Morgunblaðið - 27.07.2016, Blaðsíða 54

54
MORGUNBLAÐIÐ MIÐVIKUDAGUR 27. JÚLÍ 2016
Ásgeir Ingvarsson
ai@mbl.is
Fyrstu íslensku sumarleikarnir
(www.sumarleikarnir.is,
www.summergames.is) verða
haldnir á Akureyri um versl-
unarmannahelgina. Taka Sum-
arleikarnir við af eldri hátíðum
bæjarins en eins og lesendur
muna hafa gestirnir streymt á
viðburði eins og Halló Akureyri
og Eina með öllu.
Halldór Óli Kjartansson, við-
burðastjóri hjá Iceland Summer
Games, segir sumarleikana kallast
á við vetrarleikana sem Akureyr-
ingar hafa efnt til undanfarin þrjú
ár. „Um verslunarmannahelgina
blöndum við saman almennri
skemmtun í miðbænum fyrir alla
fjölskylduna og alls kyns tækifær-
um til að stunda hreyfingu og úti-
vist.“
Þessar nýju áherslur end-
urspegla þá þróun í ferðaþjónustu
að vaxandi hópur fólks sækir í að
tvinna saman gott frí með fjöl-
skyldunni og holla hreyfingu. „Við
byrjuðum strax 22. júlí með Hjól-
reiðahelgi Greifans þar sem mjög
skemmtileg og fjölbreytt keppni á
Akureyri og út á Tröllaskaga var í
aðalhlutverki,“ segir Halldór. „Í
vikunni fram að verslunarmanna-
helgi höldum við síðan alþjóðlegt
golfmót fyrir unglinga. Þangað
koma upprennandi stórstjörnur
golfíþróttarinnar á aldrinum 12 til
21 árs og verða eflaust margir
þátttakenda atvinnumenn í golfi
þegar fram líða stundir.“
Lyft og hlaupið
Meðal þess sem verður í boði
um verslunarmannahelgina er
fjallahlaup á Súlur, kallað „Súlur
Vertical“ upp á enska vísu. „Við
ætlum líka að hjóla Eyjafjarð-
arhringinn sem er vinsæl hjólaleið
við allra hæfi, og eins að farin
verður 100 km hjólreiðakeppni
fyrir lengra komna upp að Goða-
fossi og til baka,“ segir Halldór.
Á laugardeginum eru afl- og
þrekleikarnir haldnir á flötinni
fyrir neðan hús Leikfélags Ak-
ureyrar og UFA stendur fyrir þrí-
þrautarkeppni á sunnudeginum.
Þá fer fram Íslandsmeistaramót
ungmenna og öldunga í klass-
ískum kraftlyftingum og stefnir í
bæði fjölmenna og spennandi
keppni.
Af öðrum dagskrárliðum má
nefna stelpukvöld hjá líkamsrækt-
inni Bjargi á fimmtudag og kirkju-
tröppuhlaup á föstudag. „Pabbar
og pönnsur er nýr viðburður, og
er sá dagskrárliður haldinn til
styrktar Hetjunum, stuðnings-
félagi langveikra barna,“ segir
Halldór.
Vitaskuld verður fjölbreytt tón-
listar- og skemmtidagskrá sam-
hliða íþróttaviðburðunum. Dyn-
heimaballið á Sjallanum er á
sínum stað á föstudeginum, og
bandið Dúndurfréttir á Græna
hattinum sama kvöld. Á laugardag
troða m.a. upp Made in Sveitin,
Killer Queen og Páll Óskar og á
sunnudag geta hátíðargestir dillað
sér við tónlist Skítamórals, Úlfs
Úlfs, Glowie og Hvanndalsbræðra,
svo nokkrir séu nefndir, á Spari-
tónleikum hátíðarinnar sem enda
með flugeldasýningu.
Viðburðaríkt sumar
Halldór segir fyrirtaksaðstöðu í
bænum, nóg af tjaldstæðum og
margt að sjá og gera bæði á Ak-
ureyri og á svæðinu í kring og
gæti t.d. verið upplagt að líta við á
Sæludögum á Siglufirði eða heim-
sækja Jarðböðin í Mývatnssveit.
„Hér er mikið um hátíðir og við-
burði allt sumarið og gæti fólk í
raun haft Akureyri sem miðstöð
fyrir heilan mánuð af hátíðahöld-
um með viðburðum eins og Fiski-
deginum á Dalvík og landbúnaðar-
og handverkshátíðinni í Hrafna-
gili.“
Íþróttir og mikið fjölskyldufjör
 Hátíðahöldin á Akureyri verða með ögn breyttum áherslum  Heil vika undirlögð af íþróttaviðburðum
Upplifun Allir ættu að finna eitthvað sem þeim líkar.
