Dagblaðið Vísir - DV - 08.09.2015, Blaðsíða 51

Afmælisblað 8. september 20152 40 ára
Dagblaðið
verður til
D
agblaðamarkaðurinn hefur
tekið umskiptum undan-
farinn hálfan annan áratug
með framsókn hvers kyns
rafrænna nýmiðla. Áður
fyrr skiptust blöðin annars vegar í
morgunblöð og hins vegar síðdegis-
blöð. Lífseigasta síðdegisblaðið var
Vísir, sem var stofnað árið 1910.
Vísir og Blaðaprent
Þegar komið var fram á sjöunda
áratug síðustu aldar var rekstrar-
vandi Vísis orðinn illviðráðanlegur.
Um mitt ár 1968 hillti þó undir
breytingu til batnaðar er Sveinn
R. Eyjólfsson gerðist hluthafi í út-
gáfufélagi blaðsins og tók við fram-
kvæmdastjórn þess, en Sveinn hafði
áður verið yfirmaður markaðsmála
hjá olíufélaginu Skeljungi.
Sveinn réðst í mikla uppstokkun á
rekstrinum, daglegum útgáfutíma var
flýtt um tvær klukkustundir sem jók
mjög sölu blaðsins og mannaskipti
urðu, jafnt á ritstjórn sem í Reykja-
prenti sem prentaði blaðið. Taprekstri
var snúið í hagnað og upplagið fór úr
10 þúsund eintökum í 18 þúsund á fá-
einum árum. Þá var ráðist í stofnun
Blaðaprents, sem varð sameiginleg
prentsmiðja Vísis, Alþýðublaðsins,
Tímans og Þjóðviljans.
Skjótur aðdragandi
Sumarið 1975 reis ágreiningur um
stefnu Vísis og þá einkum í landbún-
aðarmálum, en birst höfðu afar um-
deild skrif Jónasar Kristjáns sonar
ritstjóra um þau mál. Sveinn R.
Eyjólfsson vildi bera klæði á vopnin
meðal annars með ráðningu annars
ritstjóra sem var Þorsteinn Pálsson,
síðar forsætisráðherra. Allt kom
fyrir ekki og þeir urðu ofan á sem
vildu bola Jónasi burt.
Svo fór að Sveinn og Jónas réðust
í útgáfu nýs blaðs sem fékk nafnið
Dagblaðið, en sú útgáfa átti sér skjót-
an aðdraganda. Þar var tekin mikil
áhætta, en Sveinn hafði reiknað út
að þeir ættu að geta lifað þetta af
ef blaðið kæmi strax út í 15 þúsund
eintökum og þeir næðu smáauglýs-
ingamarkaðnum. Raunar var gengið
skrefinu lengra og frá upphafi komu
út 25 þúsund eintök og upplagið fór
aldrei niður fyrir þá tölu, en náði
hæst 28 þúsund eintökum.
Undirbúningur að stofnun Dag-
blaðsins fór fram á heimili Jónasar
Kristjánssonar ritstjóra að Fornu-
strönd á Seltjarnarnesi. Eftir vinnu-
dag á Vísi komu þangað þeir starfs-
menn sem hugðust taka þátt í
stofnun nýs blaðs. Það voru Aðal-
steinn Ingólfsson, Ásgeir Tómasson,
Ásgrímur Pálsson, Atli Steinarsson,
Bjarnleifur Bjarnleifsson, Björgvin
Pálsson, Bolli Héðinsson, Erna V.
Ingólfsdóttir, Hallur Hallsson, Hall-
ur Símonarson, Haukur Helgason,
Helgi Pétursson, Jóhannes Reykdal,
Jón Sævar Baldvinsson og Ómar
Valdimarsson.
Þjóðin tók blaðinu fagnandi
Hlutafélagið Dagblaðið hf. var
stofnað sunnudaginn 7. sept-
ember 1975 að Síðumúla 12. Til-
gangur félagsins væri að gefa út
frjálst dagblað, óháð stjórnmála-
flokkum og hagsmunaöflum.
Fyrsta tölublað hins nýja Dag-
blaðs kom út degi síðar. Í sam-
þykktum félagsins var kveðið á
um að almenningi yrði gefinn
kostur á að kaupa eitt þúsund
króna hlutabréf í félaginu. Fleira
var nýstárlegt hjá Dagblað-
inu, því að minnsta kosta einn
stjórnar manna þess skyldi vera
úr hópi þeirra starfsmanna sem
væru hluthafar. Í þriggja manna
stjórn hins nýja útgáfufélags voru
kjörnir Björn Þórhallsson við-
skiptafræðingur, Jónas Kristjáns-
son ritstjóri og Sveinn R. Eyjólfs-
son framkvæmdastjóri.
Upphaflega átti DV að vera eðli-
legt framhald Vísis; „hinn sanni og
rétti Vísir“, eins og Jónas Kristjáns-
son orðar það en segir svo: „Þegar
til átti að taka, vorum við búnir
að hanna alveg nýtt blað, frjálst af
gamla Vísi. Það réð úrslitum um
velgengni blaðsins. Það sló í gegn
frá fyrsta degi. Þjóðin tók þessu nýja
blaði fagnandi. Þjóðin taldi sig með
þeim efnisþáttum hafa fengið að-
gang að eigin fjölmiðli. Þetta var
sameinað afrek allra þeirra, sem
tóku þátt í undirbúningsfundunum
á Fornuströnd.“ n
„Þar var tekin mikil
áhætta, en Sveinn
hafði reiknað út að þeir
ættu að geta lifað þetta
af ef blaðið kæmi strax
út í 15 þúsund eintökum
og þeir næðu smá­
auglýsingamarkaðnum.
Fyrsta tölublaðið
Jónas Kristjánsson
ritstjóri og Sveinn R.
Eyjólfsson fram-
kvæmdastjóri virða
fyrir sér fyrsta tölublað
Dagblaðsins í prent-
smiðju Blaðaprents.
Þjóðin tók blaðinu fagnandi Örtröð myndaðist í Austurstræti fyrsta daginn sem
Dagblaðið kom út. Hér má sjá æsta lesendur umhverfis Óla blaðasala.