Fréttatíminn - 15.01.2016, Blaðsíða 14

Skráning á fundinn fer fram á landsvirkjun.is
OPINN FUNDUR Á GRAND HÓTEL
Miðvikudagur 20. janúar kl. 8:30-10:00
Morgunkaffi frá kl. 08:00
Ábyrgð Landsvirkjunar
Ragna Árnadóttir, aðstoðarforstjóri Landsvirkjunar
og fundarstjóri

Virkjanir og áhrif þeirra í Sogi og Laxá
Magnús Jóhannsson, fiskifræðingur og sviðsstjóri
á Veiðimálastofnun

Virkjun og fiskistofnar Blöndu
Sigurður Guðjónsson, fiskifræðingur og forstjóri
Veiðimálastofnunar

Áhrif Kárahnjúkavirkjunar á fiskistofna Lagarfljóts
og Jökulsár á Dal
Ingi Rúnar Jónsson, fiskifræðingur á Veiðimálastofnun

Þjórsár- og Tungnaársvæði, fiskistofnar og virkjanir
Benóný Jónsson, líffræðingur á Veiðimálastofnun

Að loknum erindum stýrir Guðni Guðbergsson, fiskifræðingur
og sviðsstjóri á Veiðimálastofnun, umræðum.
Fiskar og
vatnsaflsvirkjanir
Verið velkomin á opinn morgunverðarfund Landsvirkjunar sem er
haldinn í samstarfi við Veiðimálastofnun um áhrif vatnsaflsvirkjana
á fiskistofna. Kynntar verða rannsóknir Veiðimálastofnunar og rætt
um þann lærdóm sem við getum dregið af reynslunni. Fundinum
verður streymt beint á landsvirkjun.is.
Vill hjálpa Íslendingum við að hjálpa Sýrlendingum
Markmið hins nýstofnaða
félags Sýrlendinga á Íslandi
er að styrkja tengslin á milli
þjóðanna tveggja og aðstoða
alla þá Sýrlendinga sem
hingað koma.
„Við viljum hjálpa Íslendingum
við að hjálpa Sýrlendingum,“ segir
Yasar Ashari en hann er einn af
stofnfélögum hins nýstofnaða
félags Sýrlendinga á Íslandi. Hann
og systir hans Lina, ásamt Omar
Kalachini, taka á móti blaðamanni í
íbúð systkinanna.
„Við viljum borga Íslendingum
til baka. Íslendingar hafa gert svo
margt fyrir okkur,“ segir Omar
sem hefur verið hérna lengst af
stofnfélögunum og hefur íslenskan
ríkisborgarrétt. „Ég er búinn að
vera að bíða eftir svona manni eins
og Yasar. Hann er ekki bara lög-
fræðingur, sem er dýrmætt fyrir
samfélag Sýrlendinga á Íslandi,
heldur líka góður maður, algjör
himnasending. Við ætlum að gera
góða hluti saman í þessu félagi. Það
er svo margt sem við getum gert.“
Yasar bendir á að ýmislegt sé
hægt að gera til að auðvelda komu
og aðlögun flóttamanna. „Íslend-
ingar hafa tekið okkur vel en við
erum með ýmislegt í huga sem
mætti betur fara og sem við gæt-
um aðstoðað við. Okkur langar
að vinna í samstarfi við Rauða
krossinn og önnur samtök og ein-
staklinga sem hafa áhuga og okkur
langar að byrja um leið og við
finnum húsnæði undir félagið. Við
viljum nota félagið til að kynna
sýrlenska menningu, hvort sem
það er matur, bækur, myndir eða
hefðir. En svo erum við líka með
framtíðarmarkmið því við viljum
halda áfram að bæta samband
þessara tveggja ríkja þegar stríðinu
loks lýkur.“
The Iceland Syrian Friendship
Association er á Facebook. | hh
Yasar og Lina Ashari buðu
blaðamanni upp á arabískt
kaffi og hjónabandssælu.
14 | fréttatíminn | Helgin 15. janúar–17. janúar 2016
Samfélag Yasar Ashari stofnar nýtt félag Sýrlendinga á Íslandi