Metnaður Margir vinsælustu tónlistarmenn landsins troða upp á Akureyri um verslunarmannahelgina.
Hasar Mikil umferð verður um tröppurnar.
Siglufjörður iðar af lífi um versl-
unarmannahelgina. Síldarævintýrið
er núna haldið í 26. sinn og geta
gestir bæði fengið að kynnast
merkilegri sögu bæjarins og notið
fjölbreyttar skemmtidagskrár.
Kristinn Reimarsson er fram-
kvæmdastjóri hátíðarinnar: „Að
vanda leggjum við áherslu á að
höfða til fjölskyldufólks og leikur
Síldarminjasafnið stórt hlutverk í
dagskránni. Á aðaltorginu verður
hægt að fylgjast með síldarsöltun
og fá að smakka ljúffenga síldina.“
Í upphafi 20. aldar voru síldveiðar
einn helsti atvinnuvegur landsins og
Siglufjörður höfuðborg íslenska
síldveiðigeirans. Þangað streymdi
fjöldi fólks á vertíð og oft að gleðin
ríkti á milli þess sem unnið var af
hörku. Þótt stritið sé liðin tíð þá lifir
gleðin áfram í hátíðinni og verður
margt um að vera: „Af hápunktum
Síldarævintýris má nefna síld-
arsöltun á vegum Síldarminjasafns-
ins og svo samkeppni um besta síld-
arréttinn í samvinnu við Kaffi
Rauðku. Við bjóðum upp á tónleika,
gönguferðir, veglega barnadagskrá
og ýmsa viðburði þar sem heimafólk
stígur á svið,“ segir Kristinn.
Meðal þeirra skemmtikrafta sem
von er á má nefna Hreim og Made
in Sveitin og AmabAdamA. Lína
Langsokkur verður líka á staðnum
og Íþróttaálfurinn mætir ásamt öðr-
um íbúum Latabæjar. „Einar töfra-
maður verður hérna líka, og
Söngvaborg með þeim Sigríði Bein-
teins og Maríu Björk sem jafnframt
stjórna söngvakeppni fyrir börnin.“
Hlýlegt andrúmsloft
Síldarævintýrið er með stærstu
bæjarhátíðum verslunarmanna-
helgarinnar og segir Kristinn að
gestafjöldinn sé vanalega á milli
3.000 og 5.000 manns. „Margir
brottfluttir Siglfirðingar nota tæki-
færið til að heimsækja gamla bæinn
sinn og skapast hlýleg fjöl-
skyldustemmning á svæðinu. Þetta
góða andrúmsloft hefur vafalítið átt
sinn þátt í hvað hátíðin hefur farið
vel fram.“
Nóg er af tjaldstæðum, bæði í
bænum sjálfum og í nálægum
byggðum og þá opnaði nýtt hótel
fyrir ári síðan þar sem ætti að fara
vel um þá sem vantar tjald eða
tjaldvagn. „Hér er að finna fjölda
veitinga- og gististaða, góða inni-
sundlaug á Siglufirði og útisundlaug
með rennibraut í Ólafsfirði. Ekki
kostar á hátíðina sjálfa, en fólk
greiðir fyrir tjaldstæði eða gistingu
og borgar inn á dansleikina,“ út-
skýrir Kristinn.
Þeir sem vilja stunda íþróttir eða
útivist taka kannski golfsettið með
en haldið verður golfmót á laug-
ardeginum. „Á sunnudag er dorg-
veiðikeppni og þá höfum við skipu-
lagt fjölskylduratleik um
skógræktarsvæðið. Börnin geta far-
ið frítt á hestbak og í Alþýðuhúsinu
verður að vanda vinsæl listasmiðja
fyrir börnin. Ekki má heldur
gleyma Ljóðasetrinu sem verður
með menningarlega dagskrá hvern
einasta dag hátíðarinnar, og sunnu-
dagsmessunni í skógræktarlund-
inum.“ ai@mbl.is
Hver verður
með besta
síldarréttinn?
 Matarmenning, bókmenntir, náttúra
og fjölskylduvæn afþreying á Siglufirði
Rætur Saga bæjarins er samofin síldinni. Vel fer um gesti á Siglufirði og nóg af afþreyingu og þjónustu í boði.
Handtök Síldarsöltun með gamla laginu er aldeilis ekki á allra færi.
VERSLUNARMANNAHELGIN 2016