Skagfirðingabók - 01.01.2012, Síða 77

Í SVEIT Á REYNISTAÐ
Vorum við þar niðri frá til klukkan
eitt um nóttina en samt drápust 5
lömb úr kulda.
Mýrarnar sem þarna er getið eru við
beitarhús sem voru austan við Slýið
svonefnda. Það var farartálmi áður en
það var ræst fram með stórum skurði,
en yfir hann lá brú sem hræddi suma
hesta þegar yfir hana var farið, til
dæmi s á vögnum. Í sama bréfi segi ég:
Á sunnudaginn eftir að ég kom fór ég
með Sigurði yfir í Djúpadal að sækja
merar, var veðrið mjög vont. Við
lögðum af stað klukkan eitt um dag­
inn og komum aftur klukkan tvö um
nóttina eftir vonda ferð. Við ætluðum
að sækja tíu merar en sóttum ekki
nema átta vegna þess hversu veðrið
var vont og folöldin undan þessum
tveimur merum lítil. En næsta sunnu­
dag fór ég aftur í Djúpadal og sótti
þessar merar, var Nonni [Jón sonur
Sigurðar og Guðrúnar] með mér. Var
veðrið gott og gekk ferðin vel. Mætt­
um við Kristjáni bílstjóra með Guð­
mundi Í. og Helga Sæm. í bílnum en
þeir höfðu verið á fundi á Sauðárkróki
og talaði ég svolítið við Kristján.
Djúpidalur er í Blönduhlíð og stendur
í mynni dals, sem gengur inn til aust­
urs sunnan við fjallið Glóðafeyki. Um
dalinn fellur Djúpadalsá eða Dalsá og
er í djúpu og allhrikalegu gili í dals­
mynninu. Hún hefur myndað víðáttu­
miklar eyrar á láglendinu sem eru nú
að gróa upp. Þar á eyrunum var
Haugs nesbardagi háður 1246. Við
fórum því um Varmahlíð og þaðan
yfir í Djúpadal, sóttum merarnar og
rákum þær heim að Reynistað eftir
Reynistaðarhjónin með börnum sínum 1959, Guðrún Steinsdóttir og Sigurður Jónsson
sem heldur á Helga. Framan við eru strákarnir Jón, Steinn og Hallur.
Ljósm.: Ragnar Borg.
77