Morgunblaðið - 27.07.2016, Blaðsíða 38

38 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 27. JÚLÍ 2016
STUTT
● Alls var 108 skjölum um atvinnu-
húsnæði þinglýst á landinu í júní síðast
liðnum. Þau skjöl eru ýmist kaupsamn-
ingar eða afsöl. Af þessum fjölda voru
55 á höfuðborgarsvæðinu.
Af þessum 108 skjölum voru 37 um
verslunar- og skrifstofuhúsnæði.
Heildarfasteignamat seldra eigna í
mánuðinum var 2,2 milljarðar á höf-
uðborgarsvæðinu. Er það umtalsverð
hækkun frá sama mánuði í fyrra þegar
heildarfasteignamatið var 1,4 milljarðar.
Á hinn bóginn var samanlagt fast-
eignamat þeirra eigna sem um ræðir
utan höfuðborgarinnar 1,7 milljarðar í
stað 1,6 milljarða í sama mánuði í fyrra.
Alls hefur 756 skjölum, kaupsamn-
ingum og afsölum, verið þinglýst á fyrri
hluta ársins. Það er aukning frá sama
tíma í fyrra, en þá var 537 skjölum þing-
lýst.
Húsnæðisviðskipti vaxa
Stefán E. Stefánsson
ses@mbl.is
Öll spjót standa nú á hinum vellauð-
uga sir Philip Green sem gjarnan er
kenndur við fjárfestingafélagið Ar-
cadia sem meðal annars á og rekur
verslanir á borð við Tophshop, Bur-
ton, Miss Selfridge, Dorothy Perkins
og ýmsar fleiri. Að þessu sinni er
kastljós fjölmiðla á honum vegna
rannsóknar sem breska þingið hefur
efnt til í tengslum við fall verslana-
keðjunnar BHS sem hann seldi fyrir
eitt pund í fyrra til fyrrverandi öku-
þórsins Dominic Chappell.
BHS fór í greiðslustöðvun fyrr á
þessu ári og með lokun verslananna
164 sem reknar eru undir nafni fyrir-
tækisins misstu yfir 11 þúsund
manns vinnuna og um 20 þúsund ein-
staklingar, sem starfað hafa fyrir
fyrirtækið á umliðnum árum, sjá nú á
bak lífeyrisréttindum sínum og eru
hin glötuðu réttindi metin á tæplega
600 milljónir punda eða ríflega 95
milljarða íslenskra króna.
Í tengslum við rannsókn nefndar-
innar sem þingið hefur kallað saman
vegna málsins hafa háværar raddir
komið fram, innan þings og utan, þar
sem kallað er eftir því að sir Philip
verði sviptur riddaratign þeirri sem
hann var sæmdur 17. júní árið 2006
fyrir þjónustu sína í þágu smásölu-
markaðarins í Bretlandi.
Er í því sambandi meðal annars
vísað til þess fordæmis sem gefið var
árið 2012 þegar Elísabet II., Eng-
landsdrottning, svipti Fred Goodwin,
fyrrverandi forstjóra Royal Bank of
Scotland, riddaratign þeirri sem
hann hafði verið sæmdur árið 2004
vegna starfa sinna í þágu bankastarf-
semi í landinu. Ákvörðunina tók El-
ísabet ekki sjálf heldur byggði hún á
tillögu ríkisstjórnar landsins og sér-
stakrar nefndar sem leggur mat á
það hvort einstaklingar sem sæmdir
hafa verið heiðurstitlum skuli sviptir
þeim af einhverjum ástæðum. Það er
forsætisráðherra Bretlands sem kall-
ar nefndina saman ef þurfa þykir.
Tók snúning á íslenskum
bönkum
Philip Green er Íslendingum ekki
að öllu ókunnur. Viðskipti hans og
Baugs með hluti í Arcadia rötuðu
meðal annars í fjölmiðla á árinu 2002.
Þá kom hann einnig til landsins strax
í kjölfar þess að viðskiptabankarnir
þrír hrundu til grunna. Í þeirri ferð
gerði hann tilraun til að kaupa skuld-
ir Baugs af skilanefndum Lands-
bankans og Kaupþings á 5% af nafn-
verði þeirra. Honum varð ekki kápan
úr því klæðinu og hélt tómhentur aft-
ur til Bretlands.
„Íslandsvinur“ gæti
misst riddaratignina
 Sir Philip Green í kröppum dansi vegna sölunnar á BHS
Gagnrýni Mikil gagnrýni hefur komið fram á Philip Green vegna þess
hvernig hann skildi við BHS og starfsmenn fyrirtækisins við söluna í fyrra.
