Morgunblaðið - 27.07.2016, Qupperneq 22

22 FRÉTTIRInnlent
MORGUNBLAÐIÐ MIÐVIKUDAGUR 27. JÚLÍ 2016
limtrevirnet.is
Aðalskrifstofa - Borgarbraut 74 - 310 Borgarnes
Söluskrifstofa - Vesturvör 29 - 200 Kópavogur
Netfang - sala@limtrevirnet.is
Aðalnúmer: 412 5300 | Söludeild: 412 5350
- stuttur afgreiðslutími
- lagerlitur hvítur, boðið upp á málun
- gluggar, bæði íkomnir og í lausu
Bílskúrshurðir frá Límtré Vírnet fást
í verslunum Húsasmiðjunnar um land allt
- hurðaopnarar
- boðið upp á uppsetningu
Andlit hússins
-fallegar og sterkar bílskúrshurðir frá Límtré Vírnet
Agnes Bragadóttir
agnes@mbl.is
Gunnar Ármannsson, lögmaður og
stjórnarmaður í MCPB (Medical
Center Pedro Brugada) sem áformar
að reisa einkasjúkrahús og hótel í
Mosfellsbæ, segir að neikvæð við-
brögð ákveðinna manna við áformun-
um komi sér ekki á óvart.
Haraldur Sverrisson, bæjarstjóri
Mosfellsbæjar, undirritaði í síðustu
viku samning við MCPB um úthlutun
á 6,3 hektara lóð við Sólvelli við
Hafravatnsveg í Mosfellsbæ. Félagið,
sem er að mestu í eigu hollenska fyr-
irtækisins Burbanks Holding BV, á
forkaupsrétt að næstu lóð sem er
ámóta stór.
„Nei, ég er ekki hissa á ákveðnum
neikvæðum viðbrögðum sem verið
hafa við fréttum af áformum MCBP
um að reisa og reka sjúkrahús í Mos-
fellsbæ,“ sagði Gunnar í samtali við
Morgunblaðið í gær.
Gunnar segir að þegar PrimaCare-
verkefnið fór af stað árið 2009 hafi
viðbrögð margra verið í svipaða veru
og þeirra sem nú
stigi fram og lýsi
sig andvíga
áformum um
einkasjúkrahús í
Mosfellsbæ.
Gunnar var í for-
svari fyrir Prima-
Care-verkefninu,
sem snerist um að
reisa einkasjúkra-
hús í Mosfellsbæ á
sömu lóð og MCBP hyggst reisa
sjúkrahús sitt. Ekki varð af þeim
áformum, þar sem ekki tókst að fjár-
magna verkefnið til fulls, að sögn
Gunnars.
Gunnar segir að engum þurfi að
koma á óvart að samið hafi verið við
Mosfellsbæ um lóðina, vegna þess að í
tengslum við fyrra verkefnið hafi
gríðarleg undirbúningsvinna verið
unnin af hálfu Mosfellsbæjar, vinna
sem nýtist þessu verkefni að stórum
hluta.
Gunnar bendir á að ummæli Kára
Stefánssonar, forstjóra Íslenskrar
erfðagreiningar, í fjölmiðlum um að
áhugi erlendra fjárfesta snúist m.a.
um að komast í lakara regluumhverfi
hér á landi en almennt eigi við annars
staðar í Evrópu séu einfaldlega röng.
Heilbrigðistilskipun mikilvæg
„Þetta er mikil fjarstæða þótt það
sé reyndar rétt að fjárfestar sækja í
regluverkið hérlendis. Ástæðan er
hins vegar ekki sú að það sé lakara en
annars staðar í Evrópu heldur a.m.k.
sambærilegt. Það skiptir máli bæði
fyrir sjúklinga í Evrópu og Banda-
ríkjunum að vita að svo sé og er einn
af sölupunktunum fyrir því að hafa
svona starfsemi hérlendis.
Rétt er að minna líka á það að sam-
kvæmt heilbrigðistilskipuninni, sem
gildir nú hérlendis, er lögð gríðarleg
áhersla á gæði og gæðaeftirlit. Ef ein-
hverjir ætla að reyna að hasla sér völl
í heilbrigðistúrisma verða þessir hlut-
ir að vera í lagi. Það er reyndar mjög
gott fyrir verkefni sem þetta, og ís-
lenska heilbrigðiskerfið yfirleitt, að
verið er að leggja ríkari kröfur á eft-
irlitsaðila til að tryggja að allt sé eftir
ströngustu reglum. Hér á landi hefur
pottur verið brotinn í þeim efnum og
því var samþykkt tilskipunarinnar
fagnaðarefni fyrir Íslendinga.“
Gunnar bendir á að ýmsar ástæður
séu fyrir því að Ísland teljist áhuga-
verður staður fyrir starfsemi sem þá
sem MCPB hyggst reka í Mos-
fellsbæ: lega landsins milli Evrópu og
Bandaríkjanna; almennt viðskipta-
umhverfi sé gott; gæðin í heilbrigð-
iskerfinu séu samanburðarhæf við
það besta í Evrópu; kostnaður í Evr-
ópu sé almennt lægri en í Bandaríkj-
unum hvað varðar tryggingafélög og
Ísland sé eitt af öruggustu löndum
heims.
Gunnar segir að spyrja megi hvort
einkaspítali geti stuðlað að því að úr
íslenskum háskólum myndu fleiri
heilbrigðisstarfsmenn útskrifast en
áður, af því að það verði þá til fleiri at-
vinnutækifæri.
Viðbrögðin ekki komið á óvart
Morgunblaðið/GE
Sólvellir Lóðin þar sem einkasjúkrahúsið á að rísa er í Mosfellsbæ.
Gunnar
Ármannsson
 Segir heilbrigðistilskipunina sem gildir hér á landi leggja gríðarlega áherslu á gæði og gæðaeftirlit
Jón Birgir Eiríksson
jbe@mbl.is
Nýtt tilboð er komið fram í jörðina
Fell við Jökulsárlón á Breiðamerk-
ursandi. Ólafur Björnsson, lögmað-
ur hjá Lögmönnum Suðurlands,
sem hefur leitað tilboða í jörðina frá
því hún var boðin upp þann 14. apr-
íl, á von á því að Sýslumaðurinn á
Suðurlandi taki tilboðið fyrir.
Áður hafði eitt formlegt tilboð
borist í Fell sem sýslumaður vísaði
frá vegna fyrirvara sem á því voru
enda væri um að ræða nauðungar-
sölu. „Þetta tilboð er langhæst. Það
hafa borist tilboð sem hafa, eftir
viðræður við sýslumann, verið met-
in það lág að ekki hefur þótt ástæða
til fundarhalda út af þeim,“ segir
Ólafur.
Ólafur segist eiga von á því að
sýslumaður meti tilboðið þannig að
það verði tekið fyrir. „Það hefur
legið fyrir að það hafa verið
ákveðnar væntingar hjá uppboðs-
beiðendum um verð. Þetta tilboð
nálgast sjónarmið seljenda að ein-
hverju leyti. Þetta er áhugavert til-
boð, ég vil orða það þannig,“ segir
hann.
Um íslenskan lögaðila að ræða
Erlendir fjárfestar sýndu jörðinni
talsverðan áhuga, en einnig var tal-
ið líklegt að ferðaþjónustufyrirtæki
hefðu hana í sigtinu enda Jökuls-
árlón einn helsti áfangastaður er-
lendra ferðamanna á Íslandi.
Aðspurður segist Ólafur lítið geta
gefið upp um tilboðið, annað en að
um íslenskan lögaðila sé að ræða
sem tengist líklega rekstri ferða-
þjónustu á staðnum. „Þetta eru að-
ilar sem eru í samstarfi við slíka að-
ila, fjárfestar. Það eru sjálfsagt
ferðaþjónustuaðilar á bakvið þá að
einhverju leyti. Þeir verða sjálfsagt
með rekstur á þessu og hyggjast
leigja það út,“ segir hann.
Áður hefur komið fram að líklegt
söluverð jarðarinnar sé um tveir
milljarðar króna, en hún er alls
rúmlega 10.500 hektarar að stærð.
Deilur milli landeigenda Fells,
sem eru fjörutíu talsins, um ráð-
stöfun jarðarinnar hafa staðið yfir í
um tvo áratugi, en þær eiga rætur
að rekja til óskipts dánarbús.
Sýslumaður féllst á beiðni fjórtán
landeigendanna um nauðungarsölu
til slita á sameigninni í apríl síðast-
liðnum eftir að dómkvaddur mats-
maður mat jörðina óskiptanlega.
Óvíst með forkaupsrétt ríkisins
Íslenska ríkið á forkaupsrétt að
Felli, sem staðsett er austan megin
Jökulsárbrúar. Landareignin Fell,
vestan megin brúarinnar, er þjóð-
lenda og því í eigu ríkisins. Verði
tilboðið samþykkt hefur ríkið tvær
vikur til að nýta forkaupsrétt sinn.
Málið var tekið fyrir á ríkisstjórn-
arfundi þann 15. apríl sl., en Bjarni
Benediktsson, fjármála- og efna-
hagsráðherra sagði í maí sl. að ekki
stæði til að ríkissjóður keypti jörð-
ina, í það minnsta væri ekki gert
ráð fyrir því í fjármálastefnu og
fjármálaáætlun fyrir hið opinbera
til næstu fimm ára enda væri um
sértækt mál að ræða. Þó væri vel
fylgst með máli Jökulsárlóns.
Nýtt tilboð í
jörðina Fell við
Jökulsárlón
 Mun hærra en fyrri tilboð  Talið
nálægt verðhugmyndum landeigenda
Morgunblaðið/Ómar
Jökulsárlón Jörðin Fell liggur að
lóninu austan megin við brúna.