Fréttatíminn - 24.06.2016, Blaðsíða 10

10 | FRÉTTATÍMINN | Föstudagur 24. júní 2016
HEKLA · Laugavegi 170-174 · Reykjavík · sími 590 5000 · www.audi.is
ára
ábyrgð5
Reynsluaktu nýjum Audi A4
Öflugri, sparneytnari og snjallari: Nýr Audi A4 sameinar tækni og fagurfræði með einstökum
hætti. Nýstárlegt Audi Virtual mælaborð með 12,3 tommu háskerpu LCD skjá og Bang &
Olufsen hljómkerfi (valbúnaður) með þrívíðu hljóði gefa innanrýminu áhrifamikið yfirbragð.
Komdu og reynsluaktu nýjum Audi A4 sem er margverðlaunaður um allan heim.
ítarlega um vistina á sínum tíma,
enda einsdæmi á þeim tíma að Ís-
lendingur afplánaði í fangelsi svo
fjarri heimahögunum. Úr varð að
Stefán hlaut samúð þjóðarinnar
og hóf DV söfnun fyrir Stefán árið
1985. Upphæðin sem safnaðist fyrir
hann er á reiki, en mun hafa verið á
bilinu 60 til 100 þúsund krónur. Til
gamans má geta uppreiknuð nemur
upphæðin um 500 til 800 þúsund
krónum á verðlagi dagsins í dag.
Stefán var þó enginn nýgræðing-
ur þegar kom að því að sitja í fang-
elsi. Hann hafði margsinnis setið
inni á Litla-Hrauni og ræddi Frétta-
tíminn meðal annars við samferð-
armenn Stefáns sem afplánuðu með
honum hér á landi skömmu áður en
hann fór til Spánar.
„Honum var aldrei treystandi,
það var helst það,“ sagði einn fangi
sem mundi vel eftir Stefáni. Hann
sagði Stefán ekki hafa verið mjög
hátt skrifaðan á meðal glæpamanna
á Litla-Hrauni. Stefáni er lýst sem
myndarlegum manni á yngri árum,
hann var hverfull og mikill fíkill.
Æskuvinir hans voru meðal annars
Bubbi Morthens tónlistarmaður og
svo Þórður Jóhann, sem síðar átti
eftir að verða dæmdur fyrir tvö
morð.
Þegar Fréttatíminn hafði sam-
band við Bubba sagðist hann ekki
vilja tjá sig um þá félaga. Hann
sagði þó í lok skeytisins sem hann
sendi blaðamanni: „Báðir eru góðir
drengir í kjarna sínum.“
Æskuvinir úr Vogunum
Þórður Jóhann Eyþórsson er ári
yngri en Malagafanginn en þeir
ólust upp í Vogunum þegar hverf-
ið markaðist af gríðarlega hraðri
uppbyggingu og ungu fjölskyldu-
fólki. Börnin og unglingarnir háðu
hatramma götubardaga sem Doddi
og Stefán tóku þátt í, auk þess sem
börnin léku sér í Grafarvoginum og
sigldu á öllu sem hægt var að sigla á.
Allt frá flekum yfir í bílhræ.
„Við vorum bara æskufélagar,
lékum okkur saman á skellinöðrum
og svona,“ segir Doddi í viðtali við
Fréttatímann þegar hann rifjar upp
æskuárin. Strax á unglingsaldri fór
slæmt orð af Stefáni og sagði einn
viðmælandi Fréttatímans að hann
væri enn hræddur við Stefán, kom-
inn á miðjan aldur, enda alræmdur
strax á unglingsaldri.
Doddi aftur á móti virtist annars-
konar maður. Á meðan Stefán
braust ítrekað inn og fjármagnaði
vímuefnaneyslu sína naut Doddi
mikillar kvenhylli á yngri árum en
átti á sama tíma í erfiðri baráttu við
Bakkus.
„Við hættum að hanga saman
upp úr 16 ára aldri, svona eins og
gerist oft með æskufélagana,“ út-
skýrir Doddi sem fór þá þegar að
huga að alvöru lífsins á meðan Stef-
án hélt áfram á braut smáglæpa. Í
fróðlegri grein dagblaðsins Eintaks
frá árinu 1994 – sem rithöfundur-
inn Gerður Kristný skrifaði – kem-
ur fram að Doddi hafi verið farinn
að búa með konu átján ára gamall
og eignuðust þau sitt fyrsta barn,
stúlku, skömmu síðar.
Barnsmóðir hans sagði í viðtali
við Gerði Kristnýju á þessum tíma,
þegar hún lýsti Dodda: „Mér fannst
Doddi vera mikill persónuleiki og
það var mikið í hann spunnið þegar
vín var ekki annars vegar. Það var
þægilegt að búa með honum þó
hann sé svolítil karlremba. Honum
finnst að konan eigi að sjá um heim-
ilið og þrífa. Doddi er líka vissulega
skapmikill en þess á milli er hann
ljúfur. Svo er hann mikill pabbi og
hefur alltaf verið óbeinn uppalandi
þrátt fyrir fangelsisvistina.“
Doddi Double
Árið 1983, þegar Doddi var 26 ára
gamall, varð hann Óskari Árna
Blomsterberg að bana. Hann stakk
Óskar Árna í slagsmálum þegar þeir
voru á fylliríi í heimahúsi í miðborg
Reykjavíkur. Árásina mátti rekja
til slagsmála þeirra á milli nokkru
áður, þar sem Doddi varð undir. Í
dóminum segir að hann hafi stung-
ið Óskar nokkrum sinnum, eða fjór-
um sinnum í bakið, og fékk Doddi
að dúsa inni í 7 ár. Tíu árum síðar,
1993, myrti Doddi Ragnar Ólafsson.
Sá hafði verið í tygjum við kærustu
Dodda, sem hafði átt við alvarlegan
vímuefnavanda að stríða. Doddi var
dæmdur í ævilangt fangelsi í hér-
aði, en hæstiréttur mildaði dóminn
og fékk hann 20 ára fangelsi. Það
er þyngsti refsidómur sem kveðinn
hefur verið upp í Hæstarétti Ís-
lands.
Þegar Doddi var spurður á sínum
tíma hversvegna hann hefði myrt
Ragnar, svaraði hann: „Ragnar var
að reyna að fá stúlkuna aftur í dóp-
ið.“
Eftir þetta hefur Þórður Jóhann
verið þekktur sem Doddi Double á
meðal þeirra sem til þekkja.
Og þá að samhengi hlutanna
Stefán virðist nátengdur Guð-
mundar- og Geirfinnsmálinu, en
hann hefur áður tvívegis komið
ábendingum til lögreglu sem tengj-
ast málinu. Þá heldur Erla Bolla-
dóttir því fram að Stefán hafi bent
á hana og hennar félaga í því skyni
að hefna sín á Kristjáni Viðari Við-
arssyni, sem átti eftir að verða
Eintak fjallaði um
líf Þórðar og varp-
aði athyglisverðu
ljósi á líf hans.
Erla Bolladóttir
hefur haldið því
fram að framburður
Stefáns hafi orðið
til þess að hún var
handtekin.
Skjáskot | RUV
Stefán Almarsson, oftast kallaður Malagafanginn, hlaut samúð þjóðar-
innar á níunda áratugnum og söfnuðust um 800 þúsund krónur á
verðlagi dagsins í dag þegar hann sat inni í spænsku fangelsi.