Morgunblaðið - Sunnudagur - 29.11.2015, Page 34

Tíska
AFP
*FAD er sniðugt smáforrit sem er nokk-urskonar orðabók sem inniheldur yfir1500 hugtök innan tískuheimsins og skýr-ingar á flestöllu sem viðkemur tísku. Alltfrá tískuhúsum, verslunum, merkjum ogsaumi er útskýrt í forritinu. Smáforritið kostar 3.99 dollara og er
fáanlegt á Itunes.
Snjöll tískuorðabók í símann
H
vað er það sem heillar þig við tísku?
Tískan er aðgengilegt listform sem gefur manni tækifæri ad tjá sig, Mér
finnst gaman að sjá hvernig fólk notar tísku á fjölbreytilegan hátt og samt er
yfirleitt eins og sami þráðurinn sé gegnumgangandi. Sumir eru mjög meðvit-
aðir um fatatísku og vilja fylgja henni í blindni, en yfirleitt finnur fólk sinn eigin persónu-
lega stíl út frá henni og því finnst mér skemmtilegt að fylgjast með.
Hvert sækir þú innblástur?
Innblástur fæ ég í raun frá hverju sem er, þegar ég er opin fyrir honum. Hjá mér er
það yfirleitt spurning um að koma mér í gang, sem er svolítið eins og að starta bíl, þá fer
undirmeðvitundin að vinna og benda á allskonar myndir og form í ótrúlegustu hlutum.
Það skiptir máli að horfa í kringum sig og næra augað. Ég held mikið upp á orða-
tiltækið „Innblásturinn vill finna þig vinnandi“.
Hvernig myndir þú lýsa þínum fatastíl?
Fatastíllinn minn er mjög einfaldur. Ég klæðist aðallega buxum og bolum og
síðan nota ég yfirleitt jakka og fylgihluti til þess að „peppa“ það upp.
Myndir af fötum og tísku eru frekar í mínum myndaheimi og teikningum held-
ur en utan á mér.
Mér finnst samt auðvitað stundum gaman að klæðast einhverju öðruvísi
ef ég er í þannig stuði. Mér finnst jafnframt oft gott og gaman að fá sýn
annarra á sjálfa mig.
Ég held að líka að það sé mjög oft þannig, líkt og franska orðatiltækið
segir; skósmiðurinn gengur í verstu skónum.
Áttu þér uppáhaldsflík eða fylgihlut?
Já, það eru helst klútar sem ég hef um hálsinn
því mér finnst það bæði þægilegt og svo get ég
valið þá liti sem passa við hvert tækifæri eða fara
eftir skapi.
Hvert er þitt eftirlætis tískutímabil og hvers
vegna?
60’s tímabilið. Þá urðu svo miklar breytingar á
tískunni á öllum sviðum. Það varð til tíska sem
ekki hafði verið áður og var skapandi og spenn-
andi. Þetta voru mínípilsin og kjólarnir með stíg-
vélum og „ballerínu“ skóm, þetta var mjög grafísk
tíska, bæði í litum og formum.
Það var allt eitthvað svo nýtt, ný orka. Svo voru Bítl-
arnir að byrja, þeir voru með nýjan stíl í tónlist, það
var mikil skapandi orka í öllu.
Hvaða þekkta andlit finnst þér með flottan stíl?
Það er erfitt að velja eitt frægt andlit enda svo margir
með mismunandi stíla sem eru flottir. Ég get samt nefnt
Kate Middleton, mér finnst hún með einfaldan og flottan
stíl.
Hverju myndir þú aldrei klæðast?
Ég myndi kannski aldrei klæðast sumum af
þeim fötum sem ég teikna. Ég er sjálf ekki mjög
djörf í fatastíl en get þó verið það í mínum teikn-
ingum.
Ætlar þú að fá þér eitthvað fallegt fyrir jólin?
Já, ég er búin að kaupa mér litla svarta kjólinn
fyrir jólin.
Áttu þér einhvern uppáhaldsfatahönnuð?
Þeir eru margir og misjafnir. Það er enginn einn
í uppáhaldi en auðvitað finnst mér sumir standa
upp úr. Ég hafði gaman að því sem Galliano gerði
fyrir Dior, hann var mjög skemmtilegur og skap-
andi á myndrænan, leikrænan hátt.
Af klassísku hönnuðunum finnst mér Ralph
Lauren og Armani flottir en svo eru margir yngri
nokkuð klassískir eins og til dæmis þeir sem hafa
hannað fyrir Yves Saint Laurent og Balenciaga. Svo höfða þeir alltaf til
mín sem eru meira í munstrum eins og Kenzo og fleiri.
Áttu eitthvert gott stef, ráð eða mottó, þegar kemur að fatakaupum?
Mér finnst alltaf borga sig að kaupa einfaldan grunnklæðnað sem
þú veist að þú munt nota. En svo ef þú sérð flík sem þú gersamlega
fellur fyrir og gerir þig hamingjusama þá á endilega að kaupa hana.
SKIPTIR MÁLI AÐ HORFA Í KRINGUM SIG OG NÆRA AUGAÐ
Helga Björnsson fatahönnuður er með
fallegan einfaldan stíl sem hún „peppar
upp“ með fylgihlutum og jökkum.
Morgunblaðið/Golli
Djarfari í teikning-
um en í fatavali
HELGA BJÖRNSSON FATAHÖNNUÐUR STARFAÐI VIÐ HLIÐ LOUIS
FÉRAUD, VIÐ HÁTÍSKUNA Á 8., 9. OG 10. ÁRATUG SÍÐUSTU ALDAR.
HELGA HEFUR AFSKAPLEGA FÁGAÐAN OG FLOTTAN STÍL ENDA
HEFUR HÚN HRÆRST Í HEIMI TÍSKUNNAR Í ÁRATUGI.
Sigurborg Selma Karlsdóttir sigurborg@mbl.is
Falleg munstur á sýn-
ingu Kenzo fyrir vet-
urinn 2015-2016.
Áhugaverð hönnun
John Galliano fyrir
Christian Dior.
Helga er búin að
finna litla svarta
kjólinn fyrir jólin.
Katrín her-
togaynja er
með klassískan
og fallegan stíl.