Dagblaðið Vísir - DV - 12.06.2015, Page 24

Helgarblað 12.–15. júní 2015
Heimilisfang
Kringlan 4-12
6. hæð
103 Reykjavík
fréttaskot
512 70 70fr jál s t, ó Háð dag b l að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
aðalnúmer
ritstjórn
áskriftarsími
auglýsingar
sandkorn
24 Umræða
Útgáfufélag: DV ehf. • Stjórnarformaður og útgefandi: Björn Ingi Hrafnsson • Ritstjórar: Eggert Skúlason og Kolbrún Bergþórsdóttir
Viðskiptaritstjóri: Hörður Ægisson • Fréttastjórar: Baldur Guðmundsson og Einar Þór Sigurðsson • Umsjónarmaður innblaðs: Sólrún Lilja Ragnarsdóttir
Framkvæmdastjóri : Steinn Kári Ragnarsson • Umbrot: DV ehf. • Prentun: Landsprent • Dreifing: Árvakur
Návígið mikla
Uppnám er í réttarkerfinu vegna
óskar Ólafs Ólafssonar um endur-
upptöku Al-Thani-málsins. Þrír
í nefndinni hafa lýst sig vanhæfa
og hæfi eins varamannsins hefur
verið dregið í efa.
Má furðu sæta að fulltrúar í
svo mikilvægri nefnd tengist all-
ir ákæruvaldinu með beinum
hætti. Ingibjörg Kristjánsdóttir,
eiginkona Ólafs, segir á Face-
book að málið sýni hversu sam-
ofið íslenskt samfélag er. „Það er
einfaldlega of lítið og nátengt til
að halda uppi jafn mikilvægum
málaflokk og dómskerfið er. Fyrir
einstaklinga sem ríkið lögsæk-
ir þá eru það grundvallarmann-
réttindi að dómarar séu hlutlaus-
ir og séu á engan hátt tengdir,
hvorki persónulega né faglega,
inn í viðkomandi mál. Í svona
litlu samfélagi er mjög erfitt að
finna einstaklinga sem krepp-
an hefur ekki snortið á einhvern
hátt,“ segir hún. Ingibjörg telur
að horfa þurfi út fyrir klíkurnar. „Í
mínum huga er ljóst að við þurf-
um einfaldlega að leita út fyrir
landsteinana til að finna einstak-
linga sem eru hæfir til að dæma í
þessum málum.“
„Yfirburðamenn“ og
Svavar Gestsson
Sjaldgæf samstaða virðist vera
um það í íslensku samfélagi að
vel hafi tekist til þegar stjórnvöld
kynntu áætlun
sína um losun
fjármagnshafta í
vikunni. Sú niður-
staða sem hefur
náðst í það mál
var hins vegar
ekki sjálfgefin,
eins og ýmsir talsmenn stjórnar-
andstöðunnar vilja láta, heldur er
afrakstur þrotlausrar vinnu ráð-
gjafa stjórnvalda á undanförn-
um misserum. Á engan er hallað
þótt þar séu sérstaklega nefnd-
ir til sögunnar Benedikt Gísla-
son, Sigurður Hannesson og Ásgeir
Helgi Reykfjörð Gylfason, sem spil-
uðu lykilhlutverk við að útbúa
þá haftaáætlun sem var kynnt
í Hörpu síðastliðinn mánudag.
Fjármálaráðherra hefur látið þau
orð falla, í tilefni gagnrýni sem
kom fram fyrr á þessu ári um að
þeir kæmu allir frá MP banka, að
þeir væru allir „yfirburðamenn á
sínu sviði“.
Vinnubrögð stjórnvalda í
þessu gríðarlega flókna hags-
munamáli Íslands eru til eftir-
breytni. Því var hins vegar öðru-
vísi farið þegar Steingrímur J.
Sigfússon, þáverandi fjármálaráð-
herra, taldi það þjóna hagsmun-
um Íslands að leita til félaga síns,
Svavars Gestssonar, um að gerast
aðalsamningamaður stjórnvalda
í Icesave-deilunni. Sú ákvörðun
skilaði sér í „glæsilegri niður-
stöðu“ sem þýddi að íslenska
ríkið hefði gengist við ólögmæt-
um kröfum Breta og Hollendinga
sem hefði kostað þjóðarbúið
meira en 200 milljarða í erlend-
um gjaldeyri.
