Morgunblaðið - 27.07.2016, Page 2

2 FRÉTTIRInnlent
MORGUNBLAÐIÐ MIÐVIKUDAGUR 27. JÚLÍ 2016
Sérfræðingar í
sjávarfangi í 12 ár
Sími: 867 6677 | humarsalan@humarsalan.is | humarsalan.is
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Hún Fjóla Hlín Ófeigsdóttir stóðst
ekki mátið og fór að sulla þegar
hún gekk fram á freistandi poll í
Reykjavík síðdegis í gær. Enda er
fátt skemmtilegra en slíkt polla-
sull og -hopp þegar maður er
tveggja ára. Þá skemmir heldur
ekki fyrir að vera í rétta fótabún-
aðinum til slíkra athafna.
Veðrið lék við Fjólu Hlín og
aðra íbúa höfuðborgarsvæðisins
og landsins sunnan- og vestan-
verðs í gær. Hæsti hiti gærdags-
ins mældist í Skaftafelli, þar sem
hann var 22,9 stig. Í Reykjavík
fór hitinn hæst í 19 stig.
Búist er við svipuðum hitatölum
í dag um landið sunnan- og vest-
anvert, samkvæmt upplýsingum
frá Veðurstofu Íslands. Er líður á
vikuna mun kólna smám saman; á
fimmtudag, föstudag og laug-
ardag er spáð norðlægri átt, súld
og rigningu með köflum um land-
ið norðan- og austanvert.
Spáð er skýjuðu vestantil en
bjartviðri sunnan- og suðvest-
anlands. Líkur eru á síðdegis-
skúrum, einkum á Suðurlandi.
Hiti verður 7 til 19 stig, hlýjast
suðvestanlands. Á sunnudag og
mánudag verður áfram norðlæg
átt, skýjað víðast hvar og væta í
flestum landshlutum. Gangi
veðurspár eftir verður þá bjartast
og hlýjast um landið sunnan- og
vestanvert.
Sullað og
hoppað á
sólskinsdegi
Morgunblaðið/Ófeigur
Veðrið lék við landsmenn sunnan- og vestantil í gær og því sama er spáð í dag
Skúli Halldórsson
sh@mbl.is
Engar viðræður hafa farið fram á
milli stjórnarandstöðuflokkanna um
hvað skuli gera strax að loknum
væntanlegum þingkosningum í
haust. Þetta segir Oddný Harðar-
dóttir, formaður Samfylkingarinnar.
Hún segist ekki sjá möguleika á
samstarfi með Sjálfstæðisflokknum.
„Í samstarfi við aðra flokka viljum
við auðvitað ná fram helstu stefnu-
málum jafnaðarmanna,“ segir
Oddný, en vill aðspurð ekki tjá sig
um samstarf flokkanna á árunum
2007 til 2009.
„Ég var ekki einu sinni í Samfylk-
ingunni þegar sú
ákvörðun var tek-
in. En eins og
staðan er núna þá
sé ég ekki flöt á
samstarfi við
Sjálfstæðisflokk-
inn.“
Katrín Jakobs-
dóttir, formaður
Vinstri grænna,
hefur talað fyrir
því að flokkar lýsi því yfir með hverj-
um þeir myndu helst vilja starfa.
„Þannig hafa kjósendur skýra
hugmynd um hvar mögulegt sam-
starf muni eiga sér stað. Mér finnst
það einkenni á góðri pólitískri menn-
ingu að fólk viti að hverju það
gangi.“
Katrín, eins og Oddný, segist ekki
sjá neinn flöt á samstarfi við Sjálf-
stæðisflokkinn á Alþingi.
„Mér fannst hann stimpla sig út úr
samstarfi við stjórnarandstöðuna
þegar formaður flokksins sagðist
myndu standa gegn öllum kerfis-
breytingum, líkt og þeirri breyttu
stjórnarskrá sem við viljum sjá.“
Helgi Hrafn Gunnarsson, þing-
maður Pírata, segist ekki vilja úti-
loka samstarf við neina flokka fyr-
irfram.
„Hins vegar geta aðrir flokkar úti-
lokað að þeir séu til í að vinna að því
sem við gerum að grundvallarfor-
sendu fyrir samstarfi. Ein þeirra for-
sendna er upptaka nýrrar stjórnar-
skrár,“ segir Helgi.
„Það er því ekki svo að við útilok-
um samstarf við aðra, heldur getur
verið svo að sumir flokkar uppfylli
ekki þau skilyrði sem við gerum fyrir
samstarfi. Það er ljóst að Sjálfstæð-
isflokkurinn gerir það ekki.“
„Fólk viti að hverju það gangi“
 Formenn Samfylkingar og Vinstri grænna segjast ekki sjá flöt á samstarfi við Sjálfstæðisflokkinn
 Þingmaður Pírata segir Sjálfstæðisflokkinn ekki uppfylla skilyrði sem Píratar geri um samstarf
Oddný
Harðardóttir
Katrín
Jakobsdóttir
Helgi Hrafn
Gunnarsson
Lögreglumenn á Akranesi og í
Borgarnesi skiptast nú á að hafa
eftirlit með byggðarlögunum
tveimur að næturlagi, í stað sólar-
hringsvakta á báðum stöðum. Þetta
segir Ólafur Guðmundsson, yfirlög-
regluþjónn hjá lögreglunni á Vest-
urlandi.
