Morgunblaðið - Sunnudagur - 29.11.2015, Qupperneq 28

28 MORGUNBLAÐIÐ SUNNUDAGUR 29.11. 2015
Matur og drykkir
J
ólagaldranámskeið Salt Eldhússins hefur verið haldið á hverju ári frá
stofnun þess árið 2012 og nýtur mikilla vinsælda. Auður Ögn Árna-
dóttir, eigandi og matgæðingur, segir að stemningin á þessum nám-
skeiðum sé frábær. „Við byrjum á að fá okkur heitt jólapúns og hlust-
um á jólalög. Það er skemmtileg upplifun að eyða kvöldinu saman og
stússa í eldhúsinu og taka svo með sér heim afraksturinn,“ segir hún en
uppskriftirnar eru héðan og þaðan úr heiminum. „Jólagaldrarnir ganga út
á að fólk hittist og galdrar fram kræsingar sem það tekur svo með sér
heim í krukkum. Allir fá heim með sér fimm krukkur af einhverju sem
þeir hafa búið til. Þetta eru réttir sem hægt er að njóta heima í aðdrag-
anda jóla en eru einnig góðar matarjólagjafir,“ segir Auður. Salt Eldhús
deilir með lesendum nokkrum uppáhaldsjólagaldrauppskriftum frá árinu í
ár og frá fyrri árum.
JÓLANÁMSKEIÐ HJÁ SALT ELDHÚSI
Jólagaldrar í
krukkum
* Jólagaldrarnirganga út á aðfólk hittist og galdrar
fram kræsingar sem
það tekur svo með
sér heim í krukkum.
Þetta eru réttir sem
hægt er að njóta
heima í aðdraganda
jóla en eru einnig
góðar matarjólagjafir.
SALT ELDHÚS HELDUR ÁRLEGA JÓLAMATREIÐSLUNÁM-
SKEIÐ SEM NÝTUR MIKILLA VINSÆLDA. STEMNINGIN ER
NOTALEG OG FÓLK FÆR AFRAKSTURINN MEÐ SÉR HEIM Í
KRUKKUM. KRÆSINGARNAR Í KRUKKUNUM ERU TILVALDAR
Í JÓLAPAKKANN EÐA TIL AÐ NJÓTA Á AÐVENTUNNI VIÐ
KERTALJÓS OG JÓLALÖG.
Ásdís Ásgeirsdóttir asdis@mbl.is
2 glös
60 cl viskí
(ég nota Ballantines því
það er nettur reyktur
keimur af því sem fellur
vel við jólin)
1 tsk sykur
1 flaska peru-cider sem er
ekki of sætt, t.d. Kopp-
arberg
1 mandarína í sneiðum,
með berki
1 kanilstöng
nokkrir negulnaglar og
stjörnuanís
vanillustöng eða 2 sneiðar
af ferskum engifer (má sleppa)
Hellið viskíi og peru-cider í pott, bætið við sykri, mandarínusneiðum
og kryddi. Hitið rólega að suðu svo vökvinn nái að taka í sig bragð af
kryddinu og mandarínunum, en ekki láta sjóða.
Hellið í glös og berið fram heitt, skemmtilegt að setja kanilstangir
og mandarínusneiðar í hvert glas þegar drykkurinn er borinn fram.
Heitt jólapúns
9 sítrónur, safi og fínrifinn börkur af 4 þeirra
360 g smjör
540 g sykur
16 heil egg
Léttþeytið sítrónusafa, börk, smjör og sykur og setjið í
skál yfir vatnsbaði og hitið þar til bráðið saman. Brjót-
ið eggin og þeytið með pískara þar til þau hafa blandast
vel. Þeytið þá eggin saman við sítrónublönduna og
haldið áfram að hræra stöðugt í blöndunni að suðu,
það er mikilvægt að eggin hlaupi ekki og því þarf að
passa að hræra vel. Látið léttsjóða þar til blandan
þykknar og nær að þekja bakið á skeið. Látið kólna í ís-
skáp með filmu sem er sett beint ofan á blönduna í
skálinni. Að öðrum kosti er þetta sett í sótthreinsaðar
krukkur. Geymist í ísskáp í þrjá mánuði en í einn mán-
uð eftir opnun.
Sítrónusmjör (lemon curd)