Fréttatíminn - 15.01.2016, Blaðsíða 2

Peningarnir ættu að fara í að
veita örugga og opna land-
leið fyrir fólk sem vill sækja
um hæli í öðrum löndum, að
mati Láru Jónasdóttur hjá
Læknum án landamæra.
Svanhildur Gréta Kristjánsdóttir
svanhildur@frettatiminn.is
Lára Jónasdóttir, verkefnastjóri
Lækna án landamæra, gagnrýnir
hvernig fjárveiting Evrópusam-
bandsins til flóttamannamála nýt-
ist. Lára starfar á svæðum Serbíu
og Grikklands og segir ástandið
fara versnandi. Í lok síðasta árs
samdi Evrópusambandið við tyrk-
nesk stjórnvöld um að þau skyldu
draga úr flóttamannastraumnum
til Evrópu sem kemur að stærst-
um hluta til frá Tyrklandi.
Lára segir þetta ekki vera
lausn. „Fæstir flóttamenn vilja
búa í flóttamannabúðum eða vera
lokaðir inni í Tyrklandi þar sem
engin tækifæri eru. Við erum
stöðugt að fá til okkar yfirfulla
báta til Lesbos á Grikklandi. Þetta
fólk gefur ekki upp vonina um
betra líf. Það sér að glugginn til
Evrópu er að þrengjast og gerir
allt til þess að koma sér yfir. Þús-
undir manna deyja í bátsferðum
yfir Eyjahafið. Peningarnir ættu
að fara í að veita örugga og opna
landleið fyrir fólk sem vill sækja
um hæli í öðrum löndum.“
Með fjárveitingunni átti að bæta
skilyrði flóttafólks í landinu og
draga þannig úr vilja þeirra til að
sigla yfir Eyjahaf til Grikklands.
Skilyrðin eru að tyrknesk stjór-
nvöld herði landamæraeftirlit og
taki á smyglurum. Standi Tyrkir
við sitt fá þeir að ferðast innan
Schengen svæðisins án vegabréfs-
áritunar.
Bergsteinn Jónsson, fram-
kvæmdarstjóri Unicef á Íslandi,
segist upplifa ólíka hlið málsins.
„Okkar reynsla er sú að flótta-
menn vilja ekki flýja yfir hálfan
heiminn heldur halda sig nærri
heimkynnum til þess að eiga
meiri möguleika á snúa aftur
heim. Styrkurinn til
Tyrklands er mjög
þarfur og eðlilegur
að okkar mati.
Tyrkir hýsir flesta
flóttamenn frá Sýr-
landi innan sinna
landamæra og
hefur hingað til
þurft að bera
kostnaðinn af
því sjálfir.”
Tvær fylkingar innan
yfirstjórnar lögreglunnar
takast á um viðbrögð við
ástandinu.
Þóra Kristín Ásgeirsdóttir
tka@frettatiminn.is
Aldís Hilmarsdóttir, yfirmaður
fíkniefnalögreglunnar, stendur
tæpt eftir að tveir undirmenn henn-
ar hafa verið teknir til rannsóknar
vegna spillingarmála. Báðum hefur
verið vikið frá tímabundið þar til
niðurstaða fæst.
Karl Steinar Valsson, fyrrverandi
yfirmaður fíkniefnalögreglunnar,
skilaði yfirmönnum í lögreglunni
greinargerð í fyrra þar sem kemur
fram að engin ástæða sé til að van-
treysta lögreglufulltrúanum sem
tekinn var til formlegrar rannsókn-
ar hjá héraðssaksóknara í gær.
Haraldur Johannessen ríkislög-
reglustjóri segir stöðu fíkniefnalög-
reglunnar grafalvarlega. Hann seg-
ist hafa átt fund með Sigríði Björk
Guðjónsdóttur lögreglustjóra um
hvernig tekið verði á málinu. „Ég
ætla ekki að tjá mig um einstaka
starfsmenn en reikna með að Sig-
ríður Björk geri það,“ sagði hann í
samtali við Fréttatímann.
Sigríður Björk Guðjónsdóttir, lög-
reglustjóri á höfuðborgarsvæðinu,
vildi ekki tjá sig um málið. Líklegt
þykir að Aldís verði færð til í starfi
en samkvæmt heimildum Frétta-
tímans voru lögreglufulltrúinn og
Aldís nánir samstarfsmenn. Ekki er
þó einhugur innan yfirstjórnar lög-
reglunnar um málið. Sigríður Björk
og Alda Hrönn Jóhannsdóttur eru
sagðar vilja færa deildarstjórann til
en Jón H. B. Snorrason aðstoðarlög-
reglustjóri og Friðrik Smári Björg-
vinsson yfirlögregluþjónn ekki.
Karl Steinar hvítþvoði lögreglu-
fulltrúann
Átta núverandi og fyrrverandi lög-
reglumenn úr fíkniefnadeild fengu
fund með Ásgeiri Karlssyni, að-
stoðaryfirlögregluþjóni hjá ríkis-
lögreglustjóra, í fyrravor og lýstu
áhyggjum sínum af starfsháttum
lögreglufulltrúans, sem er rúmlega
fertugur og hefur starfað hjá emb-
ættinu áratugum saman. Það varð
til þess að málið var sent til ríkis-
saksóknara.
Þá hafði óánægjan fengið að
dafna lengi innan embættisins án
þess að tekið væri á henni með full-
nægjandi hætti. Fíkniefnalögregl-
unni var skipt upp fyrir nokkrum
árum, í upplýsinga- og rannsóknar-
deild. Viðkomandi lögreglufulltrúi
starfaði á báðum stöðum og var
því í lykilstöðu þegar kom að því
að ákveða hvaða mál væru tekin til
rannsóknar.
