Skagfirðingabók - 01.01.2012, Side 57

Í SVEIT Á REYNISTAÐ
1981. Breskar björgunarsveitir drýgðu
mikla hetjudáð þegar þær björguðu
11 manna áhöfn skipsins á giftusam­
legan hátt. Gunnar og Hallur Helga­
son 3. vélstjóri kvöddust með handa­
bandi þegar Hallur stökk í sjóinn þar
sem þeir stóðu tveir síðastir um borð í
skipinu. „Þegar við Gunnar kvödd­
umst var skipið á hliðinni og helming­
urinn sokkinn. Ég prílaði aftur á,
hent i mér í sjóinn og reyndi að drusla
mér um borð í björgunarskipið, en þá
maraði okkar skip í kafi. Þá var eins og
Gunnar gengi á sjónum í 13 metra
ölduhæð með þyrluna yfir sér en ég
hafði ekki taugar til að fylgjast með
björgun hans,“ sagði Hallur síðar.1
Við Gunnar vorum grunlausir um
hvað framtíðin bæri í skauti sér þegar
við rákum kýrnar á Reynistað þetta
sumar, og ég lauk bréfi mínu með því
að biðja móður mína að senda mér „5
frímerki 1 kr. 25 aura, með mynd af
Sveini Björnssyni“. Víst er að við nut­
um mikils öryggis á Reynistað hjá
þeim Jóni og Sigrúnu, Sigurði og
Guð rúnu sem höfðu um árabil stóran
hóp barna og unglinga hjá sér. Í minn­
ingargrein um Sigrúnu á Reynistað
komst Jóhann Salberg Guðmundsson
sýslumaður svo að orði:
Þá er rétt að geta þess, að löngum
dvöldu mörg börn ýmissa ættingja og
vina þeirra hjóna á Reynistað á sumr­
um og nokkur þeirra sumrum saman,
57
Á Reynistað laust fyrir 1960. Sigurður Samúel Sigurðsson situr á Blakk en hægra megin
Hallur Sigurðsson á Stjarna Guðrúnar húsfreyju og ber í Bæjardyraþilið.Til vinstri stend­
ur Björn Bjarnason og er að leggja aktygin á dráttarhestinn Skjóna við hesthússtafninn.
Eig.: Jón Sigurðsson.
1 http://www.mbl.is/greinasafn/grein/626777/