Orð og tunga - 01.06.2006, Page 155

Orðabókar- og rannsóknarverkefni
153
er greinasafn um opinbera málstefnu á Norðurlöndunum (Normering
av importord i Norden. Historikk. Oslo 2004; ritstjórar Helge Sandoy og
Jan-Ola Östman) og það þriðja er skýrsla um sænsku viðtalsrannsókn-
ina á viðhorfum málnotenda til aðkomuorða og erlendra máláhrifa
(Teamwork? Man kan lika garna samarbeta. Svenska dsikter om importord.
Oslo 2005; höfundur Catharina Nyström Höög). Rit með niðurstöðum
úr öðrum rannsóknarþáttum eru væntanleg á árinu 2006. Auk þess
voru niðurstöður rannsóknarinnar í heild kynntar á ráðstefnu í Kaup-
mannahöfn í árslok 2005 og einnig hefur verið fjallað um verkefnið
eða hluta þess í greinum og fyrirlestrum einstakra fræðimanna, bæði
hérlendis og erlendis.
Sjá nánar um verkefnið: http://www.hf.uib.no/moderne/.
Ásta Svavarsdóttir
Spænsk-íslensk, íslensk-spænsk orðabók
Fyrsti vísir að orðabók á íslandi var baskneskt-íslenskt orðasafn sem
fæddist af samskiptum íslendinga og baskneskra sjómanna á Vest-
fjörðum síðla 16. aldar og fram á þá 17.2 Síðan þá hafa samskipti við
Spán farið sívaxandi og nú er Spánn það land sem flestir íslending-
ar sækja heim. Að sama skapi hefur Rómanska Ameríka laðað unn-
endur spænskrar tungu til sín og hefur vægi spænsku sem viðskipta-
máls aldrei verið meira. Hefur það leitt til þess að spænskunemum
hefur fjölgað þannig að flestir framhaldsskólar landsins bjóða upp á
spænsku sem þriðja mál. Þar af leiðandi hefur skortur á nútímalegri
spænsk-íslenskri orðabók aldrei verið jafn aðkallandi.
Fram til þessa hafa verið gefnar út tvær spænsk-íslenskar orða-
bækur. Sú fyrri er Spænsk-íslensk vasaorðabók eftir Elisabeth Hangartner
Ásbjömsson og Elvira Herrera Ólafsson (1978). Hún hefur nýst fram-
haldsskólanemum í fyrsta og öðrum áfanga spænskunáms en er bam
síns tíma og gefur ekki ítarlegri upplýsingar um orð en kyn þeirra.
Málnotkunardæmi em engin. Síðari bókin, Spænsk-tslensk orðabók, er
2Basknesk íslensku orðasöfnin er að finna í þremur óprentuðum handritum. Eitt
þeirra er á Árnastofnun (AM 987 4to) og hin er að finna á handritadeild Landsbóka-
safns (JS 284 8vo og JS 401 4to).