Víkurfréttir - 18.12.1986, Blaðsíða 54

JÓLABLAÐ
VÍKUR-fréttir
Dvalarheimilin 10 ára:
„Enginn aðstöðumunur
á þjónustu heimilanna"
- segir Finnbogi Björnsson, framkvæmdastjóri Garðvangs
og Hlévangs, í Víkur-fréttaviðtali
í síðasta mánuði áttu Dvalarheimili aldraðra Suðurnesjum 10 ára afmæli
og var af því tilefni haft opið hús fyrir almenna borgara. Þrátt fyrir það var
aðsókn lítil, en einn gesta var blaðamaður Víkur-frétta, og voru þá teknar
myndir þœr sem hér fylgja á eftir.
Eitt af því sem kom blaðamanni hvað mest á óvart voru aðstœður á Hlé-
vangi. Var aðbúnaður allt annar og mun vistlegri en sá tónn sem heyrist
gjarnan þegar rætt er um Hlévang, og blaðamaður hafði gert sér í hugarlund.
Af þessu tilefni tókum við tali framkvæmdastjóra heimilanna, Finnboga
Björnsson, og báðum hann að lýsa heimilunum, bæði frá rekstrarsjónarmiði
og þjónustu þeirra.
„í dag dvelja á hjúkrunar-
deild Garðvangs 28 vistmenn
og 14 á öldrunardeild. Þá
dvelja á Hlévangi í Keflavík 13
vistmenn.
Garðvangur er í öllu tilliti
fullnýttur, en verr hefur gengið
að manna Hlévang. Fyrir því
er sú orsök helst, að þetta hús,
Hlévangur, er erfitt nema
mjög vel frísku fólki, þar sem
húsið er á þremur hæðum og
stigagangur þar af leiðandi
mikill, þannig að það hefur
miklar takmarkanir í för með
Vistmenn á Garðvangi. - F.v.: Kristinn Árnason, Hjörtur Þorkelsson og Aðalsteinn Sigurjónsson.
sér. Jafnframt hefur mér
fundist viss tregða á vistun á
Hlévangi, ég á nú kannski
erfitt með að skýra hana. I því
sambandi við þennan 10 ára
áfanga auglýstum við að dval-
arheimilin væru opin öllum til
skoðunar. Því miður var þátt-
takanm eða sá fjöldi sem sá
ástæðu til að mætá og skoða
dvalarheimilin, ekki nægur að
mínum dómi, því þá hefðu
aðilar m.a. sannfærst um það
að allur aðbúnaður á Hlévangi
er í dag eins góður og hann
getur orðið, miðað við þá ann-
marka sem ég var að lýsa
ásamt því að þetta hús var alls
ekki í upphafi byggt til slíkrar
starfsemi.
Það má bæta því við, að á
Garðvangi hefur verið, ætíð
síðan hann komst í gagnið,
langur biðlisti. Þessi biðlisti er
sérlega langur fyrir sjúka aldr-
aða. Sú þróun hefur orðið á
umliðnum árum að með vax-
andi heimilisþjónustu sveitar-
félaganna og hjúkrunarþjón-
ustu Heilsugæslustöðvarinn-
ar, að sem betur fer getur fólk
verið mun lengur heima,
heldur en áður var. En þetta
þýðir það jafnframt, að það
fólk sem mesta þörfina hefur,
er fólk sem á orðið heima á
hjúkrunardeild.
Umsóknir hafa legið fyrir
frá því að hjúkrunardeildin
var stofnuð, þetta 30-40. Þó er
það þannig, að mér er kunn-
ugt um aðila sem ekki hafa sótt
um, einfaldlega vegna þess að
þeir telja það þýðingarlaust,
biðin sé svo löng. Nú eru í
Finnbogi Björnsson
gangi umræður um byggingu
svokallaðrar D-álmu við
Sjúkrahúsið. Mín skoðun er
sú, að bygging D-álmu leysir
vissulega töluverðan vanda, en
ég held að þegar hún verður
fullbyggð, eftir svona 3^1 ár,
verður sú staða uppi að ég efast
um að það verði hægt að rýma
sjúkrahúsið og því síður að það
verði hægt að rýma hjúkrunar-
deild Garðvangs.
Sveitarfélögin hafa sýpt
þessu máli ágætan skilnng. Ég
hygg að það sé ekki hægt að
segja að þau hafi ekki haft full-
an áhuga á því að gera vel í
þessum málaflokki. Ég minni
á það, að á sl. 5 árum þá hafa
þau fjármagnað alla bygging-
una sem Garðvangur er, bæði
með nýbyggingu upp á 520 fer-
metra og kaupum á eldra
húsnæði upp á 560 fermetra,
ásamt þeim búnaði sem því
fylgir".
Rekstrarform
dvalarheimilanna
„Heimilin eru rekin þannig
að ákveðin skipting er milli
sveitarfélaganna um rekstur
öldrunardeildanna á Garð-
vangi og Hlévangi. Eru þær
gerðar upp sem sérstakar ein-
ingar. Svo aftur hjúkrunar-
deild sem rekin er af daggjöld-
um frá Tryggingastofnun rík-
isins. Sveitarfélögin greiða
stofnkostnað og annað þess
háttar í sambandi við deild-
irnar.
Ef um halla er að ræða þá
bera sveitarfélögin það, en
halla á hjúkrunardeild á Trygg-
ingastofnun ríkisins, í sam-
bandi við áðurnefnd daggjöld,
að bera. Finnst manni oft á tíð-
um að skilningur þeirra sé tak-
markaður, en staðreynd er að
hjúkrunarþyngd er mikil á
Garðvangi og vinnum við nú
að því að fá þessa hjúkrunar-
þyngd metna og viðurkennda
af daggjaldanefnd".
Gleðileg jól,
farsælt komandi ár
Þökkum viðskiptin
á liðnu ári.
Netaverkstæði
Suðurnesja sf.
Hraðfrystihús
Grindavíkur hf.
Rafþjónusta Þorsteins,
Iðavöllum 3
Hárgreiðslustofan Lilja
Braga, Hafnargötu 35
Ferðamiðstöðin hf,
Bjarni Valtýsson,
Umboðsm., Heiðarbrún 17
Ný-Ung og Gallinn
Rafbær sf,
Hafnargötu 18
„Flottustu tækin
í dag“
- segja krakkarnir um þessi
frábæru ferðatæki. Ekki spillir
verðið fyrir - frá kr. 5.900.-
Hefurður heyrt í JVC-hljómtækjum?
Komdu og heyrðu tæran tón!