Ríkislögreglustjóri sagði á
fimmtudag að yfirmönnum lög-
reglunnar á höfuðborgarsvæðinu
væri skylt að greina fjölmiðlum frá
því hvað þeir gerðu í kjölfar þess að
Karl Steinar Valsson, fyrrverandi yf-
irmaður fíkniefnadeildarinnar, skil-
aði til þeirra greinargerð árið 2011
vegna ásakana á hendur lögreglu-
fulltrúanum. „Í þessari greinargerð
kemst Karl Steinar m.a. að þeirri
niðurstöðu að það sé ekkert sem
renni stoðum undir sögusagnir um
að lögreglufulltrúi sem um ræðir
fari ekki að reglum og fyrirmælum
og það sé alls engin ástæða til þess
að vantreysta honum í því starfi
sem hann gegndi þá og til skamms
tíma,“ segir Jón H. B. Snorrason.
Hann sagði auk þess við Fréttatím-
ann að ástandið innan lögreglunnar
sé vissulega alvarlegt og það sé og
verði vonandi einsdæmi að tveir
lögreglumenn úr sömu deildinni
séu til rannsóknar vegna spillingar.
Umhverfis-
vænt góðæri
Ef marka má fjölgun á Teslu bílum
í umferðinni mætti halda að nýtt
góðæri væri í uppsiglingu. Í þetta
sinn virðist fólk örlítið meðvitað-
ara um umhverfið og í stað þess
að kaupa Range Rover kaupum við
Teslur. Þá þarf enginn að skamm-
ast sín fyrir einkabílinn lengur.
42 Teslur eru nú í umferðinni
á Íslandi og liggja fleiri pant-
anir fyrir. Í mars verður hægt að
panta Model 3 af Teslu en það
er ódýrasta tegundin og kostar
um 5 milljónir króna. Teslan er
rafknúin og sjálfkeyrandi, ef hún
er nettengd.
Reykjavík og Árborg eru þau
sveitarfélög sem hafa hækkað
gjald á stökum sundmiða mest
af öllum sveitarfélögum frá því í
janúar í fyrra, Árborg um 50% og
Reykjavík um 38%. Þetta kemur
fram í verðlagskönnun ASÍ en hún
náði til 15 stærstu sveitarfélaganna
á landinu. Sundmiði í Reykjavík
og í Árborg kostar 900 krónur og
er það hæsta verðið á landinu. Öll
sveitarfélögin, nema Seltjarnar-
neskaupstaður og Fljótdalshérað,
hafa hækkað gjaldið á stökum
miða en þar kostar miðinn 600
krónur. Ódýrast er í sund á Akra-
nesi þar sem stakur miði kostar
450 krónur.
Hvað segir mamma?
„Mér finnst
hann nú
kannski full
ungur en ég
treysti hon-
um í algjör-
lega í þetta,
honum og
konunni
hans. Og ég
held að börn-
in þeirra séu
alveg nógu
sterk til að
taka þátt í
þessu með
þeim. Ég veit
að það eru
mjög margir
sem hafa haft
samband við
hann en svo
veit ég líka að
það eru margir frambærilegir sem
eiga enn eftir að koma fram. Hann
er auðvitað ennþá að hugsa málið
en ég er mjög jákvæð. Ég og við
fjölskyldan öll treystum honum í
þetta.“
Lögreglan Staða fíkniefnalögreglunnar grafalvarleg
Yfirmaðurinn
líklega á útleið
Styrkur til Tyrkja nýtist illa
Lára Jónsdóttir vill bæta
landleiðina fyrir flóttamenn.
Ekki er einhugur innan yfir-
stjórnar lögreglunnar um
stöðu Aldísar Hilmarsdóttur.
Björgunarsveitarmenn í Skyggni
í Vogum vilja ekki vera ódýrt
vinnuafl fyrir bæjarfélagið. Þeir
hafa fengið styrk frá bæjarfélaginu
upp á tvær milljónir króna á ári, en
bærinn hefur fengið flugelda fyrir
átta hundruð þúsund í staðinn auk
þess sem björgunarsveitarmenn
hafa unnið hörðum höndum fyrir
sveitarfélagið.
Þá greiða þeir um tvö hundruð
þúsund krónur í fasteignagjöld til
bæjarins. Þeir ætla ekki að semja
við bæinn á sömu nótum heldur
leita annarra leiða til fjáröflunar.
„Við vorum að fá um 3000 til
4000 krónur fyrir hverja vinnu-
stund, en inni í því eru afnot af
tækjum okkar, kvöld- og helgar-
vinna björgunarsveitarmanna,
sem og vinna á stórhátíðum,“ segir
Kristinn Björgvinsson, formaður
björgunarsveitarinnar Skyggnis.
„Við erum hættir að gefa sveitar-
félaginu vinnu okkar. Þeir komast
ekki lengur upp með að borga
okkur minna en öðrum og kalla það
styrk. Við ætlum að halda áfram að
vera björgunarsveit en leita annarra
leiða til fjáröflunar.“ | tka
Ósáttir björgunarsveitarmenn
Kristinn Björgvinsson,
formaður björgunarsveitar-
innar Skyggnis.
Sundmiðinn hækkað
næstmest í Reykjavík
Kristín Björnsdótt-
ir, móðir Andra
Snæs Magnasonar,
um mögulegt
forsetaframboð
sonar síns.
2 | fréttatíminn | Helgin 15. janúar–17. janúar 2016