F
ram undan er stór helgi fyr-
ir íslenskt samfélag. Okkar
flottasta fólk leikur mikilvæga
kappleiki í dag og um helgina, á
alþjóðlegum vettvangi. Fyrst ríður á
vaðið A-landslið karla í knattspyrnu
og mætir Tékkum í Laugardalnum.
Þar er tekist á um efsta sætið í riðl-
inum, þegar undankeppni EM er að
verða hálfnuð. Frammistaða lands-
liðsins hefur verið aðdáunarverð og
vakið athygli langt út fyrir landstein-
ana. Ríflega 300 þúsund manna
smáþjóð er að standa uppi í hárinu
á stærstu þjóðum heims í vinsælu-
stu íþróttagrein í heiminum.
Auðvitað þurfum við að gæta
þess að ofmetnast ekki. En öldin er
klárlega önnur. Stöku leikur vannst á
Laugardalsvelli hér áður fyrr og þeir
sigrar veittu gleði og blésu manni
kapp í kinn. Nú leyfa menn sér að
segja fyrir hvern leik að krafan sé
sigur. Þar er ekki talað ógætilega.
Þessi krafa helst í hendur við árang-
ur og þá miklu fagmennsku sem nú
er í kringum landsliðið og raunar
landsliðin öll.
Á sunnudag spilar karlalands-
liðið í handbolta afar mikilvægan
leik og getur með jafntefli eða sigri
tryggt sér sæti í lokakeppni EM í Pól-
landi á næsta ári. Að sama skapi er
krafan skýr og ekki ósanngjörn. Sig-
ur í Laugardalshöll. Kvennalands-
liðið í handbolta er í erfiðri en ekki
útilokaðri stöðu um að komast í
lokakeppni á HM, en þarf að vinna
upp stórt tap úr fyrri leiknum við
andstæðinga sína, sem eru Svart-
fellingar.
Körfuboltalandsliðið okkar í
karlaflokki tryggði sér farseðilinn á
lokamót EM sem fram fer í Berlín
í haust. Þessi staða sem hér er lýst
að ofan er með hreinum ólíkind-
um og ber þessari þjóð öflugt vitni.
Það er ljóst að íslenska afreksfólkið
er á heimsmælikvarða á ótal mörg-
um sviðum.
Stundum er rétt að taka sér frí
frá athugasemdakerfum fjölmiðla
og gleðjast yfir því sem vel er gert
og njóta þess árangurs sem okkar
flottasta fólk hefur náð.
Einn kappleikur er ótalinn í
þessari upptalningu. Ísland lagði
hrægammasjóðina að velli og komst
þar með inn úr kuldanum, eins og
breska dagblaðið The Independent
sagði í umfjöllun sinni í fyrradag.
Það þurfti stjórnmálamenn sem
stóðu í ístöðunum og beygðu sig
ekki undan pusinu. Aðdáunarvert
hefur einnig verið að fylgjast með
hvernig íslenskir stjórnmálaflokk-
ar fylkja sér um þennan málstað
þjóðarinnar sem væntanlega kem-
ur okkur á nýjan leik í hóp þjóða í
fremstu röð á sviði hagsældar.
Íslendingar eiga að taka sér
stjórnmálamenn til fyrirmyndar um
helgina og fylkja sér á bak við strák-
ana og stelpurnar okkar. Með sam-
stöðu og hvatningu aukast líkur á
góðum árangri. n
G
eir H. Haarde blessaði Ísland
í frægri ræðu í sjónvarpssal
þann 6. október árið 2008.
Í ræðunni lýsti hann þeim
efnahagserfiðleikum sem Ísland
stóð frammi fyrir. Sama dag lagði
hann fram frumvarp að neyðarlög-
um á Alþingi. Atburðarásin sem eft-
ir fylgdi var ævintýraleg. Á Austur-
velli loguðu eldar. Uppreisn fólksins
og bylting. Á þessum miklu um-
brotatímum í sögu þjóðarinnar tók
Sigmundur Davíð Gunnlaugsson
við sem formaður Framsóknar-
flokksins.
