggðum sem hafa hver
sitt sérkenni og kosti. En það sem
kemur upp í huga flestra þegar
Miami er nefnd á nafn er í raun
Miami Beach, sjálfstætt bæjarfélag
sem hefur orðið til á mjóu og löngu
rifi meðfram strandlengjunni. Þar
standa hótelin í röðum, veitingahús
og verslanir eru við hvert fótmál
og alls staðar virðast föngulegar
konur og karlar á vappi í því góða
skapi sem fylgir því að vera í stutt-
buxum og sandölum árið um kring.
Rapparar á Rollsum
Það ætti að vera hæfilegt að
stoppa í Miami Beach í nokkra
daga. Yfirleitt er ekki mikið kraðak
á fallegri ströndinni og upplagt að
breiða þar úr strandhandklæði,
leggjast á mjúkan sandinn og leyfa
sólinni að hita og lita kalda ís-
lenska kroppinn um stund. Ómiss-
andi er líka að rölta eftir Ocean
Drive og skoða fallegu art deco-
hótelin og klúbbana. Ekki má
sleppa því að skjótast inn á ein-
hvern staðinn og panta eins og
einn kokkteil, og hver veit nema á
næsta borði sitji ofurfyrirsæta eða
rappmógúll. Hingað koma nefni-
lega rappstjörnunar og fína fólkið
til að sýna sig og sjá aðra, og yfir-
leitt standa drossíur og sportbílar
eftir endilangri götunni.
Verslunargatan Lincoln Road er
líka heimsóknarinnar virði. Þar má
finna alls kyns merkjavöru og
huggulega veitingastaði, og njóta
litríks mannlífsins. Þeir sem vilja
allra fínustu merkin skjótast upp á
norðurhluta eyjunnar, í verslunar-
miðstöðina Bal Harbour Shops.
Þegar verið er að skipuleggja
ferðina er ógalið að athuga hvort
einhver uppistandarinn er væntan-
legur í Jackie Gleason-leikhúsið.
Listhneigða fólkið ætti líka að
skoða hvað er í boði í Bass Mu-
seum, þar sem nútímalistin er í
forgrunni.
Síðan má alltaf skjótast yfir
Biscayne-flóann og fylgjast með
Miami Heat körfuboltaliðinu á leik-
vanginum í miðbæ Miami, eða
hlýða á tónleika í heimsklassa í
Arsht-listamiðstöðinni.
Ljósmynd / Flickr – Wyn Van Devanter (CC)
ÁFANGASTAÐUR VIKUNNAR: MIAMI BEACH
Hvítar strendur, glamúr og glæsileiki
Í STRANDPARADÍSINNI
MIAMI BEACH MÆTAST
STRAUMAR BANDARÍSKRAR
OG MIÐ-AMERÍSKRAR
MENNINGAR
Ásgeir Ingvarsson ai@mbl.is
Á Ocean Drive fær art-dekó stíllinn að njóta sín í byggingarlistinni. Þangað stefnir fína og fræga fólkið á glæsikerrunum sínum til að sýna sig og sjá aðra.
Turnar lífvarðanna eru margir mjög litríkir, rét eins og samfélagið sjálft.
Ljósmynd / Wikipedia – Chinsiyuan (CC)
Miami Beach er sögusvið eftirminnilegra kvikmynda og sjónvarpsþátta. Al Pac-
ino í eftirminnilegu atriði í Scarface, kominn á bæði topp og botn tilverunnar.
Ferðalög
og flakk *Ekki er boðið upp á beint flug frá Íslandi til Miami en góðartengingar eru við helstu flugvelli á austurströnd Bandaríkjanna.Fljótleg leit á Dohop leiðir í ljós að flugið fram og til baka ættiað kosta um 90.000 kr. og er þá millilent í Boston eða NewYork. Ef flogið er beint til Orlando með Icelandair tekur tæpafjóra tíma að aka til Miami. Árið 2017 verður tekin í notkunháhraðalest sem tengir Orlando, Miami og borgirnar á SA-
strönd Flórída.
Flug, bíll og bráðum hraðlest
Það er erfitt að finna bílastæði í
Miami Beach og rétt eins og í
New York geta þeir sem
koma akandi vænst þess að
þurfa að borga meira en lítið
fyrir að leggja. Á móti kemur
að eyjan er ekki stór, hægt að kom-
ast gangandi á milli flestra staða og ekki
dýrt að skjótast með leigubíl, taka Uber-
bíl eða nýta skutlþjónustuna Freebee.
Til lítils er að reyna að leita uppi ókeypis bílastæði
og skynsamlegast að velja bílastæðahúsin. Á horni
Collins Avenue og 13. strætis er billegt bílastæða-
hús og örstutt á ströndina. Eins er hægt að
finna ódýr bílastæðahús í nágrenni
verslunargötunnar Lincoln
Road. Ætti hver klukkutími
að kosta einn dal, meira í
fínni bílastæðahúsunum, en
getur hæglega farið upp í fjóra
dali á tímann ef lagt er úti á götu og
greitt í stöðumæli.
SKORTUR Á STÆÐUM Á EYJUNNI
Ekki bílavæn byggð