Morgunblaðið - 13.08.2016, Page 18

18 FRÉTTIRInnlent
MORGUNBLAÐIÐ LAUGARDAGUR 13. ÁGÚST 2016
Eðalfiskur ehf • Sólbakka 4 • 310 Borgarnesi • S. 437 1680 • sala@edalfiskur.is • www.edalfiskur.is
Reyktur og grafinn
Eðallax
fyrir ljúfar stundir
Börkur Gunnarsson
borkur@mbl.is
„Svo lengi sem ég hef unnið hérna
hafa leikskólarnir í Garðabæ verið
opnir allt árið. Ég byrjaði að vinna
hér árið 2000. Bæði foreldrarnir og
kennararnir eru mjög ánægðir með
þetta. Það hentar hvorki foreldrum
né starfsmönnum að fara í frí á sama
tíma,“ segir Guðfinna Björk Krist-
jánsdóttir, upplýsingafulltrúi Garða-
bæjar.
Pirringur er hjá mörgum reyk-
vískum foreldrum þar sem allir leik-
skólar eru lokaðir um miðjan júlí en
bæjarstjórnin í Garðabæ býður upp
á opinn leikskóla allan ársins hring.
Kostnaðurinn óverulegur
Er mikill kostnaður fólginn í því
að hafa leikskólann opinn allt árið?
„Hjá Garðabæ er kostnaður við að
hafa leikskóla opna allt árið óveru-
legur,“ segir Guðfinna.
„Það kemur meðal annars til af
því að hér fá allir sumarvinnu hjá
bænum sem eiga lögheimili í Garða-
bæ og sækja um slíkt starf að vori.
Störfin eru margvísleg og meðal
annars eru í boði störf á leikskólum
bæjarins. Leikskólastjórarnir velja
úr þeim hópi sem sækja um að vinna
á leikskólum. Þetta á við um ung-
menni frá 17 ára aldri og uppúr, 14-
16 ára eru í Vinnuskólanum.“
Foreldrarnir ráða því hvenær
fjölskyldan fer í frí
En eru sum börnin þá í leikskóla
allt árið?
„Leikskólarnir eru opnir allt árið.
En það er ætlast til þess að börnin
taki fjórar vikur í frí. En foreldr-
arnir ráða því hvenær það er.
Starfsfólkið skiptist á að fara í frí
og síðan fáum við afleysingafólk.
Það eru færri börn á hverjum
tíma afþví að þau fara ekki í frí á
sama tíma.“
Ég heyrði í formanni Félags leik-
skólakennara sem hafði áhyggjur af
því að til að halda leikskólum opnum
allt árið þyrfti ófaglært fólk til
vinnu, er það raunin?
„Í sumum tilvikum er þetta fólk
sem er í háskólanámi. Leik-
skólastjórarnir velja úr þeim sem
sækja um störf. En það er alltaf leik-
skólalærður kennari sem stýrir á
staðnum.
Það eru yfirleitt alltaf á leik-
skólum einhverjir leiðbeinendur. En
leikskólar landsins hafa eins marga
leikskólakennara og hægt er að fá.
Skipulagið er hjá deildarstjórum
og leikskólastjóranum.“
Ellefu leikskólar í Garðabæ
Hvað eru margir leikskólar í
Garðabæ?
„Leikskólarnir í Garðabæ eru ell-
efu talsins. Síðan eru fimm ára deild-
ir bæði í Flataskóla og í barnaskóla
Hjallastefnunnar og í Alþjóðaskól-
anum, það er einkarekinn skóli sem
starfræktur er í Sjálandsskóla og
þar er kennt á ensku.
Þeir eru allir opnir allan ársins
hring nema fimm ára deildirnar,“
segir Guðfinna.
Ekkert mál að hafa
leikskóla opna allt
árið í Garðabæ
 Kostnaður óverulegur  Valið úr
hópi sumarstarfsmanna 17 ára og eldri
Bæjarból Í Garðabæ eru ellefu leik-
skólar, auk fimm ára deilda.
Agnes Bragadóttir
agnes@nbl.is
Gunnar Ármannsson lögfræðingur,
sem var í forsvari fyrir félagið
MCPB ehf. sem áformar að reisa
einkarekinn spítala í Mosfellsbæ,
hefur sagt sig frá verkefninu ásamt
Unnari Steini Hjaltasyni sem er for-
stjóri VHE vélaverkstæðis. Gunnar
segir ástæðuna vera ágreining við
hollenska fjárfestinn Henri Middel-
dorp um hvenær birta ætti upplýs-
ingar um þá erlendu fjárfesta sem
Middeldorp segir standa á bak við
verkefnið. Gunnar og Unnar Steinn
vildu að upplýsingarnar yrðu birtar
þegar í stað.
„Við sögðum okkur formlega úr
félaginu MCPB ehf. með tilkynningu
á þriðjudagsmorgun,“ sagði Gunnar
í samtali við Morgunblaðið í gær.
Gunnar segir að eiginlega hafi
þessi ákvörðun hans og Unnars
Steins legið í loftinu frá því að nei-
kvæð umfjöllun um fyrirhugað
einkasjúkrahús hófst.
Kæmi engum við
„Í lok þeirrar viku fórum við að
ræða það við Henri Middeldorp, í
ljósi þeirrar neikvæðu umræðu sem
hafði þá staðið í nokkra daga, að okk-
ur fyndist eðlilegt að upplýsa um það
hverjir væru erlendu fjárfestarnir,
en Henri tók það ekki í mál og sagði
að engum kæmi það við, að svo
stöddu. Upplýsingar um hverjir
væru fjárfestarnir yrðu opinberar,
þegar sótt yrði um ívilnanir, en þá er
lögum samkvæmt skylt að upplýsa
um fjárfestana,“ sagði Gunnar.
