Dagblaðið Vísir - DV - 25.06.2015, Síða 35

Umræða Stjórnmál 35Helgarblað 25.–29. júní 2015
H
ar
ðp
ar
ke
t
Þýsk gæði!
Ármúli 32, 108 Reykjavík
Sími 568 1888
www.parketoggolf.is
mun þýða miklu minni mengun,
miklu minni orkunotkun, að maður
segi ekki orkusóun, miklu meira ör-
yggi, því að mannleg mistök verða úr
sögunni – þetta verður skynsamlegri
heimur hvernig sem á það er litið.
Og leiðindin maður!
En mikið djöfull verður þetta leiðin-
legt maður! Það verður þá ekki leng-
ur hægt að setjast upp í bíl, við stýr-
ið, virða fyrir sér mælaborðið, horfa
fram yfir húddið, setja lykil í svissinn,
starta og finna og heyra vélina byrja
að mala, gefa inn og finna titringinn
og heyra kraftmikið urrið – ekkert
af þessu verður mögulegt, nema
þá í einhverjum sýndarveruleika
– kannski svona hermi. Þá verður
heldur ekki hægt að setja í gír, stíga
á bensínið og fara af stað. Það verður
ekki hægt að láta sig líða um vegina,
með aðra hönd á stýri, gefa í þegar
það hentar, skjótast hingað og þang-
að, njóta ferðarinnar og þess sem
ber fyrir augu á meðan, upplifa það
frelsi að geta beint bílnum þangað
sem manni hentar, upplifað kraftinn
frá vélinni, fundið landslagið þjóta
hjá. Ekki verður hægt fara til útlanda
til að keyra á hraðbrautum, eða líða
um afskekkta hliðarvegi, ekki hægt
að skipta niður og gefa í upp brekkur,
finna kraftinn eins og þegar flugvél
tekur á loft – þetta verður allt búið.
Allt þetta mun fólk í framtíðinni
fara á mis við. Það verður dæmt til
að sitja hlutlaust inni í farartæki og
bíða, syfjulegt í framan eða hlutlaust
á svip, eins og í þotu í þokudumb-
ungi um nótt, hátt yfir heimshöfum;
bílferðir verða eins og eilíft hangs
í lyftu, og ekkert sem gleður nema
lyftutónlistin.
Söknuður og öfund
Menn munu auðvitað laumast til að
ræða af söknuði um þessa tíma, þótt
opinbera og samþykkta yfirskoðun-
in, og kennd í öllum skólum, verði
að sjálfsögðu sú að þetta hafi verið
hörmungartímar, þegar mannkynið
í æði og græðgi var næstum búin
að brenna utan af sér andrúms-
loftið, eyðileggja jörðina í heimsku
og djöful gangi. En menn munu nú
samt hittast og ræða hvort það hafi
verið skemmtilegra að keyra bein-
skipta bíla eða sjálfskipta; sumum
finnst það ekki vera neinn akstur ef
maður kúplar ekki og skiptir með
gírstöng, sjálfur myndi ég halda fram
hlut sjálfskiptu bílanna, á þannig
miðilsfundi; sjálfskiptingunni er vel
hægt að stjórna, ef maður gefur allt í
botn og vélin er sæmilega kraftmikil,
þá skiptir hann sér niður um eitt-tvö
eða þrjú þrep á augnabliki, og er á
augabragði horfinn úr augsýn sam-
ferðafólks á veginum.
Það verður jagast um hvaða þjóð-
ir bjuggu til bestu bílana. Það verð-
ur horft á bresku Top Gear-þættina,
en náungarnir þar hafa mikla for-
dóma gagnvart amerísku bílunum.
Svo munu heyrast sjónarmið eins og
þau sem faðir minn sálugi aðhylltist,
en hann taldi að einu alvöru bílarn-
ir væru annaðhvort amerískir eða
þýskir, eða að minnsta kosti evrópsk-
ir, allt annað væru bara eftirlíkingar.
Sjálfur er ég í þeim minnihluta sem
aðhyllist amerísku bílana. En meðal
okkar aðdáenda amerískra bíla eru
líka flokkadrættir og deildar mein-
ingar, þannig er það alltaf í smá-
flokkum og sértrúarsöfnuðum; vinir
mínir Óli Gunn og Steini í Svissinum,
ferðafélagar af Route 66, eru harðir
talsmenn General-Motors bílanna
(Cadillac, Buick, Pontiac, Chevrolet,
o.s.frv.) en sjálfur styð ég Chrysler
og þeirra merki, ekki síst Dodge (við
sem svona hugsum erum vestanhafs
kallaðir „Mopar-menn“).
En núna er ég kominn fram úr
sjálfum mér. Það er óþarfi að fyllast
söknuði strax. En sanniði til, innan
skamms verður næstum ómögu-
legt að fá að upplifa þá tilfinningu
að keyra bíl. Nema kannski með
því að fá að stjórna svona tuk-tuk
nokkra hringi. Og það rafmagns
tuk-tuk. Sem segir ekki einu sinni
„tuk-tuk“! n
Cadillac „Aldrei yrðu búnir til glæsilegri og fullkomnari gripir en þessar vængjuðu risakerrur!“
Gamli GluGGinn úr
nýi GluGGinn í
svo einfalt
er það!
súðarvoGur 3-5, reykjavík
GluGGaGerdin@GluGGaGerdin.is
s: 5666630 / GluGGaGerdin.is