Dagblaðið Vísir - DV - 21.04.2015, Qupperneq 27

Vikublað 21.–23. apríl 2015 Lífsstíll 27
S
igurveig Káradóttir er konan
á bak við Matarkistuna, sem
er sannkölluð vin sælkera í
miðbæ Reykjavíkur.
Það er alltaf notalegt að
koma í Matarkistuna, annaðhvort
til að fá sér súpu í hádegi með góð­
um vinum eða til að kaupa bakkelsi
fyrir síðdegisboð. Síðan Matarkistan
var opnuð í fyrra hefur úrvalið auk­
ist jafnt og þétt og nú má þar finna
sultur, pestó og ýmislegt í krukkum,
bakkelsi, brauð og auðvitað hinar
sívinsælu makkarónur. Sigurveig
framleiðir vinsæla hafraklatta, og
hefur gert síðan 2008, en í fyrra opn­
aði hún litlu verslunina og veitinga­
staðinn í Bergstaðastrætinu rétt ofan
við Laugaveg.
Hádegissúpurnar hennar Sigur­
veigar eru alveg lausar við dýraafurð­
ir (vegan) og einfaldleikinn er í fyrir­
rúmi. „Flestar súpurnar eru mjög
einfaldar. Mér leiðast flóknar upp­
skriftir og nota oft bara 1–2 krydd,
stundum ekkert,“ segir Sigurveig, en
hún er lærð í franskri matargerð.
„Ég baka það sem mig langar
þann daginn og leysi alls kyns verk­
efni í sambandi við mat, veislur og
annað sem kemur inn á borð til
mín. Þetta er eins og að elda fyrir
aðeins stærra heimili. Ég er líka
með mikið af fastakúnnum sem
búa hérna miðsvæðis, fólk borðar
hér eða tekur súpuna með sér heim
í kvöldmatinn.“
Við báðum Sigurveigu að deila
uppskrift að súpu.
Rauðrófusúpa fyrir 4–5
Hlutföllin eru ekkert heilög, en
nauðsynlegt er að nota plasthanska
þegar rauðrófurnar eru skrældar því
liturinn getur verið ansi sterkur.
n 2–3 msk. ólífuolía
n 200 g laukur
n 100 g sellerí
n 100 g gulrætur
n 1 1/2–2 l vatn/grænmetiskraftur
n 1.000 g rauðrófur
n 3–4 lárviðarlauf
n sjávarsalt
n hvítur pipar
Laukur, gulrætur og sellerí skorið
fremur smátt og sett í pott ásamt
ólífuolíu og ögn af sjávarsalti. Haft
á meðalhita þar til grænmetið hef­
ur linast ögn. Rauðrófurnar skorn­
ar í bita og þeim bætt í pottinn. Þá
er grænmetiskraftinum bætt við.
Það á að vera nægilegt vatn/kraft­
ur til að fljóti yfir grænmetið. Lár­
viðarlaufum bætt saman við ásamt
örlitlu sjávarsalti og hvítum pipar.
Látið krauma þar til grænmetið er
orðið vel soðið. Þá eru lárviðarlaufin
veidd úr og súpan maukuð. Að lok­
um er súpan smökkuð til með salti
og pipar eftir þörfum. n
MatarkiStan
hennar Sigurveigar
n Súpur, brauðmeti, kruðerí og gúmmilaði n einfaldleikinn er bestur
Gómsætt og gamaldags Innréttingar Matarkistunnar eru notalegar, passlega hráar og
gamaldags.
Sigurveig
Káradóttir
Konan á bak við
Matarkistuna.
MyndiR SiGtRyGGuR ARi
Ragnheiður Eiríksdóttir
ragga@dv.is
„Þetta er eins
og að elda fyrir
aðeins stærra heimili
Sími 568-5556 www.skeifan.is
Föst sölulaun
Sölulaun eigna
yfir 60 milljónum
aðeins 1% með vsk
upp að 60 milljónum
299.900.- með vsk
VANTAR – VANTAR
Vegna mikillar sölu vantar
allar stærðir eigna á skrá.
Eysteinn Sigurðsson
Löggiltur fasteignasali / Sími: 896-6000
eysteinn@skeifan.is / skeifan.is
Magnús Hilmarsson
Sölumaður / Sími: 896-6003
magnus@skeifan.is / skeifan.is
Sigurður Hjaltested
Löggiltur fasteignasali / Sími: 821-5400
sigurdur@skeifan.is / skeifan.is