Skagfirðingabók - 01.01.2012, Side 56

SKAGFIRÐINGABÓK
17:00 efndi Sjálfstæðisflokkurinn til
héraðsmóts í Melsgili. Jón á Reynistað
setti mótið en Bjarni Benediktsson
utanríkisráðherra, séra Gunnar Gísla­
son í Glaumbæ og Björn Jósefsson
læknir fluttu ræður. Guðmundur
Jóns son óperusöngvari söng við undir­
leik Fritz Weishappels og Brynjólfur
Jóhannesson leikari las upp og söng
gamanvísur „við miklar undirtektir“
segir í Morgunblaðinu. Í för með föður
mínum var Sigríður Björnsdóttir
móðir mín, og Guðrún (f. 1946) systir
mín, sem man vel eftir að hafa heim­
sótt mig í þetta eina skipti á Reyni­
stað. Við ókum öll saman til Reykja­
víkur eftir héraðsmótið.
Í tengslum við héraðsmótið voru
stofn uð Samtök ungra sjálfstæðis­
manna í Skagafirði undir formennsku
Haralds Árnasonar, búnaðarráðunauts
á Sjávaraborg. Með honum í stjórn var
meðal annarra kjörinn Sigurður Ell­
erts son í Holtsmúla, næsta bæ fyrir
sunnan Reynistað, Sigurður á Reyni­
stað var kjörinn í varastjórn.
Skrifleg staðfesting er á því að ég
var á Reynistað sumarið 1952 því að
til er bréf sem ég skrifaði móður minn i
13. júlí 1953 þar sem ég læt þess getið
að mér hafi verið falið að reka kýrnar
eins og „í fyrra“, þá hafi þær verið 20
en séu 22 sumarið 1953. Þá sé einnig
„kominn nýr strákur“ í sveitina, Gunn­
ar, en þar nefni ég Gunnar Bents son
Scheving­Thorsteinsson, síð ar skip­
stjóra hjá Eimskipafélagi Íslands.
Gunnar var skipstjóri á Tungufossi
þegar hann fórst í aftakaveðri við
suðurströnd Englands 19. september
56
Vatnslitamynd Magnúsar Jónssonar af Reynistað frá því um 1930.
Frummyndin er á Reynistað.