Morgunblaðið - Sunnudagur - 06.12.2015, Blaðsíða 21
6.12. 2015 MORGUNBLAÐIÐ SUNNUDAGUR 21
Árlega tekur Lonely Planet saman
lista yfir þá áfangastaði sem talið er
að njóti mestra vinsælda. Á listanum
yfir þau lönd sem áætlað er að verði
heitustu reitirnir hjá ferðamönnum
á komandi ári kennir ýmissa grasa.
1. Botswana
Íbúar Botswana fagna fimmtíu ára
af sjálfstæði á árinu 2016 og það er
full ástæða til að fagna með. Ríkið
býr við stöðugleika í efnahagslífi,
ólíkt mörgum öðrum Afríkuríkjum,
menntunarstig er hátt og tekist hef-
ur að standa vörð um náttúru-
auðlindir.
2. Japan
Hvergi annars staðar á jörðinni
mætast nútíminn og aldagamlar
hefðir á jafn áberandi og glæsilegan
hátt. Ferðamenn eiga kost á því að
upplifa ótrúlegar andstæður.
3. Bandaríkin
Þjóðgarðar í Bandaríkjunum eru 59
talsins og á árinu 2016 verða ýmsir
viðburðir á þessum mikilfenglegu
stöðum í tilefni af því að það er heil
öld liðin frá því þeir voru formlega
stofnaðir.
4. Palau
Eyjaklasi í Kyrrahafinu sem sagður
er vera paradís kafarans.
5. Lettland
Þetta fyrrverandi kommúnistaríki
laðar að marga ferðamenn árlega.
Mikil uppbygging hefur farið fram
undanfarin ár, sérstaklega í borgum
landsins. Mörg hús í Riga hafa verið
uppgerð og gamlir kastalar og stór-
býli víða um landið hafa einnig geng-
ið í endurnýjun lífdaga.
6. Ástralía
Mögnuð kóralrif og einstakt dýralíf
eru meðal þess sem dregur ferða-
menn til Ástralíu. Fyrir okkur sem
erum akkúrat hinum megin á hnett-
inum gæti ferðin þó reynst ansi dýr.
7. Pólland
Sífellt fleiri ferðamenn sækja í að
komast til Póllands, enda hefur farið
fram uppbygging þar síðustu ár í því
skyni að laða að fleiri gesti.
8. Úrúgvæ
Áætlað er að þrjár milljónir heim-
sæki Úrúgvæ á næsta ári. Landið
liggur milli Brasilíu og Argentínu og
höfuðborgin Montevideo nýtur vin-
sælda sem ferðamannastaður.
9. Grænland
Dreifbýlasta land veraldar er vel
þess virði að heimsækja. Norðurljós
og miðnætursól heilla margan ferða-
manninn.
10. Fijieyjar
Dýfingar, siglingar
og alls kyns sport-
ferðir eru meðal þess
sem dregur fólk til
Fijieyja. Náttúrufeg-
urðin og tær sjórinn
eru ómótstæðileg.
Topp 10 áfanga-
staðir ársins 2016
Botswana er litríkt land með mikla sögu. Það fékk sjálfstæði fyrir hálfri öld og íbúar búa við stöðugleika og uppbygging
þar er hröð. Landið er talið verða áfangastaður ársins 2016.
Jólatilboðsverð kr. 159.615,-
Með fylgir Vitamix sleif, drykkjarmál
og svunta
Fullt verð kr. 199.518,-
Vitamix Pro 750 á sér engann
jafningja.
Nýtt útlit og nýir
valmöguleikar.
5 prógrömm og hraðastillir
sjá til þess að blandan verður
ávallt fullkomin og fersk!
Með fylgir uppskriftarbók og
DVD diskur.
Lífstíðareign!
Galdurinn við
ferskt hráefni
Rauðagerði 25 108 Rvk Sími 440-1800 www.kaelitaekni.is