Morgunblaðið - 27.07.2016, Blaðsíða 46

Ögurhvarfi 2, 203 Kópavogur, sími 577 6000, garmin.is
ER MYNDAVÉLIN ÍÞYNGJANDI?
Lausnir frá Peak Design auðvelda að ferðast með myndavélina hvert sem er.
CAPTURE FRÁ PEAK DESIGN
VERSLUNARMANNAHELGIN 2016
Ásgeir Ingvarsson
ai@mbl.is
Sumir kæra sig ekkert um að ferðast
út fyrir bæinn um verslunarmanna-
helgina. Kannski hafa þeir lítinn
áhuga á að sofa í tjaldi og lifa á sam-
lokum, maltöli og harðfiski í nokkra
daga. Svo eru líka margir sem geta
ekki tekið sér frí
yfir heila helgi á
miðju sumri, og
þurfa að mæta á
vaktir.
Þar til fyrir
fimmtán árum
síðan hafði þessi
hópur um lítið
annað að velja en
að láta sér leiðast
um versl-
unarmannahelgi, en það breyttist
með tilkomu Innipúkans.
Í gegnum árin hefur Innipúkinn
þroskast og mótast, bæði stækkað og
minnkað, en er löngu orðinn ómiss-
andi hluti af menningar- og tónlistar-
lífi Reykjavíkur enda fjölbreyttur og
stór tónleikaviðburður.
Ásgeir Guðmundsson, fram-
kvæmdastjóri Innipúkans, segir há-
tíðina í ár verða með svipuðu sniði og
í fyrra. „Hátíðin hefur verið haldin
víða, byrjaði úti í Viðey, og var lengi í
Iðnó, en núna verðum við á tónleika-
stöðunum Húrra og Gauknum sem
báðir eru í Naustinni. Við höfum líka
fengið góðfúslegt leyfi borgaryf-
irvalda til að loka götunni fyrir fram-
an skemmtistaðina, milli Tryggva-
götu og Hafnarstrætis, og þar verður
Innipúkatorgið.“
Margt að gerast á gervigrasinu
Á Húrra og Gauknum er aðstaðan
til tónlistarflutnings eins og best
verður á kosið og von á góðri
stemmningu en lagt verður gervigras
á torgið fyrir utan og þar haldin
óformleg dagskrá yfir daginn. Er úti-
svæðið opið öllum en selt inn á tón-
leikana og geta gestir ýmist keypt
helgarpassa eða dagpassa.
Fyrstu böndin stíga á svið kl. 20 á
föstudeginum og kl. 21 á laugardeg-
inum og sunnudeginum. Að loknum
lifandi tónlistarflutningi taka plötu-
snúðar við og halda fjörinu gangandi
langt inn í nóttina.
Að vanda er tónlistardagskráin
metnaðarfull og fjölbreytt. Á Húrra
byrjar ný hljómsveit að spila á heila
tímanum, en á hálfa tímaum á Gaukn-
um. „Við reynum að ná góðum þver-
skurði af íslensku tónlistarsenunni
hverju sinni og leiðum saman bæði
stórar hljómsveitir og litlar, glænýja
tónlistarmenn og bönd sem hafa þeg-
ar látið að sér kveða,“ segir Ásgeir en
lýðræði og jöfnuður hefur einkennt
hátíðina frá upphafi. „Það á enginn
Innipúkann nema kannski þær
hljómsveitir sem spila hverju sinni,
enda er öllum hagnaði hátíðarinnar
skipt jafnt á milli hljómsveitanna og
listamannanna sem koma fram.“
Ótal tónlistarstefnur eru í boði og
segir Ásgeir viðbúið að gestir hafi
mismikinn áhuga á atriðunum. „Þess
vegna er upplagt að geta brugðið sér
út úr húsi ef svo ber undir, og blanda
þar geði við aðra gesti á torginu, fá
sér kannski í glas, spjalla við nýja og
gamla vini, og hoppa svo aftur inn
þegar næsta spennandi band er að
gera sig tilbúið til að byrja að spila.“
Valkvíði tónlistarunnandans
Hljómsveitirnar eru svo margar og
merkilegar að varla er hægt að nefna
þær allar eða gera upp á milli lista-
mannanna. „Ég get þó sagt fyrir mig
prívat og persónulelga að ég er
spenntur að hlusta á Hjaltalín, sem
spila orðið sjaldan á Íslandi,“ segir
Ásgeir. „Þá ætla ég ekki að missa af
hljómsveitinni Misþyrmingu sem
spilar metal-rokk. Það er ekki tónlist-
arstefna sem ég hlusta mikið á en ég
elska að horfa á þá á sviði. Verður síð-
an gaman að sjá hvað gerist á Sam-
suðunni, sem er ein af hefðum Inni-
púkans; að þessu sinni leiða Helgi
Björns og diskóbandið Boogie
Trouble saman hesta sína og setja
sum þekktustu lög Helga í diskóbún-
ing. Svo má nefna nýja verkefnið
hennar Jófríðar Ákadóttur úr Sam-
aris, MC Gauta sem flytur efni af
nýrri plötu, og hátíð Grísalappalísu
verður örugglega sturluð.“
„Verður örugglega sturlað“
 Innipúkinn verður
með svipuðu sniði í
ár og í fyrra  Inni-
púkatorgið er opið
öllum og verður
mannlífið þar litríkt
yfir helgina
Morgunblaðið/Eggert
Huggulegheit Á milli Tryggvagötu og Hafnarstrætis verður margt um að vera og útisvæðið opið öllum. Þar verður glatt á hjalla eins og innandyra.
Læti Gestir á Innipúkanum kunna heldur betur að skemmta sér vel.
Ásgeir
Guðmundsson