Dagblaðið Vísir - DV - 12.06.2015, Síða 14

Helgarblað 12.–15. júní 201514 Fréttir
É
g fann það strax að þetta var
ekki gott nám,“ segir Grét­
ar Guðbjörnsson, sem lauk
námi í Háskólagátt Bifrastar
á tveimur árum en fékk svo
ekki inngöngu í Háskóla Íslands
eins og hugur hans stefndi að.
Hann segir að skólayfirvöld hafi
margítrekað við sig að gráðan
ætti að duga til þess að hann fengi
inngöngu í HÍ. Forstöðumaður
Háskólagáttarinnar segist telja að
stofnunin upplýsi nemendur um
hvaða réttindi námið veitir og hafi
alltaf gert. DV fjallaði um sam­
bærilegt mál árið 2013.
„Ég fann það strax að þetta
var ekki gott nám“
„Ég taldi að um sambærilegt nám
væri að ræða og Háskólagáttin
á Bifröst var með hagstæðasta
verðið,“ segir Grétar Guðbjörns­
son um af hverju hann hafi val­
ið Bifröst fram yfir aðra valkosti
eins og Frumgreinanám hjá HR
og Háskólabrú Keilis. „Þetta var
illa skipulagt og mér fannst skorta
á fagmennsku. Til dæmis fór ég í
lokapróf í stærðfræði þar sem ég
mátti hafa öll gögnin með, bæk­
ur, glósur, reiknuð lokapróf og að­
gang að interneti. Þetta var því
eiginlega próf í copy/paste,“ sagði
Grétar.
Að lokinni fyrstu önninni
reyndi hann að skipta yfir í HR
en var of seinn til og ákvað því að
klára námið. „Það var aðallega af
því að ég taldi að með þetta próf­
skírteini í vasanum kæmist ég
inn í HÍ. Það var alltaf markmið­
ið og það var margítrekað við mig
þegar ég var að leita mér upplýs­
inga um námið að gráðan myndi
opna dyrnar að HÍ,“ segir Grétar.
Það reyndust vera falsvonir. „Mér
var synjað um inngöngu og ein­
faldlega bent á Frumgreinanám­
ið hjá HR. Það var talsvert sjokk
en ég ákvað einfaldlega að bíta í
skjaldarrendur og skrá mig í það
nám,“ segir Grétar. Þegar hér var
komið sögu skuldaði hann 1,6
milljónir í námslán og með gagns­
laust prófskírteini í vasanum.
Himinn og haf milli HR og
Bifrastar
„Ég get ekki líkt náminu við HR
og Bifröst saman. Það er einfald­
lega himinn og haf þar á milli,“
segir Grétar. Hann setti kraft í
námið, útskrifaðist núna í vor og
ákvað að hann væri búinn að fá
nóg af íslensku menntakerfi í bili.
„Þetta er einfaldlega reiknidæmi
sem gengur ekki upp. Í dag sit ég
uppi með 3 milljóna króna skuld
hjá LÍN og þarf að velja mér há­
skólanám. Ef ég ætla að taka það
hérlendis þá fæ ég 130 þúsund á
mánuði í lán frá LÍN og meirihluti
af þeirri upphæð fer í húsnæð­
iskostnað. Ef ég klára háskóla­
nám hér get ég gert ráð fyrir því
að skulda 14–16 milljónir. Ef mér
endist ævin til þess að greiða lán­
ið upp þá má ég búast við því
að hafa greitt 65–80 milljónir til
baka.
Íslendingar fá greitt fyrir
nám í Danmörku
Grétar hefur því sótt um háskóla­
nám í Danmörku og hyggst flytja
út núna í júlí. „Þar fá Íslendingar
svokallaðan SU­styrk til háskóla­
náms en ekki lán. Hver náms­
maður fær 5.000 danskar krón­
ur á mánuði til framfærslu en á
móti er sú krafa að viðkomandi
leggi til dansks samfélags með
því að vinna launaða vinnu í 10–
12 klukkustundir á viku. Fyrir
utan áðurnefndan styrk fær mað­
ur því launin ofan á hann og því
er allt annað umhverfi sem nem­
endur í Danmörku búa við held­
ur en nemendur hérlendis. Í raun
og veru vita allt of fáir íslenskir
nemendur af þessum SU­styrk,“
segir Grétar.
Þarft 100 einingar í fram-
haldsskóla að auki fyrir HÍ
„Kröfurnar eru mismunandi
hjá íslensku háskólunum,“ segir
Hulda I. Rafnarsdóttir, forstöðu­
maður Háskólagáttarinnar á Bif­
röst. „Hjá Bifröst er gerð krafa um
að þú ljúkir háskólagáttinni, eða
sambærilegu námi, ef viðkom­
andi er ekki með stúdentspróf.
Háskóli Íslands er svo með mis­
munandi kröfur um undanfara að
viðbættu náminu úr Háskólagátt,
til þess að nemendur fái undan­
þágu um inngöngu. Þú þarft að
hafa lokið að minnsta kosti 100
einingum í framhaldsskóla, auk
Háskólagáttarinnar. Að auki er
hver deild fyrir sig með mismun­
andi kröfur um hversu margar af
þessum einingum þurfa að vera
í íslensku, ensku, stærðfræði og
svo framvegis. Aðrar deildir, eins
og til dæmis læknadeildin, veita
síðan engar undanþágur,“ segir
Hulda.
