Læknablaðið - 01.01.2016, Blaðsíða 44

44 LÆKNAblaðið 2016/102
Tvær ungar konur í læknastétt stunda
læknisfræði, rannsóknir og síðast en
ekki síst danslist af miklu kappi. Þær
Guðrún María Jónsdóttir og Una Jó-
hannesdóttir gangast fúslega við því að
vera forfallnir swing- og lindyhop-dans-
arar og hafa ferðast um víða veröld til að
sinna þessu áhugamáli samhliða því að
ljúka læknanáminu, klára mastersgráður
og leggja drög að sérnámi. Allt styður
þetta þó hvað við annað nema hvað tím-
inn verður stundum naumur til að sinna
öllu og þá verður dansinn að gefa eftir,
því miður að þeirra sögn.
Guðrún María lauk læknanámi og mast-
ersgráðu samtímis fyrir þremur árum og
stefnir á sérnám í gjörgæslu- og svæfinga-
lækningum. Hún vinnur núna að rann-
sóknarverkefni sem snýst um rannsókn
á D-vítamínbúskap bráðveikra sjúklinga.
„Ýmsar rannsóknir hafa sýnt að D-vítamín
lækkar verulega í bráðum veikindum en
hvort það er til marks um D-vítamínskort
er ekki jafn skýrt. Vonandi mun þessi
rannsókn bæta einhverju við í þennan
þekkingarbrunn,“ segir Guðrún María.
Una er á kandídatsárinu sínu og vinnur
jafnframt að mastersverkefni þar sem hún
rannsakar faraldsfræði ífarandi stungu-
áverka á Landspítala undanfarin ár.
„Rannsóknin nær yfir síðustu 10 ár og það
kemur í ljós að tíðnin er í kringum 5 tilfelli
á ári. Þá er einnig athyglisvert að skoða
hvernig þessum sjúklingum farnast eftir
aðgerð og meðferð en árangurinn hér á
Landspítalanum er sambærilegur við það
besta sem þekkist erlendis þrátt fyrir að
spítalinn sé miklu minni og tilfellin marg-
falt færri.“ Þær telja ástæður þessa vera
að þrátt fyrir smæðina og fæðina hér séu
allir slíkir áverkar meðhöndlaðir af okkar
færustu og reyndustu sérfræðingum. „Á
stórum háskólasjúkrahúsum erlendis eru
það kannski reynsluminni deildarlæknar
sem sinna svona bráðatilfellum og árang-
urinn því ekki eins góður,“ segir Una.
Auðvelt að lokast inni í faginu
Það kann að skjóta skökku við að fara
svo hratt yfir sögu og beina samtalinu að
helsta áhugamáli þeirra beggja, dansinum,
en þær segja það í góðu lagi; dansinn
gegni einmitt því hlutverki í lífi þeirra að
kúpla sig frá læknisfræðinni, fá útrás og
umgangast annað fólk en lækna og lækna-
nema. „Það er mjög auðvelt að lokast inni
í faginu, tala ekki um annað, hugsa ekki
um annað og hitta enga aðra en kollegana,
en dansinn hefur opnað alveg nýja vídd
fyrir okkur, með fullt af skemmtilegu fólki
úr ýmsum starfsgreinum alls staðar að úr
heiminum, sem hefur engan áhuga á öðru
en að dansa og njóta sín.“
Una segist fyrst og fremst stunda
lindyhop og Guðrún María dansar West
Coast Swing en Una segist þó hallast í
átt að Balboa og blúsdansi síðastliðið ár.
Allt eru þetta að þeirra sögn greinar á
sama meiði danslistarinnar, swinginu
sem upprunnið er á þriðja áratug síðustu
aldar í Bandaríkjunum, skylt charleston,
og sprottið upp úr blús og bigbandtónlist
sama tímabils. „Síðan þróast þetta áfram
og rokkabillíið á sjötta áratugnum og
boogie woogíið á þeim sjöunda er svipað,
Góð hreyfing, algleymi og lífsgleði
– segja dansandi læknar
U M F J Ö L L U N O G G R E I N A R
■ ■ ■ Hávar Sigurjónsson
AKRANES • BORGARNES • BÚÐARDALUR • GRUNDARFJÖRÐUR • HÓLMAVÍK • HVAMMSTANGI • ÓLAFSVÍK • STYKKISHÓLMUR
SK
ES
SU
H
O
R
N
2
01
5
Íslenskir heilsugæslulæknar í öllum löndum
Heilbrigðisstofnun Vesturlands, heilsugæslusviðið á Akranesi auglýsir
eftir áhugasömum sérfræðingum í heimilislækningum til starfa
Stöðugleiki hefur verið í mönnun mörg undanfarin ár en tveir af núverandi læknum, þ.a.m.
yfirlæknir eru nú að láta af störfum fyrir aldurs sakir. Leitað er að öflugum eftirmönnum til að
byggja upp og efla fjölbreytilega þjónustu í samræmi við þarfir samfélagsins.
Framkvæmdastjórn skimar eftir áhugasömum, dugmiklum yfirlækni með staðgóða reynslu
sem reiðubúinn er að endurskoða flesta þætti þjónustunnar og fella í farveg í samræmi við
nútímaleg viðhorf og starfshætti.
Lögð er áhersla á frumkvæði, faglegan metnað og lipurð í samskiptum.
Framkvæmdastjórn lítur á það sem eftirsóknarverðan kost að ráða til sín tvo eða fleiri
sérfræðinga í heimilislækningum á þessum tímamótum sem unnið gætu sameiginlega að
áframhaldandi uppbyggingarstörfum og mótað nýja starfshætti á heilsugæslustöðinni á
Akranesi. Nánar má fræðast um starfsemi heilsugæslunnar a vefnum www.hve.is undir
flipanum Samantekt um heilsugæsluna.
Þá er einnig unnið að nýráðningum lækna á Snæfellsnesi, þ.e. í Stykkishólmi, Grundarfirði og
Ólafsvík en markmiðið er að efla sameiginlega heilsugæslu á Snæfellsnesi með stöðugildum
þriggja til fjögurra sérfræðinga í heimilislækningum.
Laun eru samkvæmt kjarasamningi Læknafélags Íslands og ríkisins. Umsókn skulu fylgja
ítarlegar upplýsingar um nám, starfsferil, rannsóknir og kennslustörf. Við ráðningar í störf á
HVE er tekið mið af jafnréttisstefnu stofnunarinnar. Umsóknarfrestur er til 23. janúar 2016.
Nánari upplýsingar veitir Þórir Bergmundsson, framkvæmdastjóri lækninga, s. 432 1000,
netfang thorir.bergmundsson@hve.is, Linda Kristjánsdóttir, sviðsstjóri lækninga á heilsu­
gæslusviði, netfang linda.kristjansdottir@hve.is, s. 432 1430 og Guðjón S. Brjánsson, forstjóri,
gsm 897 4661 eða 432 1010, netfang gudjon.brjansson@hve.is og skulu umsóknir sendar
honum rafrænt eða á póstfangið Heilbrigðisstofnun Vesturlands, Merkigerði 9, 300 Akranes.