Morgunblaðið - Sunnudagur - 06.12.2015, Blaðsíða 53
sem virðist hafa verið hugfangin af syni hans
sem hvarf fyrir þremur árum og fannst aldr-
ei. Óskar segir veru unga fólksins í húsinu
leggjast illa í drauginn sem níu ára hæfi-
leikapiltur, Arnar Harðarson, leikur. Tökur á
sögunni af lækninum, Frey, sem Jóhannes
Haukur leikur, hefjast næsta vor. Óskar seg-
ir að í sögunni sé Freyr enn í sárum eftir
hvarf sonar síns og reyni að hefja nýtt líf á
Ísafirði. Sögurnar tvær tengist smám saman
er líði á myndina.
Óskar hefur áður skrifað handrit og leik-
stýrt kvikmynd eftir skáldsögu, Svartur á
leik eftir Stefán Mána, og segir Óskar Yrsu
hafa treyst þeim Ottó Geir Borg fullkomlega
fyrir handritsskrifunum. „Hún var boðin og
búin að lesa handritið yfir en sagði að það
mætti alls ekki biðja hana að leika smáhlut-
verk í myndinni,“ segir Óskar og hlær en
Stefán Máni fór með lítið hlutverk í Svartur
á leik. „Maður þarf alltaf að breyta ýmsu til
að aðlaga bók að handriti og ég útskýrði fyr-
ir henni í grófum dráttum hvaða hugmyndir
ég hefði. Hún var hrifin af þeim og studdi
þær. Svo las hún handritið og var mjög
ánægð með það þannig að hennar aðkoma
hefur eiginlega verið móralskur stuðningur.“
Harmsaga
Óskar segir sögunaí Ég man þig að mörgu
leyti óvenjulega. „Þetta eru tvær sögur sem
lúta ólíkum frásagnarformum. Önnur þeirra
er draugasaga þar sem allt byrjar í róleg-
heitum og byggist hægt upp að einhverju
agalegu. Hin sagan er meira eins og glæpa-
saga í uppbyggingu og byrjar á einhverju
agalegu, á dularfullu dauðsfalli og svo er
verið að leysa þá gátu. Svo er þetta líka heil-
mikið drama, sérstaklega sögurnar um þessa
drengi sem hverfa en slíkt hefur öðru hverju
gerst á Íslandi og er ólýsanlegur harmur
fyrir aðstandendur. Mér finnst það eiginlega
vera hjartað í sögunni. Einhvern tíma var
sagt að spennutryllir væri góð leið til að
segja dramatíska sögu og mér finnst það
eiga við þessa mynd að einhverju leyti,“ seg-
ir Óskar. Hann hafi leitað innblásturs í kvik-
myndir á borð við Don’t Look Now með
Donald Sutherland og Julie Christie í
aðalhlutverkum. Hún sé í miklu uppáhaldi
hjá honum, búi yfir mikilli dulúð og spennu
en sé einnig mjög mannleg og hjartnæm.
„Það er aldrei stefnan hjá okkur að gera
hefðbundna „by the numbers“ hryllings-
mynd. Ég veit ekki alveg nákvæmlega
hvernig mynd þetta verður á endanum en
stefnan er að þetta verði magnþrunginn og
mannlegur þriller með draugaívafi. Ég held
að hún verði mjög spennandi og fái hárin til
að rísa á bakinu á fólki. Ég vil að spennan
magnist hægt og bítandi og að þetta verði
vefur sem spinnst smám saman. Maður fer á
milli sagnanna tveggja og fer að sjá teng-
ingar og þess háttar. Myndin verður ekki
eins og bókin þar sem hver kafli endar með
æsispennandi óvissu og klippir svo á milli
sögusviða. Bíóformið hreinlega leyfir það
ekki þannig að það verður meira flæði í
myndinni og ekki þessir hörðu skellir.“
Nútímaklassík
Óskar segir það mikla áskorun að fá að vera
fyrstur til að leikstýra kvikmynd byggðri á
bók eftir Yrsu. „Það er ofboðslegur heiður
að fá að gera fyrstu aðlögun eftir hennar
bók og maður nálgast hana af ákveðinni auð-
mýkt því þetta er ein af þessum bókum sem
mætti í raun flokka sem nútímaklassík. Þetta
er sú bók Yrsu sem farið hefur víðast, sú
mest selda, hefur verið mikið lesin á Íslandi
og Yrsa og Arnaldur eru langvinsælustu höf-
undar okkar. Það er oft talað um – og ég tek
undir það – að við Íslendingar eigum eftir að
gera stórvirkin okkar, kvikmyndir eftir
merkustu bókunum okkar eins og aðrar
þjóðir gera. Þá erum við að tala um helstu
verk Laxness, Gunnars Gunnarssonar og svo
Íslendingasögurnar, aðalbækurnar þar á
borð við Njálu. Við eigum þetta eftir en þeg-
ar kemur að nútímabókmenntum er þessi
bók meðal þeirra merkilegustu að mínu
mati,“ segir Óskar. Stefnt er að því að frum-
sýna Ég man þig á jólunum á næsta ári.
Ljósmyndir/Lilja Jónsdóttir
Frá tökum á Ég man þig í Hvalfirði í
síðasta mánuði. Stefnt er að því að
frumsýna myndina um jólin 2016.
Bergsteinn Björgúlfsson á B-Cam t.v. og Jakob Ingimundarson tökumaður. Fyrir aftan Goði Már
Guðbjörnsson, fyrsti aðstoðartökumaður, Áslaug Dröfn Sigurðardóttir sminka og Óskar Þór.
6.12. 2015 MORGUNBLAÐIÐ SUNNUDAGUR 53
Á sunnudag klukkan 14
munu hin alræmdu skötuhjú
Grýla og Leppalúði mæta í
Þjóðminjasafn og skemmta
gestum í Myndasal safnsins ásamt
söngkonunni Hafdísi Huld. Allir eru
velkomnir meðan húsrúm leyfi.
2
Á tónleikunum „Hundadag-
ar að hausti“ í Grafarvogs-
kirkju á sunnudag klukkan
17 mætast Einar Már
Guðmundsson rithöfundur og
Karlakór Grafarvogs. Einar Már les
úr bók sinni Hundadagar og kórinn
flytur lög úr söngleiknum sívinsæla
„Þið munið hann Jörund“.
4
Myndlistarkonan Gunnella
verður með myndlistarsýn-
ingu á aðventunni í Grósku-
sal, Garðatorgi 1. Garðabæ.
Sýningin verður opnuð í dag klukkan
13 en opið er alla daga til 13. desem-
ber milli klukkan 13 og 17.
5
Svokallaðir aðventulestrar
rithöfunda í stofunni á
Gljúfrasteini hafa notið sí-
vaxandi vinsælda undanfarin
ár. Á morgun, sunnudag, klukkan 16
lesa þar upp úr nýjum bókum sínum
höfundarnir Þórunn Jarla Valdi-
marsdóttir, Þórdís Gísladóttir,
Soffía Auður Birgisdóttir og Hall-
grímur Helgason.
3
Nú er brostin á mikil kóratíð,
með allrahanda og ólíkum að-
ventutónleikum hinna
ýmsu kóra landsins. Þeir
syngja þjóðinni sönnum jólaanda í
brjóst og hug, flytja mislétt jólalög
sem mótettur, og sýna enn og sanna
að þjóðin dáir kóratónlist.
MÆLT MEÐ
1