Orð og tunga - 01.06.2006, Qupperneq 107

Margrét Jónsdóttir
Um ærsl, busl og usl
í orðasamböndum
1 Inngangur
í því sem hér fer á eftir verður sjónum einkum beint að tveimur ís-
lenskum orðasamböndum, fyrst og fremst ærsl og busl en einnig usl og
busl ásamt þeim fylgiorðum sem fara með samböndunum. Skoðaðar
verða heimildir um þessi sambönd og jafnframt verður reynt að rekja
sögu þeirra í málinu.
Efnisskipan greinarinnar verður sem hér segir. í öðrum hluta verða
raktar heimildir úr orðabókum. I þeim þriðja verður gerð grein fyrir
beinum notkunarheimildum. I fjórða hluta er örstuttur kafli um orða-
sambandið péle-méle. Það er franskt að uppruna en var og er notað
í dönsku. Eins og lesa má í öðrum kafla þýddi Gunnlaugur Oddsson
það m.a. með ærsl og busl. í fimmta hluta verður rætt um parasambönd
og eðli þeirra. í þeim síðasta verða örstutt lokaorð.
’Þakka ber ókunnum yfirlesara/yfirlesurum mjög gagnlegar ábendingar. Aðal-
steini Eyþórssyni, Áslaugu J. Marinósdóttur, Gunnlaugi Ingólfssyni, Magnúsi Hauks-
syni, Oddnýju G. Sverrisdóttur og Peter Weiss skal líka þakkað fyrir veitta aðstoð af
ýmsum toga. Þess skal jafnframt getið að Pétur Halldórsson hjá RÚVAK spurðist fyrir
um orðasambandið í útvarpsþætti nýlega en hafði ekki árangur sem erfiði. En honum
ber líka að þakka.
Orð og tunga 8 (2006), 105-115. © Orðabók Háskólans, Reykjavík.