Morgunblaðið - 15.12.2016, Síða 25

MORGUNBLAÐIÐ FIMMTUDAGUR 15. DESEMBER 2016
Gerðu
jólakaupin
i´ friði og ró
Næg bílastæði
Vilhjálmur A. Kjartansson
vilhjalmur@mbl.is
„Jólahátíð Hróksins er nokkurs kon-
ar uppskeruhátíð þar sem við fögn-
um frábæru starfsári og komum
saman til að gleðjast í tilefni
jólanna,“ segir Hrafn Jökulsson, for-
seti Hróksins, um jólahátíðina sem
haldin verður laugardaginn 17.
desember milli klukkan 14 og 17 í
Pakkhúsi Hróksins, Geirsgötu 11,
við Reykjavíkurhöfn.
„Vert er að nefna að af þeim sem
standa að þessari hátíð með okkur
eru stórvinkonur okkar í prjóna-
hópnum í Gerðubergi og verða þær í
stóru hlutverki á hátíðinni, en þær
hafa síðustu ár prjónað ógrynni af
vönduðum fatnaði fyrir börn á
Grænlandi og eru orðnar mjög virk-
ar í starfi Hróksins,“ segir Hrafn um
leið og hann minnir á fjölda ferða
Hróksins til Grænlands á árinu.
„Við höfum upplifað hvern há-
punktinn á fætur öðrum í félaginu.
Allir viðburðir, hvort sem þeir eru
stórir eða litlir að umfangi, eru jafn
mikilvægir í okkar huga. Við höfum
t.d. farið sex sinnum til vina okkar á
Grænlandi á þessu ári og haldið þar
fjölmargar hátíðir sem ótal börn og
fullorðnir hafa tekið þátt í. Við höf-
um einnig haldið áfram að standa
fyrir viðamikilli fatasöfnun í þágu
barna og ungmenna á Grænlandi
sem mikill fjöldi einstaklinga, fyrir-
tækja og samtaka hefur hjálpað okk-
ur með.“
Jafnframt segir Hrafn félagið
stolt af því að hafa safnað þremur
milljónum króna til styrktar flótta-
börnum frá Sýrlandi með skákmara-
þoni og haldið þeirri hefð að sækja
barnaspítala Hringsins heim í hverri
viku til að tefla við skákþyrst börn.
Á hátíðinni á laugardaginn verða
margir góðir gestir og skemmti-
kraftar og mun forseti Íslands,
Guðni Th. Jóhannesson, heiðra gesti
með nærveru sinni.
„Hann ætlar að gefa sér tíma frá
stjórnarmyndunarstússi til að gleðj-
ast með okkur.“
Jólahátíð Hróksins
 Forseti Íslands og aðrir góðir gestir verða á jólahátíð
Hróksins  Prjónahópurinn í Gerðubergi verður með basar
Skák Forseti Íslands, Guðni Th. Jóhannesson, ásamt forseta Hróksins,
Hrafni Jöklussyni, við talfborðið að takast í hendur fyrir forsetaeinvígið.
Sigurður Bogi Sævarsson
sbs@mbl.is
„Ég hef verið um þetta leyti í desem-
ber í vegavinnu í 22 stiga gaddi en nú
er hitinn hér 4-5 gráður. Tíðarfarið
nú er einstakt og verkið gengur því
vel,“ segir Valdimar Guðmundsson,
verkstjóri hjá Borgarverki. Starfs-
menn fyrirtækisins hafa með hönd-
um gerð nýs vegar yfir Bassastaða-
háls í Strandasýslu, það er milli
Steingrímsfjarðar og Bjarnarfjarð-
ar. Þetta er 7,4 kílómetra langur
kafli en vegurinn sem þarna er nú er
barn síns tíma og ekki í samræmi við
kröfur dagsins. Nú er vegstæðið
bætt og hærri vegur með mikilli fyll-
ingu byggður upp.
Hvergi betra í heiminum
Morgunblaðið var á ferðinni í
Strandasýslu á þriðjudaginn og
kynnti sér stöðu mála. Framkvæmd
þessi var boðin út á síðasta ári og átti
Borgarverk hf. lægsta tilboðið, sem
var upp á 338 milljónir króna. Það
var þó vel yfir kostnaðaráætlun
Vegagerðarinnar, sem var 281 millj-
ón króna. Verktíminn er alls um tvö
ár, Borgarverksmenn hófust handa
fyrir rúmu ári og eiga að skila verk-
inu af sér í sumarlok á næsta ári.
Stórvirkar vélar, vélskóflur, jarðýt-
ur og bílar eru á verkstað.
„Þetta er stórt verkefni enda er
framkvæmdatíminn rúmur. Hve vel
viðrar hjálpar okkur mikið. Beina-
grindin að veginum nýja er komin
alla leið, fyrir utan tvo stutta spotta,“
segir Valdimar. „Hér er líka góður
mannskapur, tíu karlar sem hafa
mikla reynslu af svona verkefnum.
Við höldum til í vinnuskúrum á
Bassastöðum og erum í fæði hjá
hjónunum þar, þeim Guðbrandi
Sverrissyni og Lilju Jóhannsdóttir.
Sennilega er hvergi í heiminum
betra að vera í fæði en hjá þeim.“
Langþráð samgöngubót
Bygging vegarins nýja yfir Bassa-
staðaháls – sem aðrir kenna við
Bjarnarfjörð – er langþráð sam-
göngubót sem til dæmis greiðir leið-
ina norður í Árneshrepp til mikilla
muna. Þá teppist vegur þessi gjarn-
an í vetrarsnjóum og því ekki van-
þörf að bæta úr með betri vegi.
Vegagerð á Ströndum
í einstakri tíð á aðventu
 Allt á áætlun á Bassastaðahálsinum  7,4 km nýr vegur
Morgunblaðið/Sigurður Bogi
Brekka Hér sjást aðstæður á hálsinum að sunnan, Steingrímsfjarðarmegin,
þar sem vegurinn liggur. Með nýju vegstæði verða aðstæður betri en nú.
Framkvæmdir „Hér er líka
góður mannskapur, tíu karlar
sem hafa mikla reynslu,“
segir Valdimar Guðmundsson.