Morgunblaðið - 27.07.2016, Blaðsíða 55

55
MORGUNBLAÐIÐ MIÐVIKUDAGUR 27. JÚLÍ 2016
Tveir spennandi kostir
CLA og CLA Shooting Break
Mercedes-Benz CLA er góður kostur fyrir fólk á ferð og flugi.
Einstaklega öflugur, sportlegur og skemmtilegur í akstri en jafnframt
eyðslugrannur og umhverfismildur. Hann fæst í ótal útfærslum, t.d.
framhjóladrifinn eða með 4MATIC fjórhjóladrifinu, einnig með
aukabúnaði við hæfi hvers og eins. Fyrir þá sem þurfa meira rými er
Shooting Brake hlaðbaksútfærslan kjörin.
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili Mercedes-Benz á Íslandi
Þú finnur „Mercedes-Benz Ísland“
á Facebook
CLA 180 með 7 þrepa sjálfskiptingu
Verð frá 5.500.000 kr.
Eyðir frá 4,0 l/100 km í blönduðum akstri
CLA 180 Shooting Brake með 7 þrepa sjálfskiptingu
Verð frá 5.600.000 kr.
Eyðir frá 4,2 l/100 km í blönduðum akstri
Bæjarhátíðin Neistaflug í Neskaup-
stað verður í ár haldin í tuttugasta og
fjórða sinn og segir Svanlaug Aðal-
steinsdóttir að þar finni allir eitthvað
við sitt hæfi. „Upprunalega var það
Blús- og rokkklúbburinn á Nesi sem
efndi til þessarar hátíðar með ríka
áherslu á tónlistarhliðina, en í gegn-
um árin hefur Neistaflug þróast og
þroskast og er í dag orðið að sann-
kallaðri fjölskylduhátíð,“ segir Svan-
laug en hún er framkvæmdastjóri
viðburðarins í ár.
Skipta má hverjum degi hátíð-
arinnar í þrjá
kafla. „Yfir versl-
unarmannahelg-
ina byrjum við í
kringum hádegið
með fjölskyldu-
og barnadagskrá.
Þegar líða tekur á
kvöldið tekur
unglinga-
dagskráin við og
bjóðum við til að
mynda upp á mjög skemmtilega
fjörustemmningu í kajakfjörunni fyr-
ir unglinga 13 ára og eldri, þar sem
Pollapönk mun halda tónleika.
Seinna um kvöldið hefst svo fullorð-
insdagskráin með dansleikjum og
tónleikum þar sem er 18 ára aldurs-
takmark.“
Skapast hafa skemmtilegar hefðir í
tengslum við Neistaflug þar sem
heimamönnum er þjappað saman.
Þannig hefst dagskrá versl-
unarmannahelgarinnar með skraut-
legri skrúðgöngu niður að miðju bæj-
arins. „Hverfin eru skreytt hvert
með sínum lit og fylkja bæjarbúar og
gestir síðan liði í miðbæinn. Vanalega
hafa göngurnar byrjað á grillveislum
í hverju hverfi fyrir sig en í ár breyt-
um við til og höfum grill fyrir alla
niðri í miðbæ,“ segir Svanlaug en
áætlað er að skrúðgangan leggi af
stað kl. 18.30 á föstudag og grillveisl-
unni, setningu og skemmtidagskrá
ljúki kl. 21.“
Einnig hefur skapast sú hefð að
Barðsneshlaupið fer fram á sama
tíma og Neistaflug. Er um að ræða
víðavangshlaup, 27 km annars vegar
og 13 km hins vegar, þar sem hlaupið
er um tvo fallega firði og endað í Nes-
kaupstað. „Golfklúbburinn heldur
einnig stórt golfmót á laugardags-
morgninum og á sama tíma er haldin
dorgveiðikeppni á bæjarbryggjunni.“
Gunni og Felix ómissandi
Að vanda munu þeir Gunni og Fel-
ix vera kynnar á hátíðinni. „Þeir hafa
verið kynnar hjá okkur í um tuttugu
ár,“ segir Svanlaug og bætir því við
að skemmtikraftarnir ástkæru hafi í
sjálfu sér engin tengsl við bæinn önn-
ur en þau að vera orðnir ómissandi
hluti af hátíðahöldunum. „Strax eftir
hverja hátíð eru þeir ráðnir fyrir þá
næstu og gætum við ekki hugsað
okkur að vera án þeirra.“
Á fimmtudeginum verða haldnir
90‘s rokktónleikar þar sem Eyþór
Ingi og Magni syngja með bæjar-
bandinu Dútli. „Á föstudaskvöldið
endurvekjum við gamla hefð með við-
burði sem heitir Tónatitringur. Þar
fær áhugafólk að syngja og verður
Ásgeir Páll útvarpsmaður kynnir og
þeytir síðan skífum fram eftir kvöldi.
Að þessu sinni verður söng-
leikjaþema á Tónatitringi og laga-
valið eftir því.“
Tveir stórir dansleikir eru síðan
um helgina. „Á laugardagskvöldinu
spilar Skítamórall, en við fáum til
okkar Buff og Ernu Hrönn á sunnu-
dagskvöldinu,“ útskýrir Svanlaug.
Rukkað er hóflegt gjald inn á böll-
in en öll barna- og unglingadagskrá
undir berum himni er gestum að
kostnaðarlausu, þökk sé stuðningi
Vífilfells, Fjarðabyggðar, Samvinnu-
félags útgerðarmanna, Flugfélags Ís-
lands og Síldarvinnslunnar, auk ým-
issa annarra styrktaraðila.
Dagskrána í heild sinni er hægt að
finna á www.neistaflug.is.
„Andrúmsloftið á Neistaflugi ein-
kennist af mikilli samkennd og minn-
ir jafnvel á ættarmót því hingað
koma margir brottfluttir Norðfirð-
ingar,“ segir Svanlaug. „Þá virðist
veðrið alltaf leika við okkur um versl-
unarmannahelgina.“
ai@mbl.is
„Minnir jafnvel á ættarmót“
Bleyta Líflegur brunaslöngubolti ætti að koma öllum í gott skap. Buna Sundlaugarferð hittir í mark.
Rómantík Varðeldur og söngur á vel við um verslunarmannahelgi.
Svanlaug
Aðalsteinsdóttir
 Gunni og Felix hafa verið kynnar á Neistaflugi í tvo áratugi  Skrúðganga, skreytingar, golf og víðavangshlaup
VERSLUNARMANNAHELGIN 2016