Dagblaðið Vísir - DV - 24.03.2015, Qupperneq 3

Vikublað 24.–26. mars 2015 Fréttir 3
„Ekki gúgla mig“
É
g skil að það þurfti að leita að
mér þegar ég var unglingur,
en núna er þetta mjög slæmt
fyrir mig,“ segir karlmaður á
fertugsaldri sem hefur haft
samband við Google og óskað þess
að leitarniðurstöður um hann verði
fjarlægðar.
DV hefur fjallað ítarlega um mál
sem þessi á undanförnum vikum,
en ástæðurnar fyrir því að fólk vilji
láta leitarsíðuna Google fjarlægja
hlekki sem tengjast þeim eru mis-
jafnar. Flestir vilja þó rétta af staf-
rænt mannorð sitt sem þeir telja að
hafi beðið hnekki vegna umfjöllun-
ar um þá á fréttasíðum, spjallsíð-
um og almennt á netinu. Maðurinn
er svo sannarlega ekki einn um það
að vilja „hverfa“ af vefnum og hefur
DV rætt við fjölmarga sem telja sig
hljóta skaða af því þegar nafn þeirra
er slegið inn á leitarvélar. Fólk á rétt
á því að hverfa af netinu samkvæmt
niðurstöðu Evrópudómstólsins og
hafa 180 Íslendingar beðið netris-
ann Google um að fjarlægja 603
hlekki úr niðurstöðum leitarvélar-
innar. 183 hlekkir hafa verið fjar-
lægðir, alls 34,5 prósent.
Einn dómur og strok
„Þetta tengist kannski fyrst og fremst
einum dómi sem ég hlaut sem ung-
lingur, sem er nú til dæmis horfinn
af sakaskránni minni en það er enn
hægt að finna umfjöllun um hann á
netinu og auðvitað á timarit.is,“ seg-
ir hann og bætir því við að hann hafi
sem unglingur strokið að heiman,
úr fóstri og frá meðferðarheimilum.
„Með tilheyrandi auglýsingum þar
sem lýst var eftir mér,“ segir hann.
Aðspurður segir hann að málið
hafi hamlað atvinnuleit þótt hann
sé núna í fullu starfi ásamt námi.
„Þetta var vesen, en ég ákvað svo að
vera bara hreinskilinn með þetta.
Láta vita að ég væri í alvöru breyttur
maður. Fæstir þurfa að útskýra að
þeir séu ekki lengur unglingar, en
ég þurfti þess,“ segir hann. „Fyrir
vikið er ég með mjög langan lista af
meðmælendum, þegar flestir setja
kannski tvo á ferilskrána sína. Ég er
með átta.
Ég hef litið á þetta sem tækifæri,“
segir hann og hlær þótt honum finn-
ist málið mjög alvarlegt. „Maðurinn
sem kemur með atvinnuumsókn og
segir: „Ekki gúgla mig“ er fyrir vikið
mjög eftirminnilegur. Ég fæ tækifæri
til að segja frá sjálfum mér strax og
gefa af mér – það virkaði að minnsta
kosti hvað varðar vinnuna sem ég er
í núna.“ n
Dómur sem er horfinn af sakaskrá finnst enn auðveldlega á netinu„Þetta var vesen,
en ég ákvað svo
að vera bara hreinskilinn
með þetta.
Ásta Sigrún Magnúsdóttir
astasigrun@dv.is
Vörn í sókn
Maðurinn vill
rétta af stafrænt
mannorð sitt, en
segist hafa verið
nauðbeygður til
þess að snúa vörn
í sókn og biðja fólk
einfaldlega um að
gúgla sig ekki.
Fæst í apótekum, heilsubúðum, Krónunni og Celsus, Ægisíðu 121
Algjört orku- og næringarskot
„ Með því að taka Lifestream Spirulina og AstaZan
eykst krafturinn yfir daginn í vinnunni og æfingar
seinni part dags eru ekkert mál. Vöðvarnir eru
fljótari að ná sér eftir æfingar. Það að taka auka
Spirulina sem er lífrænt fjölvítamín, fyrir leik
er algjört orku- og næringarskot. Spirulina er
líka frábær vörn gegn kvefi og flensum.“
Steinunn Erla Sigurgeirsdóttir
leikskólakennari og landsliðskona í íshokkí.
lífræn bætiefni fyrir alla - heilsa til framtíðar
TREYSTI Á
LIFESTREAM
BÆTIEFNIN!
Apótek, heilsubúðir, Krónan, Hagkaup, Viðir, N ttó og Fríhöfnin.
Bragðið er betra
með Hellmann’s