Framsókn er flokkur heimilanna
Eftir að Geir H. Haarde baðst lausn-
ar fyrir sig og ráðuneyti sitt 26. jan-
úar 2009 mynduðu vinstri flokkarnir
minnihlutastjórn sem tók við völd-
um sex dögum síðar, þann 1. febr-
úar, og varði Framsóknarflokkurinn
hana vantrausti. Framsókn setti
fram þrjú skilyrði fyrir því að verja
ríkisstjórnina falli. Þau voru að efna
til stjórnlagaþings síðsumars 2009,
að boðað yrði til þingkosninga í síð-
asta lagi 25. apríl 2009 og síðast en
ekki síst að ráðist verði í miklar að-
gerðir til hjálpar heimilum og fyrir-
tækjum í landinu. Síðasta loforðið
sveik vinstri stjórnin. Skjaldborginni
var slegið upp í kringum fjármála-
fyrirtækin, ekki heimilin. Íslenskum
heimilum blæddi á meðan. Hleg-
ið var að tillögum Framsóknar um
20% niðurfærslu stökkbreyttra hús-
næðislána. Fyrirtækin réru lífróður
og fólk missti vinnuna. Kaupmátt-
arskerðingin var gríðarleg og eignir
brunnu upp. Það má ekki gleyma því
að sumir þessara aðila hafa aldrei
beðið þess bætur.
Þrennan
Vinstri stjórnin vildi samþykkja
Icesave-samningana sem hefðu
orðið til þess að núverandi og
næstu kynslóðir Íslendinga tækju
á sig gríðarlegar fjárhagslegar
byrðar í erlendum gjaldeyri sem
þjóðarbúið réð engan veginn við.
Framsókn barðist gegn því og
hafði sigur. Það var svo sannar-
lega kosið til þings að nýju vor-
ið 2013 og þá vann Framsókn
kosningasigur. Sigmundur Dav-
íð Gunnlaugsson hefur leitt rík-
isstjórnina sl. tvö ár með góðum
árangri. Húsnæðislán heimil-
anna hafa verið leiðrétt og nú
liggur fyrir áætlun um losun
hafta. Forystumenn Samfylk-
ingarinnar létu hafa eftir sér að
þeir teldu nánast ómögulegt að
afnema höftin án upptöku evru.
Svo er ekki. Sú áætlun sem nú
liggur fyrir er vel unnin og flest-
ir sem hafa tjáð sig um hana hafa
lýst ánægju sinni og telja hana
betri en menn þorðu að vona.
Lækka skuldir ríkissjóðs
Ríkir almannahagsmunir liggja
að baki afnámsáætlun stjórn-
valda en hún byggist á gagnsæi
og viðurkenndri aðferðafræði.
Lausnin byggist á jafnræði, virð-
ir lög og alþjóðlegar skuld-
bindingar. Hún stuðlar jafn-
framt að því að gengi krónunnar
endurspegli raunhagkerfið eftir
losun hafta. Í dag er ríkissjóður
að greiða um 80 milljarða í vexti
á ári en með þessari aðgerð gæti
vaxtagreiðsla ríkisins lækkað um
ca 35 til 40 milljarða sem sam-
svarar um 75% af rekstrarkostn-
aði Landspítalans.
Haftaafnámsferlið er grund-
vallað á hagsmunum heimilanna
og fyrirtækja enda er það skil-
yrði aðgerðanna að raunhagkerf-
ið taki ekki út frekari aðlögun en
þegar er orðin. Svigrúmið er til
staðar og það verður nýtt til að
greiða niður skuldir ríkissjóðs,
öllum landsmönnum til heilla.
Nánari upplýsingar um afnám
hafta má finna á vef fjármála-
ráðuneytisins. n
Okkar flottasta fólk
Fólk er
þreytt á því
Andrea Ágústa Aðalsteinsdóttir segir ákveðna þreytu komna í krúttið. – DV
Það er mjög
jákvætt
Ég fékk að
vera með
Valdimar Thorlacius skjalfesti heim einbúa. – DV
Silja Dögg Gunnarsdóttir
Páll Jóhann Pálsson
Þingmenn Framsóknarflokksins
Kjallari
Vel gert!
Leiðari
Eggert Skúlason
eggert@dv.is
„Stundum er rétt
að taka sér frí frá
athugasemdakerfum
fjölmiðla og gleðjast yfir
því sem vel er gert
Allur þorri Íslendinga tók á sig verulegan skell vegna gengisfalls
íslensku krónunnar og kaupmáttarskerðingar í framhaldi
Þróun nafngengis ISK frá 2000-2015. Vísitala með grunn í júní 2000.
Heimild: Seðlabanki Íslands
-51,8%
Sigmundur Davíð Gunnlaugsson segir kröfuhafa reiðubúna að ljúka nauðasamningum. – DV