AFP
27. júlí 2016
Gengi Kaup Sala Mið
Dollari 121.18 121.76 121.47
Sterlingspund 159.06 159.84 159.45
Kanadadalur 91.57 92.11 91.84
Dönsk króna 17.916 18.02 17.968
Norsk króna 14.114 14.198 14.156
Sænsk króna 14.011 14.093 14.052
Svissn. franki 122.51 123.19 122.85
Japanskt jen 1.1594 1.1662 1.1628
SDR 167.98 168.98 168.48
Evra 133.3 134.04 133.67
Meðalgengi/Viðskiptavog þröng 167.8047
Hrávöruverð
Gull 1321.25 ($/únsa)
Ál 1601.0 ($/tonn) LME
Hráolía 46.21 ($/fatið) Brent
Skannaðu kóð-
ann til að sjá
gengið eins og
það er núna á
Hlökkum til að heyra frá ykkur!
Nolta
Okkar megin áherslur eru:
◆ Liðsheildarþjálfun ◆ Leiðtogahæfni ◆ Stefnumótun og umbótastarf
Sigurjón
Þórðarson
Sími: 893 1808 •
sigurjon.thordarson@nolta.is
Friðfinnur
Hermannsson
Sími: 860 1045 •
fridfinnur.hermannsson@nolta.is
Ráðgjöf og þjálfun nolta.is
Vinnustofur sem styrkja og hreyfa við fólki
Frekari upplýsingar á nolta.is
Nolta er á Facebook
Leiðtoginn á réttum kúrs
Self - Navigation er skemmtileg tveggja daga vinnustofa
þar sem leiðtoginn stillir af hvert hann stefnir og kemur
skipulagi á sín helstu verkefni.
Árni
Sverrisson
Sími: 898 5891 •
arni.sverrisson@nolta.is
BRIGETTA INVESTMENTS LIMITED – IN LIQUIDATION (THE COMPANY)
SAFINA LIMITED – IN LIQUIDATION (THE COMPANY)
SEACOURT LIMITED – IN LIQUIDATION (THE COMPANY)
TAZAMIA LIMITED – IN LIQUIDATION (THE COMPANY)
NOTICE is hereby given that pursuant to Section 206(1) of the BVI Business Companies Act 2004, that creditors of the Company
are required to submit their full names and addresses and full particulars of their claims by 18 August 2016 to the contact below or
be excluded from the benefit of the first and final distribution.
Mark McDonald, Joint Liquidator
Contact for enquiries:
Name: Megan Farmer Telephone: +1 284 494 8520 Facsimile: +1 284 494 3529 Email: megan.farmer@uk.gt.com
Frá Aviva Annuity UK Limited til Aviva Life
& Pensions UK Limited.
Nánari upplýsingar má finna á www.fme.is
Fyrirhuguð yfirfærsla líftryggingastofns:
Vilhjálmur A. Kjartansson
vilhjalmur@mbl.is
Rúmlega fjögur þúsund fleiri bíla-
leigubílar eru á skrá í dag en voru í
upphafi árs 2015 og tæplega átta
þúsund fleiri en í byrjun árs 2014.
Steingrímur Birgisson, forstjóri
Bílaleigu Akureyrar, segir almennt
offramboð vera á bílaleigubílum í
dag og ráðist það annars vegar af
fleiri bílaleigum og hins vegar af
fjölgun í bílaflota hjá bílaleigum
landsins.
„Við fórum þá leið sjálfir að fara
hóflega í fjölgun bíla og reyna frekar
að auka nýtinguna á hvern bíl. Fjölg-
un ferðamanna yfir vetraramán-
uðina gerir okkur kleift að nýta bíla-
flotann okkar betur,“ segir
Steingrímur og bendir á að hjá Bíla-
leigu Akureyrar hafi verið gert ráð
fyrir 14 til 15 prósenta vexti á mark-
aðnum þó ISAVIA hafi gert ráð fyrir
37 prósenta fjölgun ferðamanna í ár.
„Ég gerði ráð fyrir minni aukn-
ingu á bílaleigumarkaðnum en spár
um fjölgun ferðamanna sögðu til um
enda taldi ég að fjölgun ferðamanna
myndi ekki skila sér öll inn á bíla-
leigumarkaðinn.“
Spurður hvort bílar standi þá
verkefnalausir, segir Steingrímur
það ekki vera tilvikið hjá Bílaleigu
Akureyrar.
