Morgunblaðið - 27.07.2016, Blaðsíða 52

52
MORGUNBLAÐIÐ MIÐVIKUDAGUR 27. JÚLÍ 2016
Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
„Fólk sagði við okkur að þetta hefði
verið margoft reynt, en væri ekki
hægt, og ef eitthvað er gerði það
okkur enn spenntari fyrir hugmynd-
inni,“ segir Viddi Greifi, Kristján
Viðar Haraldsson, um upphaf Útihá-
tíðar á Spot um verslunarmanna-
helgina. Hátíðin er núna haldin í sjö-
unda sinn og eru það Greifarnir og
útvarps- og athafnamaðurinn Siggi
Hlö, Sigurður Hlöðversson, sem
standa fyrir þessum vinsæla við-
burði.
Útihátíð á Spot laðar að fjölda
gesta í góðu skapi. Byrjar tónlist-
arflutningurinn um kl. 11 og er
gleðin við völd langt fram á nótt.
„Ég man að í eitt skiptið voru gest-
irnir svo margir að við óttuðumst að
dyravarslan væri undirmönnuð, en
yfirdyravörðurinn sagðist ekki hafa
þurft að hafa afskipti af einum ein-
asta manni alla helgina. Hópurinn er
mjög blandaður, allt frá 18-19 ára
unglingum upp í fólk í kringum sex-
tugt og hátíðleg stemmning.“
Grill og galsi
Tónlist Greifanna kemur öllum í
gott skap en til að setja punktinn yf-
ir i-ið er vaninn að kynda upp í grill-
um og bjóða upp á hamborgara. Er
fólk á ferðinni bæði innandyra og ut-
an, ef veður leyfir, og hápunktur
helgarinnar þegar allir koma saman
í brekkusöng í brekku fyrir neðan
Spot. „Við erum mjög stundvísir
með brekkusönginn, milli 11 og 12 á
sunnudeginum, og gaman að sjá að
þangað kemur m.a. fjölskyldufólk
með börnin sín. Telst okkur til að á
bilinu 1.300 til 1.500 manns hafi tekið
þátt í brekkusöngnum síðast,“ segir
Viddi.
Það hentar ekki öllum að fara á
útihátíð úti á landi og þægilegt að
geta samt skapað gleðilegar minn-
ingar yfir þessa löngu fríhelgi á ein-
um af vinsælustu skemmtistöðum
höfuðborgarsvæðisins. Segir Viddi
að margir komi á Útihátið á Spot ár
eftir ár og hlakki Siggi Hlö og liðs-
menn Greifanna til viðburðarins allt
árið. „Þetta er með skemmtilegustu
giggum sem við tökum þátt í, hrika-
lega gaman fyrir okkur alla og hefur
gengið svo vel að er lyginni líkast.“
ai@mbl.is
Brekkusöngur innan borgarmarka
 Útihátíð á Spot
laðar að fjölda gesta
Upplifun Fólkið úr hverfunum í kring gerir sér sumt ferð á brekkusönginn og tekur áhugasöm börnin með.
Félagar Fyrir mörgum er Útihátíð á Spot orðin alveg ómissandi. Djamm Skemmtistaðurinn rúmar mikið af stuði og flæðir jafnvel út á plan.
Vonandi eiga flestir lesendur dýr-
mætar æskuminningar um útilegur
með fjölskyldunni og ærsl með öðrum
börnum í sumarsólinni. Eflaust eiga
margar slíkar minningar eftir að
verða til á Sæludögum KFUM og
KFUK í Vatnaskógi um næstu helgi
en þar verður að vanda boðið upp á
fjölbreytta dagskrá fyrir börn, ung-
linga og fullorðna.
„Þetta er hátíð sem haldin er á for-
sendum barnanna, þó að vitaskuld sé
líka margt um að vera fyrir fullorðna
fólkið,“ segir Ársæll Aðalbergsson,
framkvæmdastjóri Vatnaskógar.
„Staðurinn býður upp á svo margt:
skóg, leiktæki og
báta, og um-
hverfi sem er
skemmtilegt að
vera í en dag-
skráin byrjar
strax á fimmtu-
deginum.“
Meðal þeirra
sem skemmta á
Sæludögum má
nefna Grétu Sal-
óme og Einar Mikael töframann.
„Svo fáum við til okkar brúðuleikhús
úr Borgarnesi, og fastur liður á
Sæludögum er hæfileikasýning
barnanna sem vekur gjarnan mikla
lukku.“
Tekið er hóflegt gjald við hliðið að
svæðinu og hafa gestir þá frjálsan að-
gang að öllum leiktækjum og bátum
og geta börnin hoppað í uppblásnum
köstulum, eða buslað í vatninu eins og
hjartað lystir. Innigisting er í boði en
löngu upppöntuð. „Fer samt mjög vel
um fólk á tjaldsvæðunum en þar er
aðgangur að rafmagni, 3G-samband á
ákveðnum stöðum og boðið verður
upp á þráðlaust net í kaffihúsi Sælu-
daga.“
Líka gaman fyrir fullorðna
Ársæll segir Sæludaga bæði bjóða
upp á mikla skemmtun fyrir börnin
en líka tækifæri fyrir foreldrana að
slaka á. „Það þarf ekki að fylgjast
mað börnunum við hvert einasta
skref og á meðan krakkarnir leika sér
geta þeir fullorðnu m.a. sótt fræðslu-
og umræðustundir um fjölbreytt mál-
efni,“ segir Ársæll en meðal þess sem
verður þar til umfjöllunar eru vænt-
anlegar forsetakosningar í Banda-
ríkjunum og forvitnilegar trúarheim-
spekilegar spurningar. „Þjónustan
við gesti er með besta móti og þykir
t.d. mörgum gott að líta við á kaffi-
húsinu okkar, tylla sér þar um stund
og fá sér kaffibolla og máski köku-
sneið með.“ ai@mbl.is
Sungið, róið,
hoppað og
skoppað
Virkni Börnin geta tekið þátt í sýningum og keppnum ef þau vilja.
Ævintýri Nóg er af leiktækjum og hafa gestir að þeim frjálsan aðgang.
Ársæll
Aðalbergsson
 Á Sæludögum í Vatnaskógi er afþreying
fyrir börnin í fyrirrúmi og aðstaðan góð
VERSLUNARMANNAHELGIN 2016