Dagblaðið Vísir - DV - 24.03.2015, Síða 13

Vikublað 24.–26. mars 2015 Fréttir 13
„Ég trúi því að
við finnum þær“
Forsetakosningar í Nígeríu fara fram um næstu helgi en enn bólar ekkert á týndu skólastelpunum
f
orseti Nígeríu, Goodluck
Jonathan, segist vona að
níger ísk stjórnvöld nái yfir­
ráðum á þeim svæðum sem
hryðjuverkasamtökin Boko
Haram hafa lagt undir sig. „Þeir
verða veikari með hverjum deginum
sem líður,“ sagði Jonathan við BBC.
Forsetakosningar fara fram í Nígeríu
á laugardag. Þær áttu að fara fram í
febrúar, en var frestað vegna árása
Boko Haram. Jonathan og stjórn­
völd hans hafa setið undir harðri
gagnrýni fyrir að taka ekki harðar á
samtökunum miklu fyrr en raun bar
vitni og viðurkennir hann í viðtalinu
að það hafi tekið of langan tíma að
bregðast við ofbeldisverkum sam­
takanna, betur hefði farið ef undir­
tökunum hefði verið náð í upphafi.
Kosningarnar verða að líkindum
sögulegar fari svo að forsetanum og
stjórnarliðum takist að ná tökum
á Boko Haram. Mótframbjóðandi
hans, Muhammadu Buhari, hefur
sagt að valdaseta Jonathans og sam­
herja hans hafi verið skelfileg fyrir
ríkið.
Trúir að stúlkurnar finnist
Átökin við Boko Haram hafa staðið
yfir frá 2012 og mannfallið hefur ver­
ið mikið. Að undanförnu hefur níger­
íski herinn notið aðstoðar nágranna­
ríkjanna Níger, Kamerún og Tsjad
og hafa hernaðaraðgerðirnar skil­
að talsverðum árangri; það er fjöldi
þorpa og bæja hefur verið endur­
heimtur og samtökin hrakin þaðan.
Á fimmtudag tókst Boko Haram
þó að hrifsa aftur til sín bæinn Ngala
og féllu ellefu í átökunum. Bráðum
verður liðið ár frá því að 219 skóla­
stúlkum var rænt frá bænum Chi­
bok í Nígeríu, en enn hefur ekki tek­
ist að finna stúlkurnar og koma þeim
til síns heima. Um þær segir Jonath­
an að hann trúi því að þær séu á lífi.
„Við höfum ekki séð látnar stúlkur.
Það eru góðu fréttirnar. Ég trúi því
að þær lifi, ég trúi því að við finnum
þær.“
Ekki meira en mánuður
Fram til þessa hefur Goodluck
Jonathan ekki viljað viðurkenna að
stjórn hans hafi gert mistök þegar
kom að því að meta hættuna af Boko
Haram. Hann hefur, sem áður sagði,
setið undir mikilli gagnrýni bæði
heima í Nígeríu og frá ráðamönnum
í öðrum ríkjum vegna málsins. Ljóst
er að Boko Haram­samtökin eru
orðin rótgróið vandamál sem ekki
er auðvelt að uppræta. Hluti þeirra
sem voru áður í Boko Haram hefur
fallið í átökunum en aðrir hafa flutt
sig um set, farið til annarra ríkja eða
flutt sig aftur inn í þorp og reynt að
blandast samfélaginu að nýju. „Ég
hef alla trú á því að það taki ekki
meira en mánuð að endurheimta
þau svæði sem tímabundið hafa fall­
ið í hendur Boko Haram. Við héldum
ekki að Boko Haram myndu verða
svona stórtæk. Við vanmátum stöð­
una og áhrif þeirra,“ segir Jonath­
an sem viðurkennir að Nígería hafi
heldur ekki haft vopn til að takast á
við samtökin. n
Samtökin Boko Haram hafa verið bendluð
við al-Kaída-samtökin, en fyrir skemmstu
lýstu þau yfir hollustu við ISIS, íslömsku
bókstafstrúarsamtökin.
Um er að ræða hryðjuverkasamtök her-
skárra múslima sem vilja stofna íslamskt
Nígeríuríki. Það hafa meðlimir samtakanna
gert með því að skipuleggja aftökur,
sprengjuárásir og nú mannrán. Þúsundir
hafa fallið í aðgerðum þessara hryðju-
verkasamtaka. Ætlun samtakanna er að
steypa núverandi stjórnvöldum í Nígeríu af
stóli og koma á íslömskum bókstafslögum
og reglum.
Samtökin og Nígería komust í brenni-
depil í apríl í fyrra þegar samtökin rændu
rúmlega tvö hundruð skólastúlkum sem
gengu í kristinn skóla. Lítið hefur spurst til
stúlknanna frá því að þær voru teknar en
nokkrar þeirra gátu flúið. Aðrar hafa ekki
fundist.
Nígerísk stjórnvöld hafa gert ótal til-
raunir til þess að koma uppljóstrurum og
njósnurum fyrir innan raða samtakanna
en það hefur nærri undantekningarlaust
mistekist. Það veldur því að erfitt reynist
að átta sig á samtökunum, kortleggja þau
og leysa þau upp.
Boko Haram
„Við höfum ekki
séð látnar stúlkur.
Það eru góðu fréttirnar.
Ég trúi því að þær lifi, ég
trúi því að við finnum þær.
Damasak Nígerískir hermenn halda hér á
fána Boko Haram-samtakanna sem gerður
var upptækur þegar að stjórnarliðar náðu
aftur tökum á bænum Damasak. MynD REuTERs
Goodluck
Jonathan Forseti
Nígeríu viðurkennir
að mistök hafi ver-
ið gerð í baráttunni
við Boko Haram.
Ásta sigrún Magnúsdóttir
astasigrun@dv.is
Er skipulagið í lagi...?
Lausnir fyrir heimili og fyrirtæki
Brettarekkar
Gey
mslu
- og
dekk
jahi
llur
Mikil burðargeta
Einfalt í uppsetningu
KÍKTU VIÐ Á WWW.ISOLD.IS OPIÐ 08:00 - 17:00
Nethyl 3-3a - 110 Reykjavík
Sími 53 53 600 - Fax 567 3609