Skagfirðingabók - 01.01.2012, Síða 71

Í SVEIT Á REYNISTAÐ
þess að sökkva ekki í eldri hjólför,
enda festust vagnarnir stund um. Yfir
ána var farið á tveimur þægilegum
vöðum rétt norðan við bæjarhólinn, lá
annað í norður en hitt í austur.
Fyrir nokkrum árum hringdi séra
Baldur Vilhelmsson í mig frá Vatns­
firði. Hann á frændur á Reynistað og
kom þangað stundum. Erindi hans var
að spyrja hvort ég ætti nokkrar ljós­
myndir af hestvögnunum á Reynistað.
Því miður á ég þær ekki. Ég átti
mynda vél á þessum árum og hef vafa­
laust tekið eitthvað af myndum í
sveit inni en ég geng ekki að þeim og
ekki er líklegt að mér hafi komið til
hugar að taka mynd af hestvagni,
vagn arnir voru of sjálfsagður þáttur í
sumarlífinu á Reynistað til að manni
þætti þeir eitthvert myndaefni.
Öll árin sem ég var á Reynistað voru
hestvagnar notaðir, en vélvæðingin
ruddi sér einnig rúms. Árið 1955 kom
Unimog á bæinn en áður höfðu
dráttar vélar komið til sögunnar. Ég
man eftir gráum Massey­Ferguson og
Deutz, ég held að hann hafi ekki
reyns t vel. Mesta byltingin varð með
Unimognum því að þá kom bíll á
staðinn með yfirbyggðu húsi. Bílinn
mátti nota til landbúnaðarstarfa og til
að skreppa til Sauðárkróks, Hóla í
Hjaltadal eða á hestamannamót á
Valla bökkum.
Unimog er skammstöfun á þýsku
orðunum: UNIversal­MOtor­Gerät –
alhliða vélbúið tæki – en tækið kom
til sögunnar eftir síðari heims­
styrjöldina til notkunar við land­
búnað. Bíllinn átti að nýtast bændum
71
Unimoginn kom í Reynistað 1955 og stendur hér við fjóshlöðuna fyrir blásaranum. Sjá
má inni í baggagati hlöðunnar gufuna sem leggur upp úr heyinu. Uppi á Klausturbrekk­
unni til vinstri sést bygging frá refabúinu sem rekið var á Reynistað á árunum 1933 –
1941. Húsið hrundi að mestu í jarðskjálftanum 1963. Eig.: Jón Sigurðsson.