Morgunblaðið - 27.07.2016, Síða 6

6 FRÉTTIRInnlent
MORGUNBLAÐIÐ MIÐVIKUDAGUR 27. JÚLÍ 2016
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Í þessari skemmtilegu ferð til Þýskalands, Frakklands og
Sviss kynnumst við lífinu í bænum Oberkirch í Svartaskógi,
skoðum aldagamla kastala, gauksklukkur og förum í siglingu
á ánni Ill.Við heimsækjum háskólaborgina Heidelberg, Basel
í Sviss og ökum Vínslóðina í Alsace.Auðveld og skemmtileg
haustferð, þar sem gist verður á einu hóteli alla ferðina.
Verð: 169.900 kr. á mann í tvíbýli.
Mjög mikið innifalið!
Sp
ör
eh
f.
Fararstjóri: Þórhallur Vilhjálmsson
9. - 16. október
Haustlitir í Svartaskógi
Haust 11
Jón Birgir Eiríksson
jbe@mbl.is
Ekki hefur komið upp, það sem af er
þessu ári, að leysibendum sé beint að
flugvélum Flugfélags Íslands. Slík
atvik eru hvimleitt vandamál flug-
manna víðs vegar um heim og hefur
nokkuð borið á þeim hér á landi síð-
ustu ár.
Árið 2015 komu upp tvö tilvik þar
sem leysibendum var beint að flug-
vélum flugfélagsins, eitt atvik árið
þar áður og eitt atvik árið 2013.
Flest voru þau árin 2010 og 2012
þegar þrjú tilfelli komu upp, en eng-
in tilfelli komu upp árin 2008, 2009
og 2010.
Á Íslandi hafa verið skráð 33 tilvik
af þessu tagi á síðustu fjórum árum
er vörðuðu íslenskar flugvélar, þar
af tíu hér á landi. Fjögur þeirra hafa
átt sér stað á þessu ári, ekkert þeirra
hjá Flugfélagi Íslands, líkt og áður
sagði.
Áhafnir leiti ekki geislans
Atvik þar sem leysibendum er
beint að flugvélum eru erfið viður-
eignar, bæði fyrir flugfélögin og lög-
gæsluaðila.
Í flestum tilfellum er erfitt að
finna þá sem standa að verknaðin-
um. Samkvæmt upplýsingum frá
Flugfélagi Íslands eru áhafnir flug-
vélanna hvattar til að reyna ekki að
staðsetja geislann á jörðu niðri
vegna hættu á augnskemmdum.
Ekki er vitað til þess að varanleg-
ur augnskaði hafi verið skráður í at-
vikum sem þessum þar sem flugvél-
ar Flugfélags Íslands komu við sögu.
Í stöku tilfellum hafi þó verið leitað
til læknis vegna óþæginda.
Tilvik sem þessi eru tilkynnt sam-
stundis til viðkomandi flugumferðar-
þjónustu, oftast flugturns, sem hefur
samband við lögreglu og tilkynnir
um eins nákvæma staðsetningu
bendisins og unnt er.
Dæmi eru um að þeir hafi náðst
sem hafi beint leysibendum að flug-
vélunum þótt það sé sjaldgæft.
Þannig voru tveir ungir drengir
gripnir á Akureyri þegar þeir höfðu
beint leysigeisla að flugvél í aðflugi á
Akureyrarflugvelli og leysibendir
þeirra gerður upptækur.
Tollstjóri lagði hald á 209 ólöglega
leysibenda á síðasta ári. Sá sterkasti
var um 100 mW, en leyfileg stærð
leysibenda er um 1 mW.
Engir leysibendar það
sem af er þessu ári
 Flugvélar Flugfélags Íslands hafa sloppið við leysigeisla
Leysibendum beint að
flugvélum Flugfélags Íslands
2007 1 atvik 1 á Akureyri
2010 3 atvik 2 atvik í Reykjavík
og 1 á Akureyri
2012 3 atvik 3 í Reykjavík
2013 1 atvik 1 í Reykjavík
2014 1 atvik í Nuuk á Grænlandi
2015 2 atvik 1 í Reykjavík,
1 á Akureyri
Samtals 11 atvik 7 í Reykjavík, 3 á
Akureyri og 1 í Nuuk
Engin atvik skráð árin 2008, 2009 og 2011.
Ekkert atvik skráð það sem af er árinu 2016.
Flug Flugfélag Íslands hefur verið laust
við leysigeisla það sem af er árinu.
Morgunblaðið/Sigurður Bogi
Sigtryggur Sigtryggsson
sisi@mbl.is
Það var logn og blíða í Reykjavík á
sjöunda tímanum í gærmorgun þegar
hafnsögubáturinn Jötunn sigldi til
móts við tvö skemmtiferðaskip sem
komu samtímis á Ytri-höfnina. Hafn-
sögumenn stigu um borð og stýrðu
skipunum að Skarfabakka.
Sumarið er mikill annatími hjá
hafnsögumönnum og öðrum starfs-
mönnum Faxaflóahafna. Til marks
um það eru skráðar 38 komur
skemmtiferðaskipa til Reykjavíkur,
bara í júlí. Suma daga eru fleiri en
eitt skip í höfninni. Til dæmis verða
fjögur skemmtiferðaskip samtímis í
Sundahöfn á föstudaginn. Þá eru ótal-
in önnur erlend skip, sem þarf að
lóðsa í höfnina.
„Það er þéttings álag hjá okkur á
sumrin og gengur á ýmsu að manna
vaktirnar en það hefst þó alltaf,“ seg-
ir Gísli Gíslason, hafnarstjóri Faxa-
flóahafna. Hann segir að það hjálpi til
að allar komur séu skráðar og fyr-
irframákveðnar þannig að skipulagið
haldi. „Mínir menn eru seigir og
kvarta ekki þótt sumarið sé líflegt,“
segir Gísli.
Fyrra skipið sem kom í gærmorg-
un heitir Saga Sapphire og er 37.049
brúttótonn. Með því eru 706 farþeg-
ar. Strax í kjölfarið kom stærsta
skemmtiferðaskip sumarsins, MSC
Splendida. Það er 137.936 brúttótonn
og með því komu 3.274 farþegar auk
1.300 manna áhafnar.
Skipið 333 metra langt
MSC Splendida er engin smásmíði,
67 metra hátt og rúmlega 333 metra
langt, eða á stærð við þrjá fótbolta-
velli. Þótti vissara að snúa skipinu fyr-
ir utan Engey og bakka því að Skarfa-
bakka. Það hefði eflaust verið þrautin
þyngri að snúa skipinu á sundinu milli
Viðeyjar og lands. Allt gekk þetta
eins og í sögu. Skipið er væntanlegt
aftur til Íslands 20. ágúst nk.
Á bryggjunni biðu rútur og leigu-
bílar sem fluttu farþegana í skoð-
unarferðir.
Engin smásmíði Skemmtiferðaskipið MS Splendida er 67 metra hátt og rúmlega 333 metrar á lengd, sem samsvarar lengd þriggja knattspyrnuvalla. Bakka þurfti skipinu að Skarfabakka.
Morgunblaðið/Árni Sæberg
Við höfnina Júlíus Guðnason, hafnsögumaður á lóðsbátnum Jötni, gerir sig tilbúinn til að fara um borð í skemmti-
ferðaskipið Saga Sapphire í blíðskaparveðri snemma í gærmorgun. Í skipinu eru rúmlega 700 farþegar.
„Kvarta ekki þótt sumarið sé líflegt“
 Mikið álag á starfsmenn Faxaflóahafna  38 skemmtiferðaskip koma til Reykjavíkur í júlí