Morgunblaðið - Sunnudagur - 06.12.2015, Blaðsíða 19
Í Bandaríkjunum deyja árlega í
kringum hundrað manns á ári úr
hjartaslagi við snjómokstur.
Hjartasérfræðingurinn Barry
Franklin, sem vinnur á spítala í
Michigan-ríki, telur að þær tölur
geti verið töluvert hærri. Rann-
sóknir sýndu að þegar ungir menn
stunduðu snjómokstur þá varð
hjartslátturinn hærri en þegar þeir
hlupu á hlaupabretti. „Ef þú sam-
einar það við kalda loftið, sem
veldur þrengingum á æðum og
minnkandi blóðrennsli, ertu kom-
inn með kjöraðstæður fyrir hjarta-
áfall,“ segir hann. Franklin leggur til
að fólk yfir 55 ára sleppi alveg
snjómokstri vegna hættunnar á
hjartaáfalli. Fólk með undirliggjandi
hjartasjúkdóma er í mestri hættu
og fólk sem reykir og er í yf-
irþyngd er í aukinni hættu.
Ef þú verður að moka snjó
skaltu klæða þig vel, ýta snjónum í
stað þess að lyfta honum, taka þér
mörg hlé og fara inn að hvíla þig
og ekki borða né reykja rétt áður.
Best er að nota snjóblásara eða
einfaldlega að biðja unga fólkið í
næsta húsi að moka frá bílastæð-
inu þínu í leiðinni. Samkvæmt
læknisráði.
Þeir sem eru 55 ára og eldri eiga að fá frí frá snjómokstri.
Morgunblaðið/Skapti Hallgrímsson
Snjómokstur og
hjartaáföll
Allt er best í hófi stendur einhvers staðar og
gildir það jafnvel um heilsumat. Margir
vilja minnka hitaeiningaskammtinn og
passa upp á línurnar. Sumir hafa
heilsusamlegt nasl til taks þegar
garnirnar byrja að gaula. En það er
vandlifað í þessu sem öðru því
sumt af því sem við teljum mein-
hollt er einnig mjög hitaeiningaríkt.
Margir mæla með hnetum, jógúrt, múslí
og þurrkuðum ávöxtum sem hentugu
nasli á milli mála. En galdurinn er
að neyta þess í hófi. Oft getur
nefnilega verið erfitt að
hætta að seilast í skál-
ina með hnetum og rús-
ínum og fólk skilur ekki
af hverju það léttist ekki,
þrátt fyrir allan þennan
heilsumat.
Hér er listi yfir fimm matarteg-
undir sem geta verið mjög hollar í
hófi. Að sama skapi mjög óhollar
eða fitandi í ófhófi.
1. Hnetur
Þær eru stútfullar af prótínum,
trefjum og vítamínum. En þær
eru gríðarlega hitaein-
ingaríkar. Í tveimur mat-
skeiðum af salthnetum
eru 100 kalóríur þannig
að þú ættir að fara var-
lega í hnetuskálina.
2. Þurrkaðir ávextir
Ljúffengt og hollt milli-
málasnakk en magnið þarf að
varast. Sjaldnast er
nefnilega nóg að
borða bara einn
bita. En hafðu í
huga að þú ert að
borða heilan ávöxt í
einum munnbita, ávöxt sem búið er að fjar-
lægja allan vökva úr. Í einum bolla af þurrk-
uðum apríkósum er 381 kalóría. Í einum
bolla af ferskum aprískósusneiðum
eru bara 79 kalóríur.
3. Jógúrt
Margir telja að jógúrt sé bæði
hollt og hitaeiningasnautt, en oftar
en ekki inniheldur það mikið magn af
sykri. Jafnvel lífrænt jógúrt inniheldur oft
sykur. Jógúrt getur verið hollt og gott en all-
ir ættu að lesa á dolluna og fræðast
fyrst um sykurmagnið.
4. Orkustangir
Það getur verið freistandi að
grípa í eina orkustöng
þegar hungrið sverfur
að en staðreyndin er
sú að þær eru oft stút-
fullar af sykri, ávaxta-
sykri og aukaefnum
ýmis konar. Kannski
betra að grípa í ávöxt
í staðinn.
5. Múslí
Oft talið vera
ímynd hollustufæðis
en er mjög hitaein-
ingaríkt. Til að mynda
eru í einum bolla af granola-
múslí 600 kalóríur sem er ívið meira en
flestir vilja láta ofan í sig á morgnana.
Að auki eru 25 g af sykri í einum bolla
þannig að þú ert kominn með upp-
skriftina að mjög óhollum
morgunverði. Helltu
þessu út á sykrað
jógúrtið og þú
mátt ekki borða
mikið meira þann
daginn.
HEILSUMATUR REYNIST OFT HITAEININGARÍKUR
Heilsumatur óhollur í óhófi
6.12. 2015 MORGUNBLAÐIÐ SUNNUDAGUR 19
Í rannsókn sem gerð var í Háskólanum í Kaupmannahöfn kom í ljós
að allir jarðarbúar sem hafa blá augu eiga einn sameiginlegan for-
föður. Sá bláeygði var uppi fyrir 6 -10.000 árum en stökkbreyting
olli þessum breytingum á augnlit. Áður voru allir brúneygðir.
Bláeygðir eiga einn forföður* Það er ekki nóg að vera meðfallegan líkama. Hjartalagiðog sálin þurfa að passa við hann.
Epictetus
Flest viljum við líta vel út og not-
um spegillinn óspart til að skoða
okkur. Er í lagi með hárið? Er
maskarinn á sínum stað? Sést í
bóluna á kinninni? Ef við erum
sátt sendum við speglinum lítið
bros og drífum okkur út. Kannski
smellum við einni mynd á símann,
einni „sjálfu“ til að eiga til minn-
inga um þennan morgun. En þá
kemur sjokkið. Þú skoðar mynd-
ina og hvað gerist? Þú ert bara
ekki eins sæt/ur og þér fannst í
speglinum! Í alvöru, er nefið svona
stórt? Er brosið svona skakkt?
Hvað er málið? Jú, við erum svo
vön að sjá spegilmynd okkar að
við verðum flest óánægð með
ljósmyndir af okkur. Á meðan
aðrir segja hversu fín myndin af
þér er, finnst þér hún eitthvað
skrítin. Já, spegillinn lýgur því mið-
ur! Það er ljósmyndin sem segir
sannleikann. Lausnin er að taka
snapchat „sjálfu“. Þar sérðu þig
eins og þú sérð þig í spegli og
getur þá lifað sátt/ur í „lyginni“.
Spegillinn
lýgur,
ljósmyndin
ekki
Morgunblaðið/Sverrir
RÚGBRAUÐ