Nemendur bera fyrst og
fremst ábyrgð á eigin námi
Aðspurð hvort allir nemendur
séu meðvitaðir um að Háskóla­
gáttin sé ekki lykill að öllu há­
skólanámi og hvort að þeir séu
sérstaklega upplýstir um það
segir Hulda: „Það tel ég okkur
gera og hafa alltaf gert. Nemend­
ur bera fyrst og fremst ábyrgð á
eigin námi og eigin námsfram­
vindu. Við hömrum á því í gegn­
um allt námið að þeir séu með­
vitaðir um hvar þeir séu staddir
og hvert þeir stefna.“
Að sögn Huldu uppfyllir Há­
skólagátt Bifrastar allar kröf­
ur aðalnámskrár og námið er
viðurkennt af menntamálaráðu­
neytinu. „Við erum með mis­
munandi námsmöt, stundum
eru lokaverkefni eða próf. Í þeim
er mismunandi hvaða gögn eru
leyfð. Í sumum má bara taka með
sér tölvu eða blýant, stundum
eru glósur leyfðar. Svo geta ver­
ið gagnapróf þar sem allt er leyfi­
legt, þar sem við leggjum áherslu
á að nemendur séu að leysa verk­
efni sem eru sambærileg þeim
sem þau eru að gera úti á vinnu­
markaðnum, í hinu daglega lífi.
Þau próf eru yfirleitt mikið þyngri
en þau gagnalausu,“ segir Hulda.
Hulda segir að um 70–80% nem­
enda Háskólagáttar Bifrastar
haldi áfram háskólanámi sínu við
skólann. Aðrir nemendur sækja
einna helst í Háskólann á Akur­
eyri en Bifröst er í góðu samstarfi
við Háskólann í Reykjavík. n
Betra blóðflæði
betri heilsa með SuperBeets rauðrófu kristal
Fæst í flestum apótekum og heilsubúðum - S: 896 6949
w
w
w
.s
u
p
er
b
ee
ts
.is
-
v
it
ex
.is
Betra blóðflæði
betri heilsa með SuperBeets rauðrófu kristal
Superbeets Nitric Oxide allt að 5 sinnum öflugra
1. dós superbeets jafngildir 30 flöskum af 500 ml rauðrófusafa
Nitric Oxide
Nóbelsverðlaun 1998
Sameind ársins 1992
Uppgötvun á Nitric Oxide
var upphafið á framleiðslu
rislyfja
Eftir fertugt
framleiðir líkaminn
50% minna Nitric Oxide
Fæst í flestum apótekum og heilsubúðum
Upplýsingar í síma
896 6949 og www.vitex.is
Fæst í flestum apótekum og heilsubúðum
NÝTT
w
w
w
.z
en
b
ev
.is
-
U
m
b
o
ð
: v
it
ex
e
h
f
Betri og dýpri
svefn
Engin eftirköst eða ávanabinding
Melatónin
Upplýsingar í síma 896 6949 og www.vitex.is
úr graskersfræjum
ZenBev - náttúrulegt Triptófan
Vísindaleg sönnun á virkni
sjá vitex.is
Tvær bragðtegundir
sítrónu og súkkulaði
Melatónín er talið minnka líkur
á blöðruhálskirtilskrabbameini
sjá vitex.is
Breyting nítrats úr fæðu í Nitric Oxide
byrjar í munni, þess vegna er
SuperBeets tekið inn í vökvaformi,
en ekki töfluformi.
Nitric Oxide
Superbeets
allt að
5 sinnum öflugri
1. dós superbeets
jafngildir
30 flöskum af 500 ml
rauðrófusafa
Íslensk vottun á virkni NO3
Sýni rannsóknarstofa - Nýsköpunarmiðstöð Íslands
Eftir fertugt framleiðir líkaminn 50% minna Nitric Oxide. SUPERBEETS örvar
Nitri c Oxide framleiðslu strax. Bætt blóðflæði og aukin súrefnisupptaka hefur jákvæð
áhrif á alla starfsemi líkamans, þ.m.t. hjarta og æðakerfi.
ATH: Breyting nítrats úr fæðu í Nitric Oxide. (NO) byrjar í munni, þess vegna er
SuperBeets tekið inn í vökvaformi, en ekki töfluformi.
„Alltaf markmiðið að fara í HÍ“
n Komst ekki inn í HÍ eftir nám við Háskólagátt Bifrastar n Segir skólann hafa fullyrt annað
Björn Þorfinnsson
bjornth@dv.is
Hulda I. Rafnarsdóttir, forstöðu-
maður Háskólagáttar Bifrastar
„Nemendur bera fyrst og fremst ábyrgð
á eigin námi og eigin námsframvindu. Við
hömrum á því í gegnum allt námið að þeir
séu meðvitaðir um hvar þeir séu staddir og
hvert þeir stefna.“
Skjáskot af vef Háskólagáttar
Grétar Guðbjörnsson Komst ekki inn í HÍ
eftir að hafa lokið Háskólagáttinni á Bifröst.
Hann er ósáttur við upplýsingagjöf skólans um
þau réttindi sem námið myndi veita.