Hann bendir á að allir landsmenn
hafi skoðun á heilbrigðiskerfinu.
„Það er nógu erfitt að koma svona
stórum áformum eins og því að hér
verði reistur einkaspítali á framfæri
og því alls engin ástæða til þess að
gefa höggstað á sér, með því að sá
fræjum tortryggni. Við vorum að
reyna að skýra fyrir Henri að við
teldum enga ástæðu til þess að halda
þessum upplýsingum leyndum, en án
árangurs,“ sagði Gunnar. Hann seg-
ir að lögum samkvææmt sé hægt að
sækja um ákveðnar ívilnanir, ef
verkefni eru af tiltekinni stærðar-
gráðu, bæði hvað varðar fjárfestingu
og starfsmenn. Þetta verkefni sé tví-
mælalaust af þeirri stærðargráðu og
því geti þeir sem ætla að ráðast í
byggingu sjúkrahússins sótt um
helmingsafslátt af fasteignagjöldum
og tryggingagjaldi og að tekju-
skattsprósentan verði 15%, auk þess
sem veittir væru afslættir af tollum
af aðföngum.
Verulega ströng skilyrði
„Það eru verulega ströng skilyrði
sett fyrir slíkum ívilnunum og bók-
staflega þarf að upplýsa um allt sem
tengist verkefninu, þar með talið
hverjir eru fjárfestar þess. Við telj-
um að það sé mjög gott að þessar
ströngu kröfur um upplýsingar séu
gerðar, því þannig er hægt að eyða
tortryggni,“ sagði Gunnar.
Hann telur að þótt hann og Unnar
Steinn hafi dregið sig út úr verkefn-
inu sé engan bilbug að finna á
Middeldorp. „Hann er búinn að full-
yrða það við okkur og aðra að verk-
efnið sé fullfjármagnað. Ég hef að
svo stöddu enga ástæðu til þess að
rengja það,“ sagði Gunnar.
Haraldur Sverrisson, bæjarstjóri í
Mosfellsbæ, sagði í samtali við
Morgunblaðið í gær að ákvörðun
Gunnars og Unnars Steins hefði
engin áhrif á þann samning sem
Mosfellsbær og MCPB hafa gert.
„Samkomulagið sem við gerðum
við félagið er með miklum fyrirvör-
um, m.a. um það að þeir þurfa að
skila inn upplýsingum um fjárfesta
og það eru ákveðnar tímasetningar í
samkomulaginu um það. Svo kemur
það bara í ljós hvort þeir geta staðið
við það eða ekki.
Hins vegar finnst mér slæmt að
þeir Gunnar og Unnar Steinn séu
farnir frá verkefninu,“ sagði Harald-
ur.
Ágreiningur um
birtingu upplýsinga
 Sagði engum koma við hverjir erlendu fjárfestarnir væru
Morgunblaðið/Eggert
Mosfellsbær Samningur Mosfellsbæjar við MCPB inniheldur ströng skil-
yrði um upplýsingagjöf, m.a. um það hverjir hinir erlendu fjárfestar eru.
Gunnar
Ármannsson
Haraldur
Sverrisson
Íslenska landsliðinu hefur gengið vel á
Norðurlandamótinu í hestaíþróttum
sem haldið er í Biri í Noregi. Eitt gull
er komið í hús, en úrslit mótsins fara
fram í dag og á morgun, sunnudag.
Teitur Árnason vann gæðingaskeiðið á
hestinum Tuma frá Borgarhóli, en
þeir eru einnig ríkjandi heimsmeist-
arar greininni. Þetta er í fyrsta skipti
sem keppt er einnig í gæðingakeppni á
Norðurlandamótinu, en hingað til hef-
ur það eingöngu verið íþróttakeppni.
Páli Braga Hólmarssyni, liðsstjóra ís-
lenska landsliðsins, líst vel á það fyr-
irkomulag að keppt sé í báðum grein-
um.
Allir íslensku knaparnir komust í
úrslit í gæðingakeppninni, en þeim
hefur einnig gengið vel í íþróttakeppn-
inni. „Þetta hefur gengið mjög vel. Við
erum í góðri stöðu og það eru sóknar-
færi á öllum sviðum,“ segir Páll Bragi.
Hann lætur mjög vel af mótssvæðinu,
sem hann segir til fyrirmyndar. „Það
er ekki yfir neinu að kvarta nema
kannski veðrinu, það mætti vera
betra, en það er búið að rigna frekar
mikið.“
Eftir forkeppni ungmenna í
gæðingakeppni er efstur Sálmur frá
Ytra Skörðugili og Ylfa Guðrún
Svafarsdóttir. Erlingur Erlingsson og
Herjólfur frá Ragnheiðarstöðum eru
efstir eftir forkeppni í fjórgangi, en
þeir hlutu 7,37 í einkunn.
thorunn@mbl.is
Ljósmynd/Ásta Friðrika Björnsdóttir
Hestar Íslenska landsliðinu hefur gengið vel á Norðurlandamótinu í hesta-
íþróttum sem haldið er í Biri í Noregi. Riðið er til úrslita í dag og á morgun.
Eitt gull og sóknar-
færi á öllum sviðum
 Gott gengi á Norðurlandamótinu