Dagblaðið Vísir - DV - 25.06.2015, Side 18

18 Fréttir Helgarblað 25.–29. júní 2015
Vorveiðin þokkaleg
n Vitað um þrjá tuttugu pundara n Smálaxinn farinn að veiðast
L
axveiðisumar er að hefjast.
Í mörgum ám er veiði þegar
hafin, en árnar á Norðvestur­
landi eru nú opnaðar hver á
fætur annarri. Mikill snjór
á hálendinu gerir að verkum að
margar ár eru vatnsmiklar og kald­
ar. Þrír tuttugu pundarar á fyrstu
vikum veiðitímans fá menn til
verða bjartsýnir á stórlaxinn. Smá­
laxinn lítur vel út og er byrjaður að
láta sjá sig.
Í Norðurá er veiðin komin í
um 130 fiska og eru fiskar að veið­
ast frá Glanna og niður úr. Mik­
ið líf er í Stekknum og ljóst að fisk­
ur er að ganga. Þannig lofar staðan
í Norðurá góðu um framhaldið. Í
Miðfjarðará byrjuðu menn að veiða
viku fyrr en undanfarin ár. Rafn
Alfreðsson leigutaki sagði í sam­
tali við DV í gær að vorveiðin væri
þokkaleg. „Við erum búnir að landa
nokkrum smálöxum og þeir eru
virkilega flottir og í góðu standi.“
Fyrsti stórlax sumarsins kom á land
úr Miðfjarðará í síðustu viku og
vó hann 11,5 kíló og mældist 102
sentimetrar. Breskur veiðimaður
setti í fiskinn í Grjóthyl á fluguna
Kolskegg. Stefán Kristjánsson, eig­
andi verslunarinnar Kröflu, hann­
aði fluguna Kolskegg og á hann
ekki langt að sækja það en faðir
hans var landsþekktur hönnuður
og fluguhnýtari, Kristján Gíslason.
Fleiri tuttugu pundarar
Sagt hefur verið frá fleiri metfiskum.
Þannig veiddist tuttugu punda fisk­
ur á Árbótarsvæðinu í Laxá í Aðaldal
og er góðs viti að efri svæði árinn­
ar séu farin að skila fiski. Vefmið­
illinn votnogveidi.is greindi frá því
að Sverrir Þór Skaftason hefði veitt
fiskinn í Höskuldarvík. Sverrir var
á urriðaveiðum og með tíu punda
taum og stöng fyrir línu fimm. Tók
baráttan um klukkustund og land­
aði Sverrir 102 sentimetra laxi. Mik­
ið líf er neðan við Æðarfossa og hef­
ur veiði þar verið ágæt.
Þriðji stórlaxinn sem upplýst
hefur verið um veiddist í Vatns­
dalsá í vikunni. Sá náði reynd­
ar ekki 100 sentimetra markinu
en var vigtaður; 10,5 kíló. Björn K.
Rúnarsson, leiðsögumaður í Vatns­
dalsá, veiddi laxinn í Forsetahyl og
tók hann fluguna Frigga. Björn seg­
ir mikið vatn í ánni og mikla snjó­
bráð. „Þetta er svona vorveiði eins
og maður man eftir. Vatnið grátt og
kalt og því erfitt að átta sig hversu
mikið af fiski er gengið.“ n
Eggert Skúlason
eggert@dv.is
Tuttugu pundari Björn K. Rúnars-
son með stórlaxinn sem tók Frigga
í Forsetahyl. 97 sentimetrar en vó
10,5 kíló. Ummál 52 sentimetrar.
Glæsilegt eintak Hann er
fallegur vorlaxinn. Þessi mældist
86 sentimetrar og tók Collie dog-
flottúpu í Fleðu í Miðfjarðará.
„Vatnið
grátt
og kalt og því
erfitt að átta sig
hversu mikið af
fiski er gengið