„Við fórum af stað með sólar-
hringsvaktir eftir sameiningu emb-
ættanna 1. janúar 2015. Þá voru
fjórir lögreglumenn á vakt á tveim-
ur bílum,“ segir Ólafur í samtali við
Morgunblaðið.
„Í sumar urðum við hins vegar að
skera niður vegna skorts á fjár-
heimildum. Bakvaktir eru þó á báð-
um stöðum að vakt lokinni og því
hægt að ræsa
menn út ef eitt-
hvað kemur upp
á.“
Hann segir út-
lit fyrir að ekki
verði sólar-
hringsvakt hjá
embættinu í vet-
ur, þar sem í bí-
gerð sé nýtt
vaktakerfi sem
byggist á fáskipaðri lögreglu en
verið hefur hingað til.
Fyrir sameiningu lögregluemb-
ættanna á Snæfellsnesi, í Dölum,
Borgarnesi og á Akranesi var ekki
notast við sólarhringsvaktir. Eftir
sameininguna var hins vegar
ákveðið að hefja slíkt fyrirkomulag
á suðursvæði hins nýja embættis,
það er á Akranesi og í Borgarfirði.
Markmiðið með sameiningu emb-
ættanna hafi enda verið, að sögn
Ólafs, að styrkja löggæsluna.
„En við virðumst einfaldlega
ekki hafa efni á því. Nú erum við
því að snúa þeirri eflingu við og í
vetur verðum við líkast til komin á
sama stað og við vorum á fyrir sam-
einingu.“
Veikindi lögreglumanna hafa þá
sett bókstaflegt strik í reikning lög-
reglunnar að sögn Ólafs.
„Á öllu síðasta ári voru að jafnaði
tveir menn frá vinnu, meðal annars
sökum langtímaveikinda. Þá þurft-
um við afleysingamenn í staðinn og
þá eru tveir á launum og tveir til að
leysa þá af,“ segir hann og bætir
við að slík tilvik fáist ekki lengur
bætt úr ríkissjóði.
„Það var hægt að fá bætt að öllu
leyti eða að hluta til, þó aldrei í
reynd nema að hluta til, en ráðu-
neytið hefur nú lokað á þann mögu-
leika. Nú fer þetta beint af fjár-
heimildum embættisins.“ sh@mbl.is
Hafa ekki efni á eflingunni
 Styrking löggæslu
á Vesturlandi gengið
til baka á 2 árum
Ólafur
Guðmundsson
Börkur Gunnarsson
borkur@mbl.is
„Vatnið fer alltaf auðveldustu leið og
því getur þrýstingur leitt vatnið upp
úr vatnsleiðslukerfinu og getur
komið upp um klósettin heima hjá
fólki sem býr í gömlu hverfunum,“
segir Stefán Sveinsson, verkstjóri
fráveitu hjá Veitum ohf. sem er und-
irfélag Orkuveitunnar. „En það ger-
ist ekki í nýrri hverfunum, því þar
er tvöfalt kerfi og skólplagnir ekki
tengdar kerfinu.“
Í fyrradag fór slökkviliðið á
höfuðborgarsvæðinu í 28 útköll út af
vatnslekamálum sem er með því
mesta sem það hefur lent í á einum
degi. Ástæðan er sú að mjög mikil
rigning féll á skömmum tíma, þann-
ig að álagið á frárennsliskerfið var
meira en það er á miklum rigninga-
tímum á vorin.
Sjávarföllin voru ekki há þegar
þetta gerðist, en ef þau eru há geta
þau tafið frárennslið og jafnvel
myndað þrýsting á móti.
Frárennsliskerfið, sérstaklega í
Vesturbænum, í mýrunum og við
Háskóla Íslands yfirfylltist, því
kerfið tekur ekki nógu mikið við.
Vatnið fer alltaf auðveldustu leið og
því verður þrýstingurinn upp á við
og getur þrýst upp vatni um klósett-
in hjá öllum.
Hvernig gerðist þetta að það urðu
svona mörg lekamál?
„Stysta svarið við því er að það
varð ofsalega mikil rigning á mjög
stuttum tíma,“ segir Stefán.
En er ekki möguleiki að eitthvað
hafi verið stíflað?
„Jú, það er mögulegt. Við erum að
tala um elsta kerfi borgarinnar sem
var ekki hannað með allt þetta
gatnakerfi í huga. Ég get ekki skýrt
hvers vegna flæðir upp um lagnir í
húsum. Nema mögulega að heima-
lagnir anni ekki þessu vatni.
Kannski er eitthvað stíflað þarna en
hefur ekki komið í ljós fyrr en núna
við svona óvæntar aðstæður. Við
höfum fengið dágóðan bunka upp á
borð hjá okkur og munum skoða öll
mál vel.
En við vorum ekki í framkvæmd-
um á þessu svæði á þessum tíma,
þannig að þetta var ekki út af
sumarframkvæmdum hjá okkur,“
segir Stefán.
Elstu hverfin
urðu verst úti
Gosbrunnur Víða flæddi vatn upp
úr niðurföllum og klósettum.
 Vatnslekinn í fyrradag var gríðarlegur
Morgunblaðið/Júlíus