„Það er alltaf erfitt að hitta ná-
kvæmlega á réttan punkt en þetta er
ekki stórt vandamál hjá okkur. Við
erum vissulega með bíla inni hjá
okkur, ólíkt í fyrra þegar eftirspurn
var töluvert meiri en framboðið. Á
móti kemur að það er minna vesen
og spenna eins og þegar allt er upp-
bókað. Það standa þó engir bílar hjá
okkur hreyfingarlausir og af núm-
erum. Við vitum þó af því að það er
ekki vinna fyrir alla þá bíla sem bætt
hefur verið við bílaleiguflota lands-
ins. Aukningin í sumar hefur hrein-
lega ekki verið svo mikil þó vorið hafi
verið gott og útlit fyrir að haustið
verði gott, í það minnsta hjá okkur.“
Minni bílaleigur fjölga bílum
Fjölgun bílaleigubíla virðist vera
mest hjá minni bílaleigum landsins
að sögn Steingríms, sem telur að
stærri bílaleigurnar hafi almennt
farið varlega í að fjölga skráðum bíl-
um hjá sér. Undir þetta tekur Gunn-
ar Björn Gunnarsson, fram-
kvæmdastjóri Procar bílaleigunnar,
en hann segir algjört offramboð vera
á bílaleigubílum á markaðnum í dag.
„Staðan í ár er allt önnur en í fyrra
og menn eru að skjóta verðinu hver
undan öðrum. Þá hefur leigutími
bílanna breyst en við sjáum minna af
14 til 17 daga leigu og meira af því að
fólk leigi bíla til skemmri tíma og
það þýðir ofast meiri keyrslu á
þeim,“ segir Gunnar, sem rekur 630
bíla í dag en var með um 450 í fyrra.
Gunnar segir margar nýjar bíla-
leigur vera komnar inn á markaðinn
og dæmi séu um að minni bílaleigur
tvöfaldi bílaflotann á einu ári.
Hefur áhrif á verð
Á eftir Bílaleigu Akureyrar, sem
rekur hátt í 4.000 bíla, er Avis ein af
stærri bílaleigum landsins með rúm-
lega 2.700 bíla í rekstri en á síðasta
ári voru bílarnir 2.300 talsins og seg-
ir Hjálmar Pétursson, forstjóri Avis,
að fyrirtækið hafi aldrei keypt jafn
marga bíla og fyrir þetta ár.
„Það hefur ekkert slegið á eftir-
spurnina hjá okkur og allir okkar
bílar eru í keyrslu. Við seljum líka
bíla reglulega yfir allt árið svo það er
mikil hreyfing á þessu hjá okkur,“
segir Hjálmar en viðurkennir að Av-
is hafi vissulega orðið vart við aukna
samkeppni.
„Mikil samkeppni er ekki ný af
nálinni á þessum markaði. Þetta er
bara hreinn samkeppnismarkaður,
eins og hann á að vera og er búinn að
vera það í mörg ár.“
Spurður hvort offramboð á bíla-
leigubílum skili sér í lægra verði seg-
ir hann það vissulega gera það.
„Meira framboð hefur auðvitað
áhrif á verð en við horfum á verð
daglega, þannig er markaðurinn.“
Hjálmar óttast þó að ástandið geti
orðið erfitt fyrir marga í vetur þegar
verð lækki og fjöldi bíla standi verk-
efnalausir.
„Það er dýrt að reka bílaleigubíl
og t.d. hækkuðu iðgjöld um 25 pró-
sent í ár. Þá er líka erfitt að selja þá
úr landi því tollar og alls konar gjöld
gera það of dýrt fyrir okkur. Þar er
ríkisvaldið að þvælast fyrir.“
Offramboð bílaleigubíla
 Fyrsta merkið um offramboð í ferðaþjónustu  Bílaleigubílum hefur fjölgað
um rúmlega 4 þúsund milli ára  Hætta á að bílar standi verkefnalausir í vetur
Morgunblaðið/Ómar
Bílar Rúmlega 21.500 bílaleigubílar eru skráðir á Íslandi nú en þeim hefur
fjölgað gífurlega á síðustu árum og er komið merki um offramboð.
Fjöldi skráðra
bílaleigubíla
Heimild: Samgöngustofa
*staðan: 26. 07. ’16
Ártal Fjöldi
2014 13.723
2015 17.